mánadagur 3. oktober 2016síða 52

4 Jólaborðhald ÓKEYPIS LÝSINGARBLAÐ VIKA 40 • 3. OKTOBER 2015 Pakkaspæl er seinastu árini vorðin ein partur av jólaborðhaldinum hjá nógvum føroyingum. Tað er eitt stuttligt íkast, har gestirnir fáa høvi at kappast um at vinna so nógvar gávur sum gjørligt Kvøldið kann tó skjótt gerast keðiligt, um gestirnir ikki eru samd um reglarnar. Tað vilja vit í Vikublaðnum hjálpa at steðga, so her eru nakrir reglar: Til pakkaspæl er neyðugt við hesum: • Hvørt fall einari gávu fyri hvønn persón. Fleiri gávur fyri hvønn persón, stuttligari verður tað. • Terningar. • Eitt stoppur. Allar telefonir hava tó stoppur í dag. Hetta eru reglarnar: • Byrja við at leggja allar pakkarnar í eina rúgva mitt á borðinum. • Gestirnir skiftast um at kasta terningin. Fær man eitt 6-tal, so kann man taka ein pakka til sín. Hetta verður gjørt til allar pakkarnir eru deildir millum gestirnar. • Nú er týdningarmikið, at ein persónur hevur stýr á tíðini. Viðkomandi setur alarmin, men sigur ikki við hinar gestirnar hvussu nógva tíð tey hava. • Nú byrjar spælið. Gestirnir skiftast um at ringla – og hvørja ferð man fær eitt 6-tal, kann man stjala ein pakka frá hinum gestunum. • Tá urið ringir og tíðin er farin, kann man pakka sínar gávur upp. Jólafrokost ella jólaborð? Í Føroyum er ikki óvanligt at síggja fólk brúka bæði jólafrokost og jólaborð um kvøldið við mati, hugna og undirhaldi við starvsfólk og vinum. Sambært Sprotanum, so er tó einans eitt orð fyri hetta kvøldið, og er tað jólaborð, og verður orðið lýst fylgjandi: - Borðhald í sambandi við jólini (vanl. fyri jól), skrivstovan hevði jólaborð fyri øllum starvsfólkinum Orsøkin til, at føroyingar eru farin at brúka orðið jólafrokost, er nokk tí, at tað er danska orðið fyri jólaborðhald. Danmark er tó einans land í Norðurlondum, ið brúkar heitið jólafrokost. Í øllum øðrum londum verður heitið jólaborðhald brúkt. Rísalamang til seks fólk Soleiðis gert tú: Hita ovnin upp til 200°. Skola rísini og kóka tey varisliga við mjólkina í eini grýtu við tjúkkum botni. Rør í grýtuni alla tíðina. Sker vaniljustongina, og skava kornini úr. Koyr síðan vaniljustongina og kornini í grýtuna saman við rísunum og rør tað saman við sukur og salt. Legg lokið á grýtuna, og set hana í ovnin í ein hálvan tíma Ver ikki bangin fyri, at greyturin er flótandi, men lat hann kólna. Fiska vaniljustongina úr greytinum. Hakka mandlurnar grovt. Píska fløtan inntil hann er sum tjúkt ymur, og vend honum varisliga í rísgreytinum saman við mandlunum. Lat rísalamangi standa eina løtu áðrenn fari verður at eta. Tilfar: Rísgreyturin: 130 gramm rísgreyt. 1 litur mjólk. 1 vaniljustong. 75 gramm sukur. 1 knívsodd av salt Harumframt: 75-100 gramm smuttede mandlur. 4 dl róma at píska. Uppskrift frá Meyers mad. Pakkaspæl