mánadagur 24. oktober 2016síða 42

VIKA 43 • 24. OKTOBER 2016 18 ÓKEYPIS LÝSINGARBLAÐ TEMA Vágar Tíðindaskriv: V ága dansifelag og Visit Vágar skipa fyri tiltakinum Mikkjals­ dagar í samband við at 60 ár eru liðin síðan deyðadag Mikkjals á Ryggi 20. oktober 1956. Báðar dagarnar er forvitinslig fram­sýning við glasmyndum, tekning- um o.ø. sum Mikkjal hevur latið úr hondum, sum Miðvágs fornminnafelag eigur, og hevur sett upp og verið so beinasamt, at lánt okkum í samband við Mikkjalsdagarnar. Framsýningin verður opin báðar dagarnar. Leygarkvøldið 29. oktober verður kvøldseta í Marghøllini í Sørvágs skúla, har veður felagssangur, umframt túna­tos millum heimildarmenn um Mikk­j­al í gerandislívinum, upplestur og Vága­kórið fer at syngja til kvøld- set­una. Sunnudagurin 30. oktober bjóðar eina áhugaverda og fjølbroytta skrá. Í góðum samstarvi millum kirkjuráðið í Miðvági og Vága dansifelag, byrj­ar dagurin við at kirkjuráðið bjóðar til morgunmat kl. 10.00 í kirkju­kjall­ aranum í Miðvági, áðrenn farið verð­ ur til minningargudstænastu um Mikkjal á Ryggi í Miðvágs kirkju. Guds­ tænastan verður send beinleiðis í út- varp­inum, og í sjónvarpinum seinna­ part­in. Sunnudagin seinnapartin verð­ur sálmasangur í Miðvágs kirkju við lut­tøku av Vágakórinum. Um kvøldið verður almennur før­ oyskur dansur í Beitinum í Miðvág bæði fyri børnum og vaksnum. Børn­ ini byrja kl. 19.00 og tey vaksnu kl. 20.00. Mikkjalsdagar 29. og 30. oktober Skrá: 29. oktober klokkan 1500 - 1800: Framsýning í Miðvágs skúla klokkan 1900: Kvøldseta í Marghøllini í Sørvágs skúla Felagssangur, prát um Mikkjal í gerandis- lívinum og upplestur, Vágakórið luttekur 30. oktober klokkan 1000: Morgunmatur í kirkjukjallaranum í Miðvági klokkan 1100: Minningargudstænasta um Mikkjal á Ryggi í Miðvágs kirkju. klokkan 1500: Sálmasangur í Miðvágs kirkju, Vágakórið luttekur. klokkan 1700 – 2000: Framsýning í Miðvágs skúla klokkan 1900 – 2000: Almennur barnadansur í Beitinum í Miðvági klokkan 2000: Almennur føroyskur dansur í Beitinum í Miðvági Tá minnisvarðin yvir Mikkjal á Ryggi varð avdúkaður í 2011 Allan skal gera rund­ koyringina í Sandavági Allan H. Hansen í Sandavági, sum eigur fyritøkuna Maskingrevstur, arbeiðir kring alt landið, nú hann hevur maskinur til øll endamál Vilmund Jacobsen – Nú er tað rundkoyringin í Sandavági, sum er á skránni. Eg bjóðaði upp á verkætlanina og hevði lægsta tilboð. Tað sigur Allan H. Hansen í Sanda­ vági, sum hevur fyritøkuna, Maskin­ grevstur. Á okkara ferð í Vágum í síðstu viku, vitjaðu vit eisni inni hjá fryntliga, Allan H. Hansen. Allan gongur sera høgt upp í at hava maskinur til øll endamál, og í næstum kemur aftur ein nýggja mask­ ina. Hann hevur í løtuni fimm gravi­ maskinur, sum eru úr 1,8 tons upp í 26 tons, umframt ein vibrastiónstrumlu á 12,5 tons. Tá Vikublaðið vitjaði, hevur hann fingið boð, at hann hevur fingið ar­ beiði at gera eina rundkoyring í Sanda­vági, sum fer at taka einar tólv vikur at gera. – Eg legði eitt boð inn, og eri sera glaður fyri, at hetta bar á mál. Hetta er ein verkætlan, sum Landsverk og Vága kommuna í eiga í felag. Hann vísir á, at rundkoyringin verð­ ur á høvuðsvegnum á farleiðini til flogvøllin – ella beint við komm­unu­ skrivstovuna í Sandavági. – Eg havi eisini nøkur arbeiði, sum liggja longur frammi, eitt nú útgrevstur og okkurt jørð-og hava­ arbeiði. Allan H. Hansen vísir á, at vanliga plagar henda tíðin á árinum at vera sera sløk, men tað merkist ikki líka væl nú, sum tað onkuntíð hevur gjørt. - Eg arbeiði vanliga fyri kommunur, men eisini fyri privat, og tí havi eg altíð arbeitt sum høvusarbeiðstakari – og havi ongantíð roynt at vera undir­ veitari til størri verkætlanir. Allan H. Hansen leggur aftrat, at hann arbeiðir kring alt landið, nú hann hevur maskinur til øll endamál. Allan H. Hansen Mynd: Birgir W. Høgnesen