mánadagur 24. oktober 2016síða 34

VIKA 43 • 24. OKTOBER 2016 10 ÓKEYPIS LÝSINGARBLAÐ TEMA Vágar Vilmund Jacobsen S jóvinnustýrið hevur bæði við lýs­ingum, greinum og í loft­miðl­ unum gjørt vart við, at krøv­ini at fáa ávís sjóvinnubrøv ella før­ leika­prógv verða herd eftir 1. januar 2017. Talan er um sjóvinnubrøv til brúgva­yvirmenn við handilsskipum, maskin­yvirmenn, skipselektrikarar, skips­kokkar við handilsskipum og fiski­skipum og fulltiknar dekkarar og motor­menn. Staðiliga hevur verið heitt á øll føroysk sjófólk, sum hava tørv á sjóvinnubrøvum, um at kunna seg um krøvini, og í hesum sambandi hevur verið víst á heimasíðuna hjá Sjóvinnustýrinum - www.fma.fo, har neyv kunning er um øll hesi viðurskifti. Sjóvinnustýrið stúrir fyri, at fleiri sjó­fólk eru í vanda fyri at missa starvi, um tey ikki sum skjótast senda Sjó­ vinnu­stýrinum umsókn um sjó­vinnu­ bræv. Skiftistíðin er avgerandi – Vit eru í einari skiftistíð, sum gongur út 1. januar 2017. Hugburðurin – at tað gongur nokk – gongur ikki, tí ert tú siglandi, og tú einki ger við at fáa sjóvinnubrævið ella førleikaprógvið upp á pláss, kanst tú eftir 1. januar standa við ongum starvi. Christel Christoffersen, deildarleið­ ari og Súsanna Dal Jákupsdóttir, full­ trúi í Sjóvinnustýrinum, vísa á, at tað kann spara siglandi fólki ótrúliga nógva tíð og nógv stríð at gera vart við seg og søkja, áðrenn skiftistíðin rennur út. – Skiftistíðin er komin fyri at tryggja, at siglandi ikki missa starvið orsakað av øktu krøvunum. Men vit hava bara fram til 1. januar 2017 loyvi at endurnýggja sjóvinnubrøv og skriva út førleikaprógv samsvarandi lágu krøvunum. Eftir 1. januar eru hesi sjófólk noydd at fara á skúla­ bonk í upp til fleiri ár. - Sum dømi kann nevnast, at umtú siglir sum óút­búgvin kokkur við fiskiskipum ella hand­ils­skipum, kanst tú meðan skiftis­tíðin er fáa sjóvinnubræv grund- að á starvsroyndir umborð. Men, letur tú tíðina ganga og ikki syrgir fyri hesum fyri 1. januar 2017, fært tú ikki sjóvinnubræv, fyrr enn tú hevur tikið eina kokkaútbúgving. Sama er gald­andi fyri sjófólk, ið sigla sum full­tiknir dekkarar og motormenn við hand­ils­skipum. Søkja hesi ikki áðrenn 1. januar er neyðugt at ganga eitt ár í skúla fyri at fáa førleikaprógvið. Sjófólk hava ábyrgdina Christel Christoffersen og Súsanna Dal Jákupsdóttir vísa á, at tey á Sjó­ vinnu­stýrinum hava staðið á høvd­ inum, sum tær taka til, fyri at fáa av­ greitt umsóknirnar, sum higartil eru komnar. – Vit kunnu ikki taka ábyrgd av, at sjófólk eru ov sein á sjóvarfallinum. Men, tað sum í fyrsta lagi ræður um og er altavgerandi er, at søkt verður um sjóvinnubræv ella førleikaprógv í skiftistíðini. Tær vísa á, at tað eru sjófólk, sum bæði noyðast til Klaksvíkar í skúla og noyðast at hava longri siglingartíð, um skiftistíðin rennur út, og einki verð­ur gjørt. – Tað er nú, meðan skiftistíðin er, at tú kanst fáa góðskrivað tínar royndir umborð. Situr tú hinvegin sjóvar­fallið av tær, er eingin bøn. 2.500 sjóvinnubrøv Christel Christoffersen og Súsanna Dal Jákupsdóttir leggja dent á, at øll sjófólk eiga at seta seg inn í broyttu viðurskiftini, sum verða eftir 1. januar 2017 - og serliga venda tey sær til fulltiknar dekkarar, fulltiknar motor- menn, kokkar og skips­elektrikarar. – Um sjófólk skulu mynstra eft­ir 1. januar 2017, mugu hesi senda Sjó­ vinnu­stýrinum umsókn um sjó­vinnu­ bræv sum skjótast. Sjóvinnustýrið kann tó ikki veita vissu fyri, at allar um­sóknir verða avgreiddar áðrenn árs­lok. Christel Christoffersen og Súsanna Dal Jákupsdóttir siga, at sam­bært hagtølum skulu umleið 2.500 sjó­ vinnubrøv og førleikaprógv endur­ nýggjast ella útskrivast av nýggjum. – Vit meta, at um hesi hagtøl eru røtt, vanta okkum umleið 350-400 umsóknir, og soleiðis skulu einar 750-800 umsóknir viðgerast í Sjó­ vinnustýrinum fyri ársskiftið, siga deild­arleiðarin og fulltrúin í Sjó­vinnu­ stýrinum. - Tað er nú, meðan skiftistíðin er, at tú kanst fáa góðskrivað tínar royndir umborð. Liggur tú hinvegin sjóvarfallið av tær, er eingin bøn, siga Christel Christoffersen og Súsanna Dal Jákupsdóttir, deildarleiðari og fulltrúi í Sjóvinnustýrinum Fleiri sjófólk í vanda fyri at missa starvið Hevur tú endurnýggjað sjóvinnubrævið? Ligg ikki sjóvarfaLLið av tær! Krøvini til sjóvinnubrøv verða herd 1. januar 2017 Kanna tína støðu á www.fma.fo