mánadagur 21. november 2016síða 33

VIKA 47 • 21. NOVEMBER 2016 10 ÓKEYPIS LÝSINGARBLAÐ Vilmund Jacobsen T á veturin vísir seg frá síni køldu síðu, liggur væl fyri at gera nakrar íslampur sum skapa hugna. Tær eru lættar at gera og tað einasta, sum tú hevur brúk fyri, er nøkrum ballónum, spannum ella øðrum íløtum umframt kranavatni og góðum frostveðri. Brúkar tú ballón, fyllir tú ballónina við køldum vatni og setir hana í eitt djúpt ílat. Síðan blæsir tú luft í ovasta partin, soleiðis at her skapast ein lítil flata, tá vatnið í ballónini frystir. Einfalt og lætt Alt eftir, hvussu kalt tað er úti, frysta nú ytru veggirnir av vatninum í ballónini yvir eitt ella tvey samdøgur, samstundis sum vatnið í miðjuni framvegis er flótandi. Tá veggirnir eru frystir, kanst tú beina burtur ballónina, og tá tað er gjørt, gert tú eitt hol ovast í ískúluna. Her kanst tú brúka eitt sindur av lunkaðum vatni og eitt hvørt at sláa varisliga niður á ovara enda við. Tú setir nú eitt ljós niður í íslampuna, sum nú er klár at tendra úti á trappuni, í garðinum, altanuni ella á treassuni. Lýsandi íslampan sær út sum fínasta krystall og lýsir vakurt upp í vetrarmyrkrið. Eisini tulipanir Møgleikarnir við íslampum eru fleiri, og til ber eisini at brúka spann ella onnur hugsandi - og óhugsandi - íløt. Áðrenn vatnið frystir, kanst tú seta vakrar avskornar tulipanir, rósur, greinar ella annan vøkstur niður í, sum soleiðis frystir saman við vatninum. Her er best at velja avskorið, sum er rímiliga stívt, og best er sjálvsagt fyri íslampuna, um tað eru nøkur kuldastig í fylgjandi dagar. Hvussu leingi avskorið ella annar vøkstur heldur sær í ísinum veldst ivaleyst eisini um, hvussu kalt tað er - og jú kaldari tað er, tess betri. Tú kanst gera tína íslampu Ein vøkur íslampa kostar næstan einki. Hon er løtt og ómakaleys at gera, og møguleikarnir eru nógvir