mánadagur 26. september 2016síða 28

VIKA 39 • 26. SEPTEMBER 2016 4 MIÐLAHÚSIÐ ÓKEYPIS LÝSINGARBLAÐ Krabbameinsfelagið fekk 76.700 krónur Seinasta leygardag var stór stuðuls­ konsert í bygdahúsinum á Strondum, sum Lív Jónsveinsdóttir Hansen tók stig til. Allar inntøkurnar frá konsertini fóru óskerdar til Krabbameinsfelagið og tað var ikki smávegis, sum kom burturúr. Krabbameinsfelagið hevur fingið 76.700 kr., sum vit eru ógvuliga takksom fyri. Á konsertini fekk Krabba­meins­ felagið høvi at greiða frá sínum arbeiði. Jansy Gaardlykke, dag­ligur leiðari í Krabbameinsfelagnum, segði m.a.: Martin Thorborg er ein kendur danskur íverksetari. Hann hevur einaferð sagt: »Góð hugskot eru silvur. Fólk, ið gera góð hugskot til veru­leika, eru gull«. Og tað er júst tað, mann kann siga um Lív Jónsveinsdóttir Hansen. Hon fekk eitt gott hugskot, sum hon skjótt gjørdi til veruleika. Og stóra, stóra takk fyri tað! Eitt megnar tiltak. Bæði tón­ leik­ar­ar, frásøgufólk, einstaklingar, hjálparfólk, fyritøkur og nógv onnur hava verið skjót at taka lógvatak saman við Lív, so hetta gjørdist veru­ leiki. Fyri Krabbameinsfelagið er hetta gull vert. Hetta tiltak er við til at hjálpa okkum at hjálpa. At hjálpa og vegleiða fólki, sum hava krabbamein og eisini teimum, sum varða av, er stórur partur av arbeiðinum hjá felagnum. Øll skulu hava møguleika at fáa hjálpina, og tí er hon eisini ókeypis. Felagið ynskir at vísa tí sjúka og teim avvarðandi á glottar og saman fáa hesar at víðkast mest møguligt, so vónin, ljósið og lívsmótið aftur kunnu spíra. Inntøkurnar hjá felagnum eru lima­ gjald og gávur. Fyri at Krabba­meins­ felagið kann hjálpa, er týðandi, at tað eru nógv, sum rætta eina hjálpandi hond, eisini at fáa pening til vega. Tí fløvar hetta tiltak almikið – og tað ger veruliga mun. Vit eru tí ovurfegin og eyðmjúk um ta stóru vælvild, frá fyriskipara og øllum tykkum, ið á ein ella annan hátt hava tikið lut í hesum tiltaki. Vit kunnu bara staðfesta, at virði av hesum tiltaki fevnir nógv longur enn tað peningaupphædd, sum kemur inn. Øll, ið luttaka og stuðla, taka lógvatak saman og eru við til at lyfta byrðar saman við okkum. Eisini at varpa ljós á krabbamein hjá teimum, ið gerast sjúk og familju teirra. Við tykkara persónliga stuðuli og luttøku, eru tit við til at gera silvur til gull. Næstsíðsta leygardag var stór stuðulskonsert í bygdahúsinum á Strondum, sum Lív Jónsveinsdóttir Hansen tók stig til Í sambandi við at Posta letur úr hondum eitt heilt serligt frímerki við toskaskræðu, verður móttøka í Nevinum í Runavík í dag, mánadagin, 26. september klokkan 15. Nýtt frímerki við fiskaskræðu Í dag, mánadagin klokkan 15 verður móttøka í Nevinum í Runavík. Tá verða frímerkini við toskaskræðuni alment givin út, og talan er um eina heilt serliga útgávu. Ongantíð áður eru frímerki gjørd á hendan hátt. Á hvørt frímerki er ein ferhyrntur lepi av toskaskræðu límaður. Skræðan er ótrúliga vøkur og mynstrað - við næstan metalliskum litbrøgdum, ið broytist alt eftir hvørjum vinkli tú sært hana frá. Til móttøkuna fer Svanbjørg Manai, leiðari fyri frímerkjadeildina hjá Posta, at greiða frá hvussu hugskotið er íkomið til hetta serliga frímerkið og hvussu framleiðslan fór fram. Tað eru tey frá Nevinum, ið hava verið so beinasom at latið Posta toskaskræðuna, og vitnar hetta um, at tá ið vit samstarva verður úrslitið enn betri. Posta hevur longu kent, at eftirspurningurin eftir hesum forkunnugu frímerkjum er ovurstórur, og væntast frímerkini skjótt at verða útseld. Heimskendi gravørurin Martin Mörck hevur teknað frímerkið; hann verður hjástaddur til móttøkuna og fer at signera fyrstadagsbjálvar. Møguleiki verður at keypa serføroyska frímerkið á móttøkuni. Okkurt ábit verður at fáa og øll eru hjartaliga vælkomin til eina hugnaliga móttøku, har vit heiðra okkara forkunnuga serføroyska frímerki, siga tey av Posta.