mánadagur 21. november 2016síða 51

VIKA 47 • 21. NOVEMBER 2016 28 MIÐLAHÚSIÐ ÓKEYPIS LÝSINGARBLAÐ Lesarar eru vælkomnir at senda okkum gamlar bilmyndir saman við stuttum teksti og upplýsingum til: maggi@sos.fo B ilurin hesa vikuna er ein Rambler Classic árgang 1966 hjá Frank Petersen, sum koyrdi á bilstøðini Auto í Havn. Myndin er tikin í stórkava á veg til Velbastaðar. Í baksýni sæst Koltur. Myndin er av einum jólakorti, sum kundi keypast í handlunum í mong ár. Rambler Classic vórðu framleiddir av American Motors frá 1961-1966, tá teir vóru avloystir av Rambler Rebel. Rambler vóru millum mest nýttu hýruvognar her hjá okkum í 60- unum. Myndaeigari: Frank Petersen BILASØGA Rambler Classic hjá Frank Petersen Børn fødd í 2016 fara helst ongantíð at koyra bil sjálv B ørn, sum verða fødd í 2016, koma helst ongantíð sjálvi at koyra bil, segði Jens Nordest­ gaard Andersen varastjóri hjá FTZ í Danmark. Í sambandi við eina vitjan í Føroyum hevði hann ein áhugaverdan fyrilestur um bilin í framtíðini. Í fyrilestrinum kom hann inn á sín gerandisdag og nevndi t.d. tá hann sjálvur skal til frisør og tá bilurin skal á verkstað í mun til hvussu tað verður í framtíðini. Í dag fari eg on-line og bíleggi tíð hjá frisørinum – tað geri eg sum oftast aftan á arbeiðstíð og við kalendaranum liggjani framman fyri mær. Eg havi tíð, tað er lætt gjørt og uttan stress. Tá bilurin skal á verkstað, ringi eg millum kl. 7.30 og 16 ein gerandisdag, meðan eg koyri bil. Verkstaðið og eg finna eina tíð, men tað er sjáldan, at tað passar við tann dagin eg best kundi hugsað mær. Gerandisdagurin í framtíðini Longu í 2017 verður tað soleiðis, at eg bóki online mína vitjan á verkstaðnum, og tað sum har til hoyrir sum t.d. leigubil – hetta geri beinleiðis í sambandi við kalendaranum hjá mekanikaranum. Í 2020 verður tað soleiðis at bilurin fortelur mær at nú skal hann til service, og kemur sjálvur við uppskoti um hvar og nær eg kann fáa tað gjørt. Tá vit koma til 2025 koyri eg ikki longur upp á diesel ella bensin. Eg eigi nokk heldur ikki brúksrættin til bilin, sum eg sjálvur koyri í. Helst verið eg heintaður og koyrdur upp á pláss av einum sjálvkoyrandi bili. – Eg rokni við, at børnini sum verða fødd í ár, koma helst ongantíð sjálvi at koyra bil. Bilarnir verða sjálvkoyrandi, sigur Jens Nordestgaard Andersen, sum leggur dent á, at hetta er hansara boð upp á nøkur av tingunum, sum fara at henda í framtíðini. Niels Jørgen Thomsen frá FTZ í Danmark, Vagnur Johannesen og Ragnar P. Joensen frá FTZ Føroyum og Jens Nordestgaard Andersen varastjóri hjá FTZ í Danmark