mánadagur 24. oktober 2016síða 46

VIKA 43 • 24. OKTOBER 2016 22 Føroysk framleiðsla ÓKEYPIS LÝSINGARBLAÐ v/Petur Gaardlykke · Heiðavegur 23 · Saltangara · Tlf. 44 91 49 NÚ FRÍGGJADAGIN 28. OKT 2016 *tilboðini eru bert galdandi fyri vørur á lagri Sosialurin / KvR 34 18 00 Trumfa COLORAMA SALTANGARÁ Tímatilboð Botex-deildin 18.00 – 19.00 ALT – 25 % 19.00 – 20.00 ALT – 30 % 20.00 – 21.00 ALT – 35 % 21.00 – 22.00 ALT – 40 % 22.00 – 23.00 ALT – 45 % 23.00 – 24.00 ALT – 50 % Máling/Gólvdeildin 20.00 – 21.00 ALT – 25 % 21.00 – 22.00 ALT – 30 % 22.00 – 23.00 ALT – 35 % 23.00 – 24.00 ALT – 40 % Kom og ger kvettið ALLAN DAGIN -20% Í BÁÐUM DEILDINUM Smittar skjótari enn nakað virus Látur er tann perfekti durðasnapsurin, sigur Vivian Sjóðklett, sum í 17 ár hevur fingið fólk at flenna – At flenna er sum at jogga. At flenna í 10 minuttir svarar til 30 minuttir av likamligum arbeiði. Tað loysir bæði endorfin og dopamin í heilanum og ger okkum glað og avslappaði, sigur Vivian Sjóðklett. Síðani 1999 hevur hon ferðast ymsa staðni í Føroyum og bjóða fólk­um at luttaka á láturskeiðum. Hetta er serliga væl egnað til bólkar, sum hava okkurt til felags, so sum starvsfelagar. – Tað er gott fyri sjálvsálitið hjá okkum at flenna. Tá vit gera okkurt øðrvísi saman, sum at flenna saman, styrkir tað samanhaldið í bólkinum. Samstundis ger tað, at við góðtaka hvønn annan. Hevur tú flent saman, hevur tú skapt eitt slag av tilknýti til viðkomandi. Tá vit loyva okkum at flenna, tora vit betur at vera vit sjálvi, sigur hon. – Vit kenna øll til tað, at látur smittari skjótari enn nakað virus. Fer ein at flenna, fara øll rundan um at flenna eisini. Í mun til terapi av øðrum slag, so er lættari at hava álit á látrinum, tí látur duga vit, eru vit fødd við, sigur hon. Tí terapi er tað, tað er tað eingin ivi um. – Longu í 19. øld nýttu læknarnir látur sum eitt slag av náttúruheilivági móti tunglyndi og forkølilsi. Síðani 60’árini eru nógvar vísindaligar roynd­ ir gjørdar, sum vísa, at látur er góður fyri sál og likam. Láturin ikki bara avstressar okkum, men hjálpir okkum eisini at skapa samband við onnur, sigur Vivian Sjóðklett. Sjálv kom hon inn á hesa lívsleiðina, meðan hon las til námsfrøðing. – Eg hugsaði nógv um hetta, at børn ofta fara at flenna í støðum, har ein als ikki má flenna. Orsøkin er, at tey ikki skilja støðuna, skilja hvat fyriferst og tí flenna í ráðaloysi. Men tá eg skuldi skriva um hetta, sá eg, at so gott sum einki tilfar var at finna, greiðir hon frá. Meðan hon leitar eftir einum teo­ ret­iskum grundarlagi til upp­gáv­una, sær hon eina lýsing um eitt flenni- skeið. – Har lýstu tey millum annað við, at ein fekk nógvar teoretiskan kunnleika. Skeiðið vardi bara nakrar dagar, so eg hugsaði, hví ikki, og meldaði meg til, sigur hon. Komin aftur til Føroya var Vivian Sjóðklett í starvsvenjing í Tilhaldinum. – Tá tey eldru hoyrdu, at hevði verið á flenniskeið, vildu tey sleppa at royna tað, so eg hevði regluliga skeið við teimum. Tá hugsaði eg, at um tey gomlu taka so væl ímóti hesum, so ber alt til. Tá valdi eg at gera meiri við flenniskeiðini. Vivian Sjóðklett sigur, at í Dan­ mark eru láturklubbar eins og bindi­ klubbarnir vit kenna hiðani. Enn er eingin slíkur í Føroyum, men Vivian Sjóðklett bjóðar seg fram at halda skeið fyri bólkum og klubbum, eitt nú nú upp undir jólaborðhald. – Fólk plaga at spyrja, nær á kvøld­ ið slíkt riggar best, og tá plagi eg at siga so tíðliga sum møguligt. Eitt flenni­skeið er ein perfektur dura­ snaps­ur. Øll gerast í góðum lag, øll opna seg eitt sindur betri og so er eitt gogtt grundarlag lagt fyri restina av kvøld­inum, sigur hon.