týsdagur 15. november 2016síða 10

Mikudagur 16. november 2016 · Nr. 132 10 Sosialurin Hugskot og viðmerkingar – send sms til 225000 Áki Bertholdsen – Tað snýr seg ikki um at vinna eitt talv. Tað snýr seg um at telva væl í fýra ár. Tað staðfestir Jóannes Eides­gaard, politiskur eyg­ leiðari. Og tað, hann sipar til, er tað, sum er hent í kjalar­ vørrinum á býráðs­valinum í Havn fyri eini viku síðani. Tá ið úrslitið av valinum í Havn seinasta týsdag, varð greitt, vóru tað fá sum ivaðust í, at Heðin Morten­sen fór at halda fram sum borgarstjóri. Og í hesum sambandi avtal­aðu Javnaðarflokkurin, Sam­ bands­flokkurin, og Fólka­ flokkurin eisini at halda fram við samstarvinum tey longu hava í býráðnum, og at Heðin Mortensen eisini skuldi halda fram sum borgar­stjóri. Men longu dagin eftir hendi einki minni enn ein kollvelting, tá ið Fólka­ flokk­urin brádliga leyp frá avtaluni. Ístaðin fór Fólkaflokkurin í samgongu við Tjóðveldi og Framsókn - og afturfyri er tað nú greitt, at tað verður ikki Heðin Mortensen, sum verður borgarstjóri í Havn hesi næstu fýra árini, men Annika Olsen. Og tað eru mong, sum ilskast um tað, sum er farið fram. Serliga eru tað polit­isk mótstøðufólk hjá Fólka­ flokk­inum, sum vísa á, at Fólka­flokkurin er nú so niður­píndur og veikur í Havn­ini, at hann ekur á knø­ un­um. Tískil eru tað mong sum ikki skilja, hví Tjóðveldi, og Framsókn, nú ætlað at gera Anniku Olsen til borgar­ stjóra, og sostatt geva henni eina bjargingarlínu, sum kann hála Fólkaflokkin long­ ur upp aftur á tindin. Tey vísa á, at borgar­ stjóra­starvið er nokk tann besti pallurin av øllum at føra seg fram á. Og serliga undrast fólk á, at Framsókn gevur Anniku Olsen hend­an gylta møguleikan, tí Fram­ sókn er nettupp eitt úrslit av, at stovnari floksins, Poul Michelsen, rýmdi úr Fólka­ flokkinum, tí tey samd­ust ikki. Tí eru tað mong, sum ikki skilja, at Framsókn gevur Fólkaflokkinum hetta høvi til at menna seg aftur. Poul Michelsen, formaður í Framsókn, hevur áður sagt við KvF at tey hugsa ikki um tað, sum er farið, men at hetta var teirra møguleiki at fáa ávirkan, og honum tóku tey av. Tey áttu at vita betur Jóannes Eidesgaard segði við Sosialin mánadagin, at fyri so vítt undrar tað, sum er hent í býráðnum í Havn, hann ikki so nógv, tí øll áttu at verið greið yvir, at tað kundi henda. Hann heldur, at sitandi borgarstjóri átti at vita, at Tjóðveldi, sum fekk eitt gott val, og fekk fýra býráðslimir, fór at gera alt, sum stóð í teirra makt, fyri at fáa valdið - og at rinda tann neyðuga prísin afturfyri. Og tí keyptu tey í Tjóð­ veldi Fólkaflokkin frá Heð­ ini Mortensen við at gera Anniku Olsen til borgar­ stjóra. Men samstundis stað­ festir Jóannes Eides­gaard, at Annika Olsen hevur ein trúvirðistrupul­leika. Og tað svitast ikki, at hon hevur havt eina umskiftiliga, politiska tilveru. Fyri einum ári síðani hevði hon ilt við at finna út av hvørjum flokki, hon skuldi vera í. Tá fór hon úr Fólkaflokkinum og meld­ aði seg inn í Framsókn. Men har var hon bara í nakrar fáar dagar, so fór hon aftur upp í Fólkaflokkin. Men serliga hugsar Jó­ ann­es Eidesgaard um, at Annika Olsen leyp frá eini undirskrivaðari avtalu fyri at verða borgarstjóri. Hinvegin hava nógv fólk havt á orði, at Annika Olsen hevur ikki gjørt annað, enn hvat Heðin Mortensen áður hevur gjørt, tí hann er leyp eisini frá eini avtalu. Tað hendi í 2004, tá ið Heð­in Mortensen varð vald­ ur í býráðið fyri Sam­bands­ flokkin. Tá undir­skriv­aði hann eina avtalu við Fólka­ flokki, har Jan Christiansen skuldi vera borgarstjóri. Men dagin eftir leyp hann frá teirri avtaluni, og fór upp í Javnaðarflokkin, sum aftur­ fyri bjóðaði honum borgar­ stjórasessin. Ivast í um tað er nokk Men tað er tiltikið, at veljarin er stuttmintur. – Vit kunnu tosa um, hvat hendi í 2004, ella vit kunnu tosa um okkurt, sum er hent fyri tað, heldur Jóannes Eid­ es­gaard. Men hann heldur, at tað eru tær seinastu hend­ing­ arnar, sum fara at standa klárast í minninum á veljar­ unum. Og tað seinasta, sum er hent, er, at Annika Olsen hev­ur skrivað undir eina av­ talu, sum hon leyp frá longu dagin eftir. Og hóast hon verður sett í ovastu rók á Vaglinum í Havn, ivast hann í um fýra ár er nóg mikið hjá Anniku Olsen til at vinna á tí trúvirðistrupulleika, hon hevur, – At skapa vinna sær trúvirði, er ikki ein spurn­ ingur um at vinna eitt talv. Tað er ein spurningur um at telva so mikið væl í fýra ár, at veljarin hevur álit á tær Jóannes Eidesgaard held­ ur nevniliga, at spurningurin er nettupp, hvussu fólk fara at minnast hendan leikin hjá Anniku Olsen um fýra ár. – Og tað er ein royndur lutur, at nógv fólk halda, at hesin seinasti leikurin hjá Anniku Olsen, var skitin. – Spurningurin er um borgarstjórastarvið í fýra ár, er nokk hjá Anniku Olsen at vinna sær álitið aftur, ella um tað bara verður ein upp­ lop, sum onga ávirkan fær í longdini. Jóannes Eidesgaard sig­ ur, at sjálvur loyvir hann sær at ivast í, um fýra ár í borgarstjórasessinum verð­ ur nóg mikið hjá Fólka­flokk­ inum til at vinna Havnina aftur. aki@sosialurin.fo Nýggi borgarstjórin í Havn hevur ein trupulleika at stríðast við, og tað er ivasamt um fýra ár eru nokk til at vinna tað stríðið, heldur Jóannes Eidesgaard, politiskur eygleiðari TRÚVIRÐI FÝRA ÁR ERU NEYVAN NOKK TIL AT BJARGA ANNIKU OLSEN AVGERANDI SPURNINGUR – Avgerandi spurningurin er, hvussu fólk um fýra ár fara at minnast hendan leikin hjá Anniku Olsen, heldur Jóannes Eidesgaard, politiskur eygleiðari Tað eru tær seinastu hendingarnar, sum fara at standa klárast í minninum JÓANNES EIDES­GAARD