mánadagur 26. september 2016síða 46

VIKA 39 • 26. SEPTEMBER 2016 ÓKEYPIS LÝSINGARBLAÐ Slakt 22 TEMA Vilmund Jacobsen MBM Búrøkt, sum hevur sølubúð við Vegin Langa í Hoyvík, Klaksvík og í Øravíkarlíð, selur ymiskt til slakt, nú rakstur og fletting standa fyri kring alt landið. Kim Petersen er deildarleiðari á Búrøkt, og hann sigur, at tey plaga at laga útboðið í sølubúðunum eftir árstíðunum. Soleiðis er eisini, nú fjøllini verða gingin, og skurðurin skal takast. – Vit hava júst fylt upp í okkara sølubúðum við ymiskum, sum hoyrir slaktinum til. Vit hava píkabyrsur, patrónir, knívar, matvørugóðkend íløt, og vit hava flettingarborð, bæði úr træi og aluminium. Hesi borð eru øll framleidd í Føroyum, og træborðini koma av vardum verkstaði. Vakumpakkimaskinur Deildarleiðarin hjá MBM Búrøkt sigur, at sølubúðirnar í Hoyvík, Klaksvík og Øravíkarlíð eisini hava smáar vakumpakkimaskinur og vakumposar. – Hetta eru eftirspurdar maskinur til heimabrúk, og vit hava eisini góð tilboð upp á smáar maskinur. Kim Petersen vísir á, at vøra, sum verður vakumpakkað, heldur sær betri, tí luftin verður sogin úr plastikposanum. – Hesar maskinur eru í stóran mun líka sum vorðnar ein partur av køkinum, og bara í fjør heyst, tá skurðurin stundaði til, seldu vit rættiliga nógvar vakumpakkimaskinur, sigur hann. Ring og spyr Deildarleiðarin sigur, at sølubúðirnar hjá Búrøkt hava nógv viðskiftafólk hesa ársins tíð. – Tey, sum vilja hava fatur í okkara sølubúðum, kunnu ringja á tlf. 309000 og spyrja eftir teirri sølubúð, tey vilja tosa við, sigur Kim Petersen. – Umframt allar vanligar vørur í samband við slakt, hava sølubúðirnar hjá okkum í Hoyvík, Klaksvík og Øravíkarlíð eisini smáar vakumpakkimaskinur, sigur Kim Petersen, deildarleiðari MBM Búrøkt hevur alt til slakt Vilmund Jacobsen Frá mikkjalsmessu og út í seinnu helvt av oktober verða heystfjøllini gingin, og umleið 60.000 lomb og seyðir verða tikin. Fyri bert fáum árum síðani var so at siga alt av skurðinum tikið til høldar, men seinnu árini hevur meira og meira av innvøli verið koyrt burtur. IRF, sum altíð mælir til at verja umhvørvi, hevur henda boðskap, nú fjøllini verða gingin: • Latið ikki seyðaskinnini til brenn­ ingar, tí tað dálkar. • Tømið vemburnar, tí fullar vembur dálka. • Latið blóð og vatn seta frá, áðrenn leivdir av slakti verða burtur­beindar • Latið innvøl og leivdir í plastposar, áðrenn tað verður latið í vanligu bingjurnar IRF veit at siga, at vinnurekandi garðar og slaktarar skulu venda sær til IRF í samband við móttøku av burturkasti frá skurð­inum. – Onnur kunnu koyra leivdir av skurðinum á bingjuplássið í kommununi og í bingju til burturkast, sum skal brennast.. Lagt verður aftrat, at seyðatøð og gor kunnu brúkast sum tøð á bønum ella í urtagarðinum. – Fært tú ikki brúkt tøðini, kanst tú venda tær til bygda- ella býráðið og spyrja, hvar tú kanst leggja tøð og tílíkt. Visti tú… IRF setir eisini nakrar spurningar, nú slaktið nærkast. – Visti tú, at nakað av tí, sum dálkar allar mest at brenna, eru seyða­skinn, og visti tú, at ein full vomb, sum fer í ovnin hjá IRF, viðførir dálking? IRF vísir á, at tá hitin í brenni­ ovninum fer úr teimum vanligu 1000 stigun­u­m og niður á 850 stig, veksur út­látið. – Hetta er ein avbjóðing, tá IRF fær vátan innvøl, fyltar vembur og seyða­skinn frá slakti. Vit hava brúk fyri tínari hjálp til at verja umhvørvið, sigur IRF. – Visti tú, at nakað av tí, sum dálkar allar mest undir brenning, eru seyðaskinn, og visti tú, at ein full vomb, sum fer í ovnin hjá IRF, viðførir dálking? Leivdir frá slakti dálka illa