mánadagur 31. oktober 2016síða 36

VIKA 44 • 31. OKTOBER 2016 12 MIÐLAHÚSIÐ ÓKEYPIS LÝSINGARBLAÐ Birgir Waag Høgnesen STÓLURIN Í STÓLINUM HESA VIKUNA LÝS TEG SJÁLVAN VIÐ TRIMUM ORÐUM: Jaligur, hjálpsamur, takksamur. HVAT MERKI ER TELEFON TÍN? Sony. HVØR ER TÍN BESTA SUMMAR­ FRÍTÍÐARUPPLIVING? Tá eg var saman við øllum mínum sjey abbabørnum, ein fantastisk kensla. Slíkt ríktiríkidømi er óbeskriviligt HVAT ORÐ ELLA HVØNN SETNING NÝTIR TÚ OFTAST? Vit klára tað, um vit royna tað. HVØRJUM HYGGUR TÚ AT HJÁ HINUM KYNINUM Hvussu væl tey duga at multitaska. HVAT GER TEG Í GÓÐUM LAG? Tá fólk kring meg eru positiv. HVAT STRESSAR TEG? Óerligheit og leysir pástandir – ella tað sum onkur kallar »gita uttan at vita«. HVØR ER TÍN YNDISRÆTTUR? Konan dugir so metaliga væl at gera mat, so har er ringt at velja, men ein góður fiskarættur eftir ein langan dag, er ikki at »kimsa« at. HVAT GLEÐIR TEG? At vakna kl. 6 og fara á føtur og njóta »løtuna«. Tað er ikki vist at tað hepnast í morgin. HVAT VAR SEINASTA YNSKIÐ, SUM TÚ FEKST UPPFYLT? At okkara dóttir í Danmark, við sínum »sjeiki« og teirra tveimum børnum ætlar sær heim at búgva, sum skjótast, tá hon er liðug at lesa í 2017, so eru øll fýra børnini og abbabørnini í Føroyum. HVAR ARBEIÐIR TÚ? Á Sosialinum, Vikublaðnum og in.fo á 11. ári. HVØRJUM TÓNLEIKI LURTAR TÚ EFTIR? Føroyskum tónleiki. Eg gleðist um, at vit eiga so nógvar dugnaligar tónleikarar og orðasnillingar, tey hava alt ov vánaligar umstøður kring landið. HVAT ER BESTA UPP­ FINNINGIN OG HVÍ? Vindmyllan. Hon kann framleiða heitt vatn og streym, hvat kann vera meira genialt. HVAT ER BESTA ÍLØGAN TÚ HEVUR GJØRT? Mín besta íløga er og verður altíð at hjálpa mínum børnum og abbabørnum, tí tann íløgan gevur teimum hug at halda fram við tí tey takast við. HVAT ER TÍTT BESTA HEIMARÁÐ? Et ongantíð meir enn tað, tú ætlaði at fáa tær upp á aftur. HEVUR TÚ NAKAÐ HÚSDJÓR? Flugur og eiturkoppar eru í húsinum, men eg gangi ikki túr við mínum djórum hvønn dag, tað hevði verið ov leingi at farið við øllum, men fyri tað eru tey ikki ónøgd. HVAT HEVÐI TÚ GJØRT, UM TÚ VANN EINA MILLIÓN? Reyði Krossur, Blái Krossur, Leguhúsið í Nesvík og Zarepta gera eitt stórt arbeiði, so tað hevði nokk drippað til tey. HVAT HEVÐI TÚ GJØRT, UM TÚ VANN TÍGGJU MILLIÓNIR? Latið felagsskapunum, eg nevndi, tríggjar fer so nógv. HVAT ER TAÐ BESTA VIÐ FØROYUM OG HVÍ? »Løtan«. Ongin annar eigur júst »tína løtu« her í Føroyum. HVAR ERT TÚ UM 10 ÁR? Vóni at kunna njóta restirnar av hasum trimum milliónunum, eg gleði meg. Jaligur, hjálpsamur, takksamur Vindmyllan er besta upp­ finningin