týsdagur 25. oktober 2016síða 36

SOSIALURIN OKTOBER 2016 4 Hallur av Rana Tá vallistarnir til býráðsvalið vórðu almannakunngjørdir í síðstu viku, var tað eitt navn á listanum hjá Framsókn í høvuðsstaðnum, ið glimraði við síni fráveru. Sunneva Háberg Eysturstein, ið eigur og rekur Sirkus Føroyar í Vágsbotni, var nevniliga, av persónligum ávum, ikki millum nøvnini á valevnunum, ið skulu royna at vinna Framsókn sín fyrsta býráðssess nakrantíð. Síðstu árini er Sunneva Háberg Eysturstein vorðin kend sum ein av leiðandi liberalistisku røddunum í føroyska samfelagnum. Við einum beinharðari sannføring um eitt opið og tollynt samfelag, har tey við vald blanda seg sum minst upp í viðurskiftini hjá einstaka borgaranum, hevur hon verið eitt av føroysku undangongufólkunum í nýggja liberalistiska rákinum, ið hóast tað hevur djúpur, aldargamlar røtur í londum á meginlandinum, aldrin veruliga hevur fingið fastatøkur á føroyska samfelagið áður. 
 Til dagligt er hon tó best kend sum eigari av væl umtóktu barrini Sirkus Føroyar, ið heldur til í Vágsbotni í Havn, har hon, hóast tað eru sjey ár síðan, at hon lat barrina upp, enn gongur og vaskar borðini, rættar upp á gardinurnar og ger mat í køkinum. 
 REIKANDI BARNDÓMUR Hóast Sunneva Háberg Eysturstein er vorðin ein býarmynd í Vágsbotni, so er hon sum so mangir aðrar havnar­ borgarar tilflytari til høvuðsstaðin. – Eg síggi meg sjálva sum leirvíking, og eg tosi sum ein leirvíkingur, men eg kann ikki nokta tað, at í øllum førum helvtin av mær er havnardama, sigur Sunneva Háberg Eysturstein, tá eg spyrji inn til hennara uppruna. 

 Tað er heldur ikki løgið, at svarið ikki er greitt. Hennara fyrstu 21 ár á foldum hava nevniliga verið merkt av eini reikan, har steðgurin í ymsum støðum sjáldan hevur verið longri enn fimm ár. 
Lívsleiðin hjá Sunnevu Háberg Eysturstein byrjaði á Ríkis­sjúkra­ húsinum í Keypmannahavn, meðan fyrstu barnaskógvarnir vórðu slitnir í Leirvík, har Sunneva búði saman við foreldrunum og eldra beggja sínum, Knút Háberg Eysturstein. 

 Men tá Sunneva var fimm ár valdu foreldrini at fara hvør til sítt, og var tað byrjanin til fleiri nýggjar bústaðir næstu árini. 

 – Fyrst fluttu vit til Havnar við mammu har vit vóru í trý ár, og so fluttu vit til Danmarkar, har vit búðu í trý ár, greiðir Sunneva Háberg Eysturstein frá. 

 Tíðin í Danmark fekk tó ein bráðan enda, tá mamman hjá Sunnevu Háberg Eysturstein fekk staðfest krabbamein og doyði stutt eftir. So sum tólv ára gomul fluttu systkini bæði aftur til Føroyar og til Leirvíkar at búgva hjá pápa sínum. 

 IKKI SYND Í MÆR SJÁLVUM 
 Sostatt hevði 12 ára gamla Sunneva Háberg Eysturstein longu upplivað fleiri syrgiligar hendingar í hennara lívi, enn nakað barn eigur at uppliva. Men hóast barndómurin hjá Sunnevu Háberg Eysturstein ikki var lættur, so hevur hon sjálv aldrin tikið synd í sær sjálvari. 

 – Fólk hava ofta hug at taka synd í einum, tá man er eitt barn og upplivir slík ting, men eg havi aldrin sæð tað soleiðis. Eg havi aldrin tikið synd í mær sjálvari, sigur Sunneva Háberg Eysturstein, áðrenn hon útgreinar sína hugsan.

 – Tá man er barn, so hevur tú bara tað at fyrihalda teg til, ið hendir beint nú. Tú fært ikki sett tingini í perspektiv í mun til nakran annan ella til tína fortíð og royndir. Tingini henda bara frá dag til dag.

– Um tú møtir deyðanum, so møtir tú deyðanum. Um tú møtir hjúnaskilnaði, so møtir tú hjúnaskilnaði. Tað er ikki fyrr enn man verður vaksin, at man byrjar at leingjast og fær hesar kenslurnar, ið man forsømdi sum barn og tannáringur. Tað er ikki fyrr enn man er vaksin, at man verður viðkvæmur, greiðir Sunneva Háberg Eysturstein frá.

 Tað merkir tó ikki, at hjúnaskilnað­ urin hjá foreldrunum og deyðin hjá mammuni ikki hava sett síni mørk. 

 – Tað hevur verið við til at ment meg sum persón, og hava verið týðandi punktir í mínari menning. Men sum barn var tað tað, sum tað var. Okkurt hendi, so fór man bara víðari, sigur Sunneva Háberg Eysturstein.

 POLITISKA HUGSJÓNIN HÓMAST
 Tað er meðan Sunneva Háberg Eysturstein tosar um sín uppvøkstur, deyðan hjá mammuni og sína familju, at hennara politiska hugsjón av fyrstan tíð hómast. Hendan liberalistiska hugsjónin, ið eggjar einstaklinginum at taka ábyrgd fyri sínum egna lívi og ikki vera tengd at statinum ella øðrum. 

 – Eg havi altíð havt eitt tætt forhold til mína familju og til pápa mín. Men eg havi altíð følt meg sjálvstøðuga. Eg – Eg havi altíð følt meg sjálvstøðuga. Eg havi altíð følt, at tað sum eg geri og eri, tað stýri eg. Tað sigur 31 ára gamla Sunneva Háberg Eysturstein, ið síðstu sjey árini hevur staðið á odda fyri Sirkus Føroyar Sj­ey ár handan bardiskin í Sirkus – Eri júst har eg vil vera – Tað hevur alt at siga fyri meg, at tey í Íslandi eru glað fyri Sirkus í Føroyum. Eg føli tað sum eina papp familju. Tey hava givið mær loyvi at gera hetta sjálv­ støðugt frá teimum, men vit eru loyal móti teimum. Vit eru ein familjufyritøka framum nakað annað, sigur Sunneva Háberg Eysturstein