mánadagur 24. oktober 2016síða 40

VIKA 43 • 24. OKTOBER 2016 16 ÓKEYPIS LÝSINGARBLAÐ TEMA Vágar Klaksvíkingur stýrir Handils­ virkinum Niclasen í Sørvági Síðan 1. februar í ár hevur Símun á Høvdanum, sum býr í Klaksvík, verið stjóri í Handilsvirkinum Niclasen í Sørvági Vilmund Jacobsen – Eg var til flogbóltskapping í Klaksvík, tá Jørgen Niclasen kom til mín og segði, at hann hevði brúk fyri einum nýggjum leiðara í Handilsvirkinum í Sørvági. Men, áðrenn nakar kundi setast, skuldi málið fyri á nevndar­ fundi í felagnum. Tað endaði so við, at eg tók við stjórastarvinum. Tað sigur Símun á Høvdanum, sum vit hittu í Sørvági í síðstu viku. Royndur innan fakið Hann er rættiliga royndur innan hesa vinnugrein og kom longu sum 11- 12 ára gamal nógv í timburhandilin í Klaksvík, har pápin starvast eina hálva øld. Longu í 1994 gjørdist Símum á Høvdanum stjóri í Klaksvíkar Timb­ur­ handli, sum hann, beiggin og pápin tá keyptu og áttu fram til oktober mán­ aða í 2005. – Eg trívist væl her vesturi, men arbeiði mikudagar á deildini, sum vit hava stovnað á Varpinum í Klaksvík. Í Klaksvík hava vit eitt nú tøk, húsaklædning og tilfar til innrætting. Annars fæst alt, sum Handilsvirkið hevur í Sørvági, eisini í Klaksvík Símun á Høvdanum sigur, at opið er í Klaksvík yrkadagar millum klokkan 16 og 17 og so heilan mikudag. – Vit hava ein vørubil og lastbil, og er talan um størri bíleggingar í Sørvági, taki eg vøruna norður við, so hon er í Klaksvík sama dag, sum hon verður bíløgd - og fyri sama prís, sum vøran verður keypt fyri í Sørvági. Stjórin vísir á, at í Sørvági er alt innan byggitilfar, eitt nú tøk, húsa­ klædningur, gólv, terassubrettir og annað timbur, og her er eisini byggi­ búð við ymiskum amboðum, máling og búnýti. Ymiskar veitarar – Umframt okkara egnu vørur, hava vit eisini neyvt samstarv við aðrar veitarar, eitt nú Vøruhúsið, Kemilux, Foss-El, MBM, Blika og Balslev - fyri at nevna nakrar veitarar úr rúgvuni. Símun á Høvdanum vísir á, at Handilsvirkið í Sørvági soleiðis kann útvega allar vørur, sum hesir veitarar hava. – Vit fara til Havnar við vørubilinum hvønn týsdag og kunnu tá taka alt tað við, sum viðskiftafólk spyrja eftir, leggur hann aftrat. Tey, ið kundu hugsað sær at spurt seg fyri hjá Handilsvirkinum Niclasen, kunnu altíð ringja á tlf. 273200. Tænastur við nýggjum kranabili – Øll, sum hava brúk fyri skervi og stoypisandi ella ymiskum kranauppgávum, eru vælkomin at seta seg í samband við meg, og eg vil altíð gera mítt besta, sigur Erhard Dam í Sandavági Vilmund Jacobsen E rhard Dam í Sandavági, sum eig­ur og rekur fyritøkuna Last­ vogns­koyring, hevur fyrr í ár keypt sær ein spildurnýggjan 15 tons stór­an lastbil við krana og grabba. Hann hevur eisini skerv-og sand­ goymslu við grótbrotið í Sandavági, og haðani koyrir hann út veitingar til kundar kring um í Vágum og aðra­ staðni í Føroyum. – Eg selji og koyri út stoypisand og skerv, og eg leggi dent á at hava eina skjóta, álítandi og kappingarføra tænastu. Royndur í leikum Tað var 2002, at Erhard Dam fór und­ ir sjálvstøðugt virksemi, og fyri ta tíð arbeiddi hann hjá táverandi Sanda- vágs kommunu. – Gjøgnum árini havi eg havt smærri og størri maskinur, og eg havi eisini havt dumpara. Men, nú havi eg burtur av lagt meg eftir at reka mítt virksemi við sand-og skervsølu og koyring við nýggja lastbilinum. Erhard Dam sigur, at uppgávurnar, sum hann kann gera við einum slíkum krana­bili, eru nógvar og ymiskar, og hann hevur eisini samstarv við aðrar veitarar og entreprenørar. Fyritøkan hevur eisini ein gummi­ hjólslessara, sum eisini kann brúkast til kavaruddin. Breiður kundaskari Kundaskarin til keyp og koyring av stoypisandi og skervi er alt frá privat­fólki til stovnar og komm­un­ ur, umframt at hann eisini ger hesar tænastur fyri ymiskar sam­starvs­ partar. Erhard Dam sigur, at aðrar upp­ gávur, sum fyritøkan hjá honum eisini tekur sær av, er koyring og tøka av ymiskum tilfari. – Eg koyri um alla Vágoynna, og eg geri javnan túrar til Havnar, har eg eisini havi samstarvspartar, sigur hann. Ring og spyr Tey, sum kundi hugsað sær at keypt sær stoypisand ella skerv frá Erhardi Dam – ella hava brúk fyri øðrum tæn­ astum, sum fyritøkan hjá honum veitir, kunn ringja á tlf. 213577. – Øll eru hjartaliga vælkomin at seta seg í samband við meg, og eg vil altíð gera mítt besta, sigur hann. Fyritøkan er eisini at finna á Face­ book undir navninum Lastvogns­koyr­ ing v/ Erhard Dam. Erhard Dam Mynd: Birgir W. Høgnesen Símun á Høvdinum Mynd: Birgir W. Høgnesen