hósdagur 10. november 2016síða 4

FRÍGGJADAGUR 11. NOVEMBER 2016 SOSIALURIN 130 4 SÓLVIT E. NOLSØ, POLITISKUR VIÐMERKJARI OG STJÓRNMÁLAFRØÐINGUR H evur Heðin fingið eina ov stóra ognarkenslu av borg­ arstjórasessinum? Eigur tað veruliga at bera til hjá honum at hótta bæði samgongu og løgmann, tí hann ikki sleppur at halda fram sum borgarstjóri í Tórshavn? Tað eru ein spurningar, ið fleiri helst seta sær í hesum døgum. Alt sá annars klárt og liðugt út, tá Heðin Mortensen, Annika Olsen og Annfinn Brekkstein í høll­ini á Hálsi mikunáttina søgdu, at samstarvið millum flokkarnar í býráðnum helt fram. Dagin eftir møttust partarnir at fáa seinastu smálutirnar upp á pláss. Tá partarnir hildu steðg seinna­ partin mikudagin, var tað fá­ur, ið grunaði nakað ilt. Tó brast ein bumba seinni um kvøld­ið, tá Fólka­ flokkurin, Tjóð­veldi og Fram­sókn boðaðu frá, at tey skipa nýggja samgongu, og Javn­að­ar­flokk­urin og Sam­bands­flokk­urin eru settir uttanfyri. Heðin Mortensen var, sum vera man, ikki glaður. Hann kendi seg snýttan, og hann helt hetta verða ein skitnan máta at dríva politikk uppá. At hava opnar samráðingar við seg og Annfinn Brekkstein, samstundis sum mann førdi skugga­samráðingar við Gunvør Balle og Bergunn Kass, var ein óerlig­ur máti at dríva politikk uppá, helt Heðin Mortensen. Tað steðgaði tó ikki har. Heðin Mortensen var óður inná, at Tjóðveldi og Framsókn, sum Javnaðarflokkurin er í landsstýrissamgongu við, høv­du verið við til at koyra hann frá sum borgarstjóra. At Høgni Hoydal og Poul Mich­ el­sen høvdu verið ein stórur part­ ur av spælinum, gjørdi tað bara verri. Nú var tað eitt floksmál. Heðin Mortensen segði, peikandi niðan á tinghúsið, at hetta fór at hava eitt eftirspæl. Akkurát hvat fyri eftirspæl, vildi hann ikki siga, men hann vísti á, at nógvar stórar avgerðir skuldu takast á Løgtingi, ið kravdu hansara atkvøðu. Harvið sendi hann drunnin til Aksel V. Johannesen, løgmann og partamann hjá sær sjálvum. Aksel skuldi leggja trýst á Høgna og Poul fyri at Heðin Mortensen skuldi fáa sítt sjálvsagda pláss á pinninum á Vaglinum aftur. Tað er við hasum, at nógv hildu, at Heðin nú hevði gloypt einum ov stórum bita. Hansara ognar­ kensla av borgarstjórasessinum var heilt einfalt blivin ov stór. Fiski­vinnunýskipan, pensjóns­ný­ skipan og sjórnarskipan kann alt verða harvið, borgarstjórasessurin og valdið á Vaglinum hevði meir at siga. Rætt skal verða rætt, Heðin Mortensen hevur ongantíð sagt, at hann fór at slíta samgonguna, men hann hevur víst á eitt eftirspæl í tinginum, sum hann ikki vil ná­ greina hvat er. Eigur hann at sleppa tað? Er tað ikki eitt stig ov langt at taka, tá hann setir síni egnu áhugamál oman fyri tey hjá landsstýrinum? Er hetta ikki eitt eitt gott dømi uppá, hvussu áhugamálini kunnu fløkjast í ein ellubita, ið stendst av tí nógv umtalaða dupult­ mandatinum? At hava eitt bein í Løgtinginum og eitt í býráðnum letur upp fyri óhepnum durum, ið kanska áttu at verða læstar, tí hvar er mann fyrst? Borgarstjóri ella løg­tings­ maður? Er tað møguligt at heingja borgarstjórakeppin á stumm­tæn­ aran á tinghúsvegnum, tá mann traðkar inn um gáttina? Tað vísir seg í øllum førum at verða trupult at halda viðurskiftini sundurskild. Heðin Mortensen er ikki ein­ dømi upp á tað. Til dømis hevur tað eisini víst seg at vera trupult hjá Kristin Mich­ elsen á Tvøroyri ikki at blanda lokal- og landspolitikk saman. Hansara tráan eftir at gerast borg­ arstjóri á Tvøroyri endaði eisini á borðinum hjá Aksel V. Johan­ nesen, tá sundurlyndi kom í lokalu javnaðaroddarnar á Tvør­oyri. At Aksel V. Johannesen yvir­høv­ ur skal blandast uppí lokalpolitikk sum Føroya Løgmaður, eru bestu tekin upp á eina skipan, ið skal eftirhyggjast. Tú kann ikki av­ marka fólkaræði við at nokta fólki at stilla upp, men politiskir flokkar kunnu hava innanhýsis reglugerðir, ið forða fyri slíkum. Var ætlanin við tí eina val­døm­ inum ikki at sleppa undan lokal­ politikki á Løgtingi? Kanska skal skipanin sleppa at virka í eina tíð afturat, áðrenn tað veruliga slær til, men inntil tá burdu átøk kanska verði framd fyri at forða fyri at hetta hendir aftur. Í blaðnum í dag er ein kanning, sum spyr.fo gjørdi fyri Sosialin í morgun. Har eru stórur meiriluti sum heldur, at Heðin Mortensen ikki eigur at seta samgonguna á tingið uppá spæl fyri Havnina. ER HEÐIN MORTENSEN FARIN OV LANGT? At ein borgarstjóri hevur møgleika at seta eina landsstýris­ samgongu uppá spæl fyri at fremja síni egnu lokalu áhugamál, eru tekin upp á eina skipan, ið ikki riggar sum hon skal Politisk analysa: Heðin Mortensen var óður inná, at Tjóðveldi og Framsókn, sum Javnaðarflokkurin er í landsstýrissamgongu við, høv­du verið við til at koyra hann frá sum borgarstjóra