mánadagur 3. oktober 2016síða 42

VIKA 40 • 3. OKTOBER 2015 18 ÓKEYPIS LÝSINGARBLAÐ TEMA Sandoy Tað grør um gang – Vit høvdu ein ótíðarhóskandi skúla, og tí er tað ein ógvuliga stórur lætti, at vit nú høvdu fíggjarligar umstøður at fremja okkara skúlaverkætlan. Eg eri errin av skúlanum, og tað gleðir meg almikið, at vit nú kunnu bjóða okkara næmingum og lærarum hesar rúmligu, flottu og snotuligu karmar at virka undir, sigur Gerhard Lognberg, borgarstjóri í Skopunar kommunu Vilmund Jacobsen S kopunar kommuna er saman við Føroya Grótvirki farin undir at gera eitt fríøki niðri við Kolturs­ víkina í bygdini. Hetta verður eitt vak­ urt og hugnaligt øki, har ætlanin eisini er at hava benkur og borð, soleiðis at fólk kunnu seta seg niður at njóta løt­ una. Gerhard Lognberg, borgarstjóri í Skopunar kommunu, sigur, at økið so smátt er byrjað at forma seg við garði, bygdur úr stórum steinbrotum. – Á fríøkinum, sum verður ein perla í bygdini, verður eisini standmynd av manni og kvinnu, sum skal ímynda fyrstu niðursetufólkini í bygdini. Skop­ un er lutfalsliga ung bygd, og fyrstu niðursetufólk komu higar í 1833. Meðan vit eru við gamlar tiðir í Skopun, kann leggjast aftrat, at fyrsti millumbygdavegur í Føroyum, varð bygd­ur millum Skopun og Sand fyri júst 100 árum síðan í ár. Gerhard Lognberg vísir á, at stand­ myndin, sum verður reist á fríøkinum, verður í manshædd, og hann gleðir seg til dagin, tá økið verður liðugt, og standmyndin verður avdúkað. – Gløgt er gestsins eyga, sum tikið verður til, og tað verður deiligt at fáa hetta økið niðri í bygdini. Júst, nær arbeiðið verður liðugt, er trupult at siga beint í løtuni, men tað verður í øllum føri í hesum árinum. Borgarstjórin vísir á, at um miðjan oktober verður hátíðarhald í Skopun, tá nýggi skúlin verður vígdur og sýnd­ ur fram alment, men tað er greitt, at fríøkið verður ikki liðugt til henda dagin. Errin av skúlanum Skopunar kommuna hevur fingið nýggjan skúla, og Gerhard Lognberg dylur ikki fyri, at hann er sera errin av nýggju, góðu og rúmligu kørmunum, sum skúlanæmingar og lærarar nú hava fingið. – Hetta eru karmar, sum hava staðið óbrúktir og óinnrættaðir, tá kommunan enn var tyngd av skuld. Nú vit eru niðan fyri eina álíkning, og øll útlit eru góð, var høvi at taka upp aftur arbeiðið at gera skúlan lidnan. Borgarstjórin vísir á, at í nýggja skúlanum eru tríggjar stórar skúla­ stovur á stívliga 60 fermetrar hvør. Her er vátrúm á umleið 40 fermetrar, lærara­stova við wc, skrivstova til skúlaleiðara, wc til gentur og dreingir, og her er wc við brúsu til avlamin. – Í nýggja partinum er eisini inni­ lok­aði »skúlagarðurin«, sum er einar 300 fermetrar stórur og kann brúkast til mangt og hvat eftir skúlatíð. Gerhard Lognberg sigur, at gamli parturin av skúlanum eisini er um­ bygdur, soleiðis at her er komin nýggj smíðstova, dupultur køkur til undir­ vísing við kantinu, bókasavnið er um­ bygt, og heilsufrøðingurin hevur fingið egna skrivstovu. – Vit hava keypt nýtt innbúgv, og skúlastovurnar hava fingið nútímans elektroniskar talvur. Nú skúlin stendur liðugur, hoyrir tað eisini við til søguna, at íløgan er goldin yvir raksturin hjá kommununi. Borgarstjórin leggur aftrat, at túnið uttan fyri skúlan er steinsett, og allur skúlin verður nú klæddur við timbri. – Nógvir arbeiðstakarar hava verið við í skúlaverkætlanini frá byrj­an til enda, og tað er Sp/f Drang­berg í Skopun, sum hava gjørt timbur­ arbeiðið, síðan farið varð undir at gera skúlan lidnan, sigur Gerhard Logn­berg. Ein framtíðar skúli Í Skopunar skúla ganga umleið 30 skúla­børn úr 1. og upp í 5. flokk, men í nýggja skúlanum er helst pláss fyri umleið 70 skúlabørnum. – Vit hava soleiðis fingið ein fram­ tíðarskúla, sum hevur møguleikar at rúma fleiri næmingum aftrat, tá vit fáa fast samband við meginøkið við undir­sjóvartunlinum, sum sambært fyri­liggjandi ætlan verður liðugur í 2021. Borgarstjórin vísir á, at Skopunar kommuna hevur einar 20 næmingar í Meginskúlanum á Sandi, umframt 35 børn í barnagarðinum í Skopun. – Vit høvdu ein ótíðarhóskandi skúla. Tí er tað ein ógvuliga stórur lætti, at vit nú høvdu fíggjarligar um­ støður at fremja okkara skúla­verk­ ætl­an. Tað gleðir meg almikið, at vit nú kunnu bjóða okkara næmingum og lærarum hesar flottu og snotuligu karmar at virka undir, umframt at umstøður nú er skaptar til nógv fleiri næmingar, um tørvurin í framtíðini fer at vísa seg, sigur Gerhard Lognberg. Grør um gangandi fót At tað grør um gangandi fót í Skop­ unar kommunu, eru so nógv tekin um í hesum døgum. Umframt at hava fingið nýggjan skúla, hevur kommunan eisini asfal­ ter­að vegirnar í bygdini fyri umleið tvær miljónir krónur. – Fleiri vegir vóru niðurslitnir, og haraftrat hava vit asfaltterað út­ stykkingarvegin til Ognina, sum vit gjørdu í 2007. Hesin vegur hevur ikki verið asfaltteraður áður. Gerhard Lognberg væntar, at kirkju­garðsvegurin, sum er ein grús­ vegur, verður asfaltteraður seinni í ár. – Tá asfaltarbeiðið nærkaðist, skriv­aðu vit eisini til borgararnar í Skop­un og lótu tey vita, at møguleikar vóru at fáa privat tún og annað asfal­ terað, og tað vóru nøkur, sum tóku av. Bygdin er nú vorðin nógv snøggari og meira innbjóðandi. Borgarstjórin sigur, at við innkoyr­ ingina til Skopun hevur bygdin nú eisini fingið eitt stórt skelti sum neyvt lýsir, hvar ymisku støðini og at­trak­ tiónirnar í Skopun eru. Skeltið er tríggjar metrar høgt og hálvan triðja metur breitt og tekur seg væl út. Tá tú so koyrir úr aftur Skop­ un, stendur so vakurt »Vit takka fyri vitjanina«. – Á skeltinum við innkoyringina er alt við, sum vit hava at vísa fram í Skopun, sigur Gerhard Lognberg. Hann vísir á, at tað er Føroyaprent, sum hevur gjørt skeltið, og tað var eitt ynski hjá kommununi, at tá fólk eftir vitjanina koyra úr aftur Skopun, skuldi standa »Vit takka fyri vitjanina« – og ikki bara »Takk fyri vitjanina«. – Vit vildu líka sum hava tað per­ sónliga við, leggur borgarstjórin aftr­ at. Hann gleðist um, at tað veruliga grør um gangandi fót í Skopun. – Vit gleðast um fiskavirkið, sum skapar nógv arbeiði – ikki bert til okkum í Skopun, men eisini til aðrar borgarar í Sandoynni. Vit hava eitt handilslív, og her er Lívfiskastøðin, Føroya Grótvirki, barnagarður, skúli og eldrasambýli, sum geva arbeiði til nógvar hendur. Haraftrat hava vit fingið kampingpláss, sum verður rikið privat, og her standa vognar alt árið. Nýggj innkoyring Eitt, sum nýggja bygdarráðið ætlandi fer at arbeiða við í komandi setu, er ein nýggj innkoyring til bygdina í Skopun. – Innkoyringin er ein ávísur fløsku­ hálsur inn í bygdina, tí her koyra eitt nú stórir trailarar við fiski til virkingar. Vit ynska okkum eina góða, breiða og trygga innkoyring. Gerhard Lognberg væntar, at tá nýggja innkoyringin verður gjørd, verð­ ur helst eisini neyðugt at flyta báta­ dráttin. – Hetta er eitt arbeiði, sum bygd­ ar­ráðið, ið verður skipað eftir komm­ unuvalið í heyst, fer at taka upp, og eg vóni, at henda verkætlan kann fremj­ ast í næstu setu, sigur borgar­stjórin í Skopunar kommunu. Gerhard Lognberg vísir okkum nýggju og snotuligu køkarnar og góðu umstøðurnar í kantinuni Mynd: Vilmund Jacobsen – Nú nýggi skúlin stendur liðugur, er øll íløgan goldin, sigur borgarstjórin Mynd: Vilmund Jacobsen