týsdagur 1. november 2016síða 8

Mikudagur 2. november 2016 · Nr. 126 8 Sosialurin Hugskot og viðmerkingar – send sms til 225000 Áki Bertholdsen Mangt bendir nú á, at Sjó​ vinnuhúsið á Vestaru bryggju í Havn í næstum skal hýsa Fróðaskaparsetri Før​oya. Gongur tað sum Menta​ mála​ráðið og Rigmor Dam, landsstýriskvinna í menta​ mál​um vilja, so verður stóri bygningurin hjá Tórs​havnar havn leigaður Mentamála​ ráðnum at nýta sum Fróð​ skaparsetur. – Vit kanna í løtuni møguleikan at langtíðarleiga bygningin – við forkeyps​ rætti, sigur Rigmor Dam, landsstýriskvinna. Spurd um hetta ikki kann forkoma ætlanini um einaferð at byggja eitt nýtt Fróðskaparsetur sigur hon, at tað verður einki nýtt Setur bygt í bræði. – Byggivirksemið er sera nógv í løtuni, og samgongan hevur sett sær fyri at tálma íløgunum hjá landinum. Vandin er fyri yvirupphitan av búskapinum, og tað ynskja vit ikki, sigur hon. Landsstýriskvinnan vís​ir á, at nógv stór almenn bygg​ ing er í gongd í løtuni. – Glasir skal gerast lið​ ugt, og síðani verður far- ið undir at útbyggja Lands​ sjúkra​húsið, herundir at byggja nýggja psykiatriska deild, sum er so alneyðgt. Vit skulu goyma nakrar av størri íløgunum til verri tíðir, so arbeiðið eisini verður til ta tíð, sigur Rigmor Dam sum staðfestir, at tað verður ikki í bræði, at landið ger eina risaíløgu í eitt nýtt Fróð- skaparsetur. – So vit mugu troyta verandi møguleikar við teim​um pengum, sum vit hava sett av til endamálið. Í langtíðarløguætlanini hava vit fyribils sett 8-10 milli​ ónir krónur árliga til Fróð- skaparsetrið í 10 ár fram, og tað fáa vit einki nýtt og glasi​ ligt Fróðskaparsetur fyri. Mín avbjóðing sum ábyrgd​ arhavandi á økin​um er tí at finna eina hósk​andi loysn innan fyri givnu karmarnar, sigur landsstýris​kvinnan. Savna alt á einum stað Mentamálaráðið hevur í eina tíð arbeitt við at finna eina hóskandi hølisloysn til Fróðskaparsetrið, sum í løtuni húsast á eini 10 yms​ um matriklum í Havnini. Fermetratalið í Sjóvinnu- húsinum er á leið tað sama, sum Setrið hevur tilsamans í dag, umleið 7.000 fermetrar. – Fleiri av hølunum hóska stak illa til undirvísing og gransking og eru ikki eitt lokkandi umhvørvi, sum fær okkara ungu at velja Føroyar sum lestrarland – ella okkara útbúnu fólk at koma heim at starvast á setrinum sum undirvísarar og granskarar. Rigmor Dam sigur, at tá hon tók við sum landsstýris- kvinna, sá hon beinanvegin, at tey hava hópin av stovn- um, sum húsast undir sera vánaligum umstøðum. – Her hugsi eg serliga um Fróðskaparsetrið, Søvn Landsins og Tjóðpallin. Tí fóru vit oman í Sjó­vinnu​­​ húsið at vita, um hetta kanska var ein bygn­ingur, sum kundi verið áhuga­ verdur hjá okkum. Og eg má siga, at eg var tikin á bóli, tá eg kom inn í bygningin. – Sjálvur bygningurin er í fimm fullum hæddum, ljósur og sera snøggur inn­ an, og eg sá beinanvegin stórar møguleikar í rundu siloini, sum í løtuni bara hevur eitt dekk. Eg sá fyri mær kantinuna í neðra við balkongini allan vegin runt, auditorium við plássi fyri nøkrum hundrað áhoyr­ arum í miðhæddini og so møguleikan at leggja eitt dekk í ovast til uni­versitets­ bókasavn við einum trans­ parentum kupli við yvirljósi. Eg vil í tí sam­bandi siga, at eitt universitets­bókasavn eig­ur at vera kjarnin í einum kom­andi Fróðskaparsetri, sigur Rigmor Dam. SJÓVINNUHÚSIÐ SJÓVINNUHÚ FRÓÐSKAPA Mentamálaráðið kannar í løtuni møguleikan at leiga og møguliga keypa Sjóvinnuhúsið hjá Tórshavnar havn á Vestaru bryggju. Har ber til at savna alt virksemi hjá Fróðaskaparsetrinum á einum stað, sigur Rigmor Dam, landsstýriskvinna í mentamálum, sum staðfestur, at eitt nýtt Fróðskaparsetur verður ikki bygt í bræði Framhald á síðu 10 Rigmor Dam, landsstýriskvinna í mentamálum, heldur, at Sjóvinnuhúsið á Vestaru Bryggju kann gerast góður karmur um Fróðskaparsetur Føroya Myndir: Álvur Haraldsen