týsdagur 22. november 2016síða 52

Mikudagur 23. november 2016 20 Sosialurin A lfa bókahandil í Klaks­ vík er ein av stóru bókahandlunum uttan fyri høvuðsstaðin. Hóast handilin ikki einans selur bøkur, hvør bókahandil ger tað í hesum døgum, so er bókasølan enn ein stórur partur av virkseminum. Torbjørn Bringsberg sigur, at í øllum førum hjá Alfa keypa fólk fyrst og fremst ævisøgur og yrkisbókmentir, og í minni mun skaldsøgur. – Eg havi inntrykk av, at tað eru ævisøgur og søguligt tilfar, sum selir best, serliga um tað eisini er lokalt. Í fjør var tað bókin um Klaksvíksstríðið og í ár vænti eg, at bókin um Nólsoyar Páll fer at vekja áhuga. Eg haldi at fólk vilja helst lesa um onnur fólk, sigur hann. Í so máta skuldi verið nokk av úrvali hjá fólki. Jógvan Arge skrivar sínar endurminningar, meðan Sjúrður Skaale hevur skrivað um hendingarnar í samband við tjóðskaparstríðið um aldarskiftið. Óli Olsen skrivar um Nólsoyar Páll, meðan Páll Nolsøe skrivar um Magnus Heinason. Minni verður selt av skaldsøgum, har eru tað eisini tær donsku, sum fólk keypa mest. Tey halda seg fyri tað mesta til kend nøvn. Tó so, kanska nakrar fleiri føroyskar skaldsøgur fara at verða seldar har norðuri, nú klaksvíkingurin Steintór Rasmussen hevur skrivað eina krimi, Deyðin fer í bindiklubb. Fleiri aðrar føroyskar skaldsøgur eru tó útgivnar, millum annað Óendaliga Vera hjá Marjuni Syderbø Kjelnæs, Bommhjarta hjá Jóanesi Nielsen og Ø hjá Siri Ranvu Hjelm Jacobsen. – Føroyskar barnabøkur selja eisini sera væl. Vit gera einki við danskar barnabøkur, tað haldi eg ikki er nøkur orsøk til, tá vit hava so nógv tilfar á føroyskum, sigur hann. Tað er tí líkt til, at fólk eru røsk at keypa føroyskar bøkur til børn. Eisini her er úrvalið á góðari leið. Eins og í fjør, so eru sjey føroyskar barnabøkur útgivnar í ár, umframt at 37 barna- og ungdómsbøkur eru týddar og 28 nýggjar krabbabøkur eru útgivnar. Millum føroysku barnabøkurnar eru til dømis Wilbert, eftir Bárði Oskarssyni, Stjørnan eftir Heina Hestoy og Froskarnir í Nólsoy eftir Joan Sørinadóttir og Birde Poulsen. Vilja lesa um onnur fólk Ævisøgurnar og søguliga tilfarið hevur størst áhuga millum fólk, sigur stjórin á Alfa Bókahandli í Klaksvík Í ár hevur Miðlahúsið valt at taka táttin upp aftur. Umfar fyri umfar verður farið í gjøgnum gongdina í føroyska fótbóltsárinum. Góða byrjanin hjá HB verður viðgjørd, men B36 fylgdi væl við fyrstu tíðina. Síðani kom uppreisnin hjá KÍ í øðrum triðingi av kappingini. Ein eftir ein mistu eltararnir takið, men Víking kláraðu teir myrkabláu ongantíð at rista heilt av sær. Tey bæði hittust í steypafinaluni og stutt eftir í landskappingini, og klaksvíkingar mundu halda, at teir vóru við yvirvágna, tí tað eydnaðist teimum at vinna báðar hesar dystirnar. Seinastu umførini koppaði tó alt á, tá KÍ heilt óvæntað tapti móti AB á Argjum. Víkingi tørvaði bara hendan eina møguleikan og snávaði ikki á leiðini móti fyrsta FM-heitið felagsins. Bókin Føroyskur fótbóltur fylgir gongdini hjá øllum liðunum alt kappingarárið. Í bókini eru frásagnir frá dystunum og samrøður við spælarar, eins og øll úrslitini sjálvandi eru at finna. Hvørt lið verður eisini viðgjørt hvør sær og mett verður um, hvørjir hava verið mest týðandi leikararnir og stjørnuskotini. Eisini verða føroysku liðini, sum ikki eru umboðaði í Effo-deildini viðgjørd. Avrikini hjá føroysku feløgunum, sum luttóku í evropisku kappingunum verða eisini umrødd í bókini. Góða árið hjá landsliðnum endurspeglast sjálvandi í bókini, eins og framúr góðu avrikini hjá ungdómslandsliðunum verða umrødd. Eisini er yvirlit eru yvir allar føroyameistararnar og steypavinnararnar í øllum deildunum Umframt alt hetta er hópin av hagtølum at finna í bókini, sum heilt víst verður eitt stórt hitt millum allar fótbóltsfjepparar, ungar sum gamlar. Tað eru ítróttarskrivararnir hjá Miðlahúsinum, ið hava staðið fyri útgávuni. Stemningur til síðsta bríksl Bókin um føroyska fótbóltsárið plagdi at vera fastur partur av lesnaðin hjá mongum føroyskum manni, men nú eru mong ár síðani seinasta bókin kom