mánadagur 10. oktober 2016síða 34

VIKA 41 • 10. OKTOBER 2015 10 ÓKEYPIS LÝSINGARBLAÐ TEMA Eiði Vilmund Jacobsen T ey, sum í ár standa aftan fyri Heystfagnaðar-tiltakið, sum verður á Eiði frá hósdegnum til og við sunnudagin komandi, eru Alda Egils­trøð Magnussen, Tonny Kruse, Óli Ejdesgaard, Ólavur Høghamar, Elin Kruse, Flóvin í Kollsbyrgi og borgar­ stjórin, Jógvan í Skorini. – Hetta er ein tíð, sum mong gleða seg til, og her á Eiði vilja vit gera burtur úr hesum. Hetta er tíðin, tá skurðfjøllini verða gingin, og har fjall­ gongur, fletting og seyðaprát fyllir nógv kring um í bygd og bý. Alda Egilstrøð Magnussen sigur, at seyður og fletting eisini seta sín serstaka dám á skránna fyri Heyst­ fagnaðin á Eiði. – Her verður mangt á skrá, sum hevur við heystið at gera, og støðið verður náttúrliga tikið í seyði, seyða­ haldi og fletting. Seyða­sýning, føroya­ meistara­kapping í flett­ing, hespu­ kapp­ing, og rullu- og kjøtpylsukapping eru partur av forvitnisligu skránni. Høvið verður eisini at vitja verkstaðir til børn og ung, eitt nú við tøving og evnan av ymiskum prýði úr horni. Hon sigur, at børn og ung, sum hava hug, sleppa at royna seg á verk­ støðunum við leiðbeining frá dugna­ ligum fólki. Heystfagnaðurin á Eiði byrjar hósk­vøldið í nýggju mentanarhøllini við fyrilestrum, og síðan verður pall­ borðsfundur fríggjakvøldið. Evnið hesa­ferð er ferðafólk og náttúra. – Tann stóri dagurin verður leygar­ dagin, men eisini fríggjakvøldið verð­ ur ymisk á skránni. Tá er ætlanin at skipa fyri felags Gekka-spæli, eins og enskur dansur verður í EB-húsin­ um, sum Eiði Kamping rekur. Gekka- spælið riggaði væl í fjør, og tá fóru eisini politikarar, sum vóru við í pall- borðsorðaskiftinum, beint inn at spæla Gekk saman við øðrum. Hugnaligt umhvørvi Alda Egilstrøð Magnussen sigur, at tað, sum ger Heystfagnaðin so serliga hugnaligan er, at tiltakið er niðri í gomlu bygdini og í neystunum niðri við bryggjuna. – Fólk, sum eiga neystini og forn­ minnisfelagið, sum varðar av nøkrum av gomlu húsunum, hava øll verið serstakliga lagalig. Vit hava ruddað nøkur av neystunum og hava gjørt tey hugnalig, og eg haldi, at tað hevur riggað ómetaliga væl at hava tey nógvu tiltøkini her. Hon sigur, at tey bevíst hava valt ikki at byggja tiltakið upp við tjøldum, tí tey halda ikki, at tjøldini skapa nakr­ an serligan hugna. – Men, seyðasýningin, sum verður leygarmorgunin og heldur fram til út á seinnapartin, verður í tjaldi á bryggj­ uni. Alda Egilstrøð Magnussen sigur, at ein kúgv verður flett Eysturi á Hamri um 13-tíðina leygardagin. Fyri børnini var tað í sínari tíð hæddarpunktið í bygdini, tá kúgvin varð flett. – Hetta er triðja árið á rað, at kúgv verður flett, og hetta hevur eisini havt stóran áhuga, sum eitt av fyrstu til­tøkunum á skránni leygardag á fagnaðinum. Hon vísir á, at føroyameistara­ kapp­ingin í fletting fer fram á ein­um stórum vogni seinnapartin leygar­ dagin. – Her verða fyrst innleiðandi kapp­ ingar, og síðan verður ein finala mill­ um bestu flettarar í hvørjum bólki. Tað eru royndir flettarar, sum døma, og her ræður ikki bara um skjótleika, men eisini, hvussu væl tummað og flett verður annars. Flettast skal upp á gamlan máta, og eitt nú skulu vilini eisini dragast. Alda Egilstrøð Magnussen sigur, at føroyameistarakappingin í fletting hevur stóran áhuga - ikki bara fyri fólk í Eiðis kommunu, men fólk eru eisini komin aðrastaðni, bæði at luttaka og fylgja kappingini. – Seinni um kvøldið verður neyta- og seyðakjøt selt á uppboði niðri á bryggjuni, eins og ætlanin eisini er at selja ein livandi veðr. Hon vísir á, at eftir uppboðssøluna, sum ætlandi byrjar klokkan 22, verður felagssangur, har Finnur Koba syngur fyri. – Eftir felagssangin verður før­ oyskur dansur – um viðrar – niðri á bryggjuni, og enskur dansur í ítróttar­ høll­ini. Viðrar ikki, verður føroyski dans­urin helst í EB-húsinum niðri á Mølini. Alda Egilstrøð Magnussen sigur, at millum søluframsýningarnar verður ein í Krusapakkhúsinum við troyggjum, leiðuri-og ymiskum tøvdum lutum. – Seinnapartin leygardagin verða eisini heil lambskrov grillað, og her verður klárt at keypa sær ein góðan bita - fyri ein sámiligan penga - um 17-tíðina. Tvey heit neyst verða sett av til fólk at sita og eta í, leggur hon aftrat. Í onkrum av neystunum verður høvi at keypa sær pannukøkur og kaffi, og í øðrum neysti verður fesk súpan. Eiðis Kamping verður eisini við í Heystfagnaðar-tiltakinum, og seinna­ partin fríggjadagin verður loppu­ markn­aður niðri á Mølini. Konsert og dansur Alda Egilstrøð Magnussen sigur, at leygardagin millum klokkan 15 og 22 verða fýra konsertir í neystunum niðri við bryggjuna. – Her fara Hallur Joensen, Boys in a Band, Martin Joensen og Anfinn & Co at syngja og spæla. Á midnátt byrjar so stórdansurin í ítróttarhøllini, har Hans Jacob Hjelm fer at framføra, og eisini hetta tiltakið er ókeypis, sigur hon. Tey, sum skipa fyri Heystfagnað­ inum á Eiði, ganga øll í føroyskum húgv­um, myrkamorreyðum troyggjum og hvítbotnaðum gummiskóm, meðan fagnaðurin er. Fagnaður á Eiði sum setir fokus á heystið – Tað, sum ger Heystfagnaðin á Eiði so serliga hugnaligan, er, at tiltakið er niðri í gomlu bygdini og í neystunum niðri við bryggjuna, heldur Alda Egilstrøð Magnussen, sum er ein av fyriskiparunum – Vit, sum skipa fyri, ganga øll í føroyskum húgvum, myrkamorreyðum troyggjum og hvítbotnaðum gummiskóm, sigur Alda Egilstrøð Magnussen Føroyameistarakappingin í fletting hevur stóran áhuga á Heystfagnaðinum á Eiði