hósdagur 29. september 2016síða 30

FRÍGGJADAGUR 30. SEPTEMBER 2016 SOSIALURIN 112 30 Í gjár var mikkjalsmessa. Á mikkjals­ messu hevur Heri Jógvan Joensen, prestur í Suðurstreymoyar vestara prestagjaldi føðingardag. Hann er føddur í 1956, og harvið helt hann í gjár 60 ára føðingardag. Heri er svínoyingur. Foreldrini vóru Fríðgerð og Heini Joensen. Fríðgerð var ættað úr Heimistovu í Svínoy, og Heini var ættaður har Heimi í Svínoy. Heri eigur eina systur. Hon eitur Anna Jórun Heinadóttir, og hon býr í Havn. Inntil Heri var tíggju ára gamal, búðu hann og foreldrini saman við einari abba­ systir og einari aðrari eldri skyldkonu. Frá teimum og so mongum øðrum tilkomnum og eldri fólkum í heimbygdini, ið Hera sum skúladrongur dámdi væl at vitja og fregnast hjá og at lurta eftir, fekk hann nógvan førning, sum stavar frá farnari tíð, og sum nú er kámt og ikki sørt ókent millum nútíðar føroyingar. Heri fekk góða skúlagongd í Svínoy, har Karl Justinussen var lærari øll árini, sum Heri saman við einum tíggju til fimtan øðrum børnum gekk í skúla. Hann tók real­ prógv í Hoydølum í 1974, og í 1977 leyk hann nýmálsligt studentsprógv. Merkisvert var tað, at tað í hesum flokkinum vóru eisini Jógvan Fríðriksson, biskupur, Uni Næs, dómpróstur og eisini Ólavur Rasmussen, sum í nøkur ár var prestur í Hvalba. Eftir árini í Hoydølum var Heri vikarur í Svínoy í eitt ár. Í 1978 fór hann undir gud­ frøðislestur á gudfrøðisdeildini á Fróð­ skaparsetri Føroya. Gudfrøðisdeildin var tá tvey ára gomul. Teir fýra omanfyri nevndu lósu har saman við Armgarð Arge, sum nú er gudfrøðingur í Útvarpinum. Í 1981 fór Heri til Íslands, har hann helt fram við lestrinum á Háskúla Íslands. Hann leyk gudfrøðisligt embætisprógv í Reykjavík miðskeiðis í áttati árunum. Umframt gudfrøðislesturin leyk Heri eisini prógv í sálarfrøði og námsfrøði í Íslandi. Árini í Reykjavík arbeiddi Heri innan síni virkisøki. Eitt nú við at hjálpa teimum at koma fyri seg aftur, ið lagnan ikki hevði verið so blíð við. Størsta fongin, sum Heri fekk við sær heim úr Íslandi, var konan. Birna Steingrímsdóttir er ættað úr sveitini á Norðurlandinum. Hon er bóndadóttur, og tey bæði hittust, tá ið hon las búskaparfrøði. Heri er bygdarmaður, sum hevur megnað ógvuliga væl samstundis at vera prestur í høvuðsstaðnum. Birna er bygdargenta, sum harvið sjálvsagt hevur havt lætt við at finna stevið í Svínoy, og sum er góður fulltrúi í almannaráðnum. Birna og Heri eiga tvey børn: Heini (1990) og Bryndis (1994). Í 1989 tók Heri við kallinum sum prestur í Suðuroyar sunnara prestagjaldi. Hann var níggju ár í Vági, hann heldur nógv av suðuroyingum, og teir halda nógv av hon­ um og teimum. Heri er vinsælur menn­iskja­ kennari, og hann hevur stórt fólka­tekki. Innlitið í ætt og slekt er framúr, bygda- søgurnar kennir hann allar, og barnaárini í Svínoy, skipstúrarnir í lestrar­tíðini og árini í Íslandi eru góð fyritreyt fyri innliti í lívið hjá føroyingum. Eftir níggju góð ár í Vági tók Heri við kallinum í høvuðsstaðnum. Tað eru longu átjan ár síðani, at hann flutti til Havnar at vera prestur. Eisini her er hann væl lýddur og nógv eftirspurdur. Um tað er í Vesturkirkjuni ella á bygd, so er skoðsmálið gott. Tað gongur nógv fólk í kirkju, og heitt verður á Hera um at hava eina rúgvu av kirkjuligum tænastum og at vera við til tiltøk av ymsum slagi. Starvsfelagar siga, at tað eyðkennir prædikurnar, at tær eru lætt fatiligar og við dýpd í. Heri heldur seg væl til tekstin, og samstundis er hann meistari at nýta myndir úr bygdarlívinum. Bæði í miðnámsskúlanum í Vági og í Hoydølum hevur Hera dámt væl at havt møgu­leika at undirvísa. Hann hevur undir­ víst í sálarfrøði, latíni og religión. Í avmarkaðu frítíðini dámar Hera væl at vitja í Svínoy, har hann fæst við hoygging, seyð og annað bygdarlív, sum hann er uppvaksin í og við, og sum hann framvegis hevur stóran tokka til. 60 ára føðingardagin var tað frá klokkan fýra seinnapartin opið hús í prestagarðinum við Landavegin. J Staðbundnar nevndir Sambært § 37 í løgtingslóg nr. 87 kann kommunustýrið seta staðbundnar, ráðgevandi nevndir til tess at tryggja fólki á staðnum ummælisrætt í málum sum viðvíkja staðbundnum viðurskiftum. Valið fer fram sama dag og eftir somu reglum, sum val fer fram til kommunustýrið við teimum avvikum, ið umstøðurnar krevja. Á býráðsvalinum 8. november 2016 kunnu sostatt veljast 3 limir í ávikavist Hvítanesnevnd Tórshavnar býráðs Kaldbaksnevnd Tórshavnar býráðs Kollfjarðarnevnd Tórshavnar býráðs Kirkjubøar/Velbastaðarnevnd Tórshavnar býráðs Hest/Koltursnevnd Tórshavnar býráðs Nólsoyarnevnd Tórshavnar býráðs Í atkvøðuøkinum ávikavist á Hvítanesi, í Kaldbak/Kaldbaksbotni, í Kollafirði, í Kirkjubø/Velbastað/Syðradali, í Hesti/Koltri og í Nólsoy hava borgarar valbæri og valrætt, sum standa á vallistanum til býráðsvalið. Valevnislistarnir skulu vera valnevndarformanninum ella kommununi í hendi á býráðsskrivstovuni í seinasta lagi týsdagin 18. oktober 2016, kl. 18.00. Ein av stillarunum skal handa valevnislistan og navnalista yvir stillararnar, og skulu bæði velevnislistin og navnalistin skilliga verða lýstur við navni, starvi, bústaði og føðingardegi. Tíð og stað fyri valið verður kunngjørt seinri. torshavn.fo Heri prestur 60 ár NØVN