mánadagur 28. november 2016síða 30

VIKA 48 • 28. NOVEMBER 2016 6 MIÐLAHÚSIÐ ÓKEYPIS LÝSINGARBLAÐ Margretha Næss fekk ársins fyrstu Kærleikskúlu Í ár er tað málarin Eyðun av Reyni, sum hevur sniðgivið kúluna. Hon er einføld, við trimum feltum í ymisklum litum, bláum, reyðum og grønum. Tey ímynda bláa himmalin, reyða kærleikan og grønu vónina. Listin er einføld í ár í mun til onnur ár, tríggir ferningar á kúluni í reyðum, bláum og grønum liti. – Myndirnar ímynda himmalin, vónina og kærleikan og eru ein arvur frá aldargomlu kristnu mentanini og bera í sær stóra styrki. »Men størstur av hesum er kærleikin«, ið gevur frælsi at liva lívið - tengt at ábyrgd og skyldu mótvegis medmenniskjum okkara. Hjálpsemi mótvegis øðrum sameinir fólk kring heimin og skapar ringar í vatninum. Tað finst óendalig styrki í hjálpsemi móti øðrum. Tað sambindir okkum menniskju og setur spor. Væl­vild og hjálpsemi eru kærleiki. Góð­g­erðin í heiminum móti med­ menniskjum í neyð broytir nútíðina og skapar eina vón fyri framtíðina, segði Eyðun av Reyni, tá hann legði fram kær­leikskúluna í ár. Uppgávuna fekk hann tillutaða í mars mánað, og um ein mánað seinni hevði hann greitt fyri sær, hvat hann ynskti at gera. Hann legði seg eftir at finna røttu litirnar frá byrjan. – Eg gjørdi nógvar skitsur at byrja við, men lendi at enda á hesum einfaldu útgávuni. Litirnir fáa okkum at minnast ávíst, vit seta ávís ting í samband við ávísar litir. Litirnir hava eisini ymiskan symbolskan týdning og sami litur kann merkja ymisk ting. Reyði liturin ímyndar kærleika, men vit tosa jú eisini um at fara upp í reyða feltið, sum merkir nakað heilt annað. Tí mátti eg eisini brúka tíð til at avgera, hvat ymisku litirnir ímynda á kúluni, sigur hann. Fyrsta kúlan varð handað Mar­ grethu Næss fyri hennara arbeiði við at fáa føroyskar bøkur lisnar inn sum ljóðbøkur. Hon sat sum formaður í Meginfelag teirra brekaðu í mong ár (felagið eitur nú Meginfelag teirra, ið bera brek í Føroyum). Meðan hon sat har, gjørdist hon varug við tørvin, blind og sjónveik høvdu á at fáa atgongd til føroyskan skaldskap. Ongan ljóðbøkur vóru, men fyrst í áttatiárunum fór hon av sínum eintingum undir at gera føroyskar ljóðbøkur. – Fyrsta vit gjørdu var at søkja ymiskar grunnar um stuðul og so hvørt sum nokk av stuðuli var, lósu vit eina bók inn. Í 2000 fingu vit stuðul frá Almannastovuni, sum tað æt tá, og síðani 2004 hava vit havt eina fasta játtan frá Mentamálaráðnum, greiðir Margretha Næss frá. Í dag metir hon, at um 400 føroyskar bøkur eru tøkar sum ljóðbøkur. Margretha Næss fór frá fyri aldur í fjør, men aðrar kreftir hava tikið yvir arbeiðið. – Mín styrki hevur verið at finna fólk at lesa bøkurnar inn og tryggja, at tað arbeiðið verður gjørt. Tann, sum hevur tikið yvir eftir meg, dugir sera væl at fáa bøkurnar út, sum er stóra avbjóðingin hjá okkum nú. Eitt er at vit mugu fáa fleiri bøkur sum ljóðbøkur, men vit mugu eisini tryggja, at tær vera atkomiligar á netinum, tí tíðin er um at fara frá fløgum, sigur Margretha Næss. – Ljóðbøkur eru ein styrki hjá blind­um og sjónveikum, men sanniliga eisini hjá lesi- og skriviveikum. Tí er tað okkara vón, at allar lærubøkur eisini verða tøkar sum ljóðbøkur. Hetta kann lyfta lesi- og skriviveiku næm­ingarnar fram á leið, sigur Mar­ gretha Næss. Tí hevur hon hesa áheitan á politisku skipanina. – Fái lógarfest, at allar lærubøkur skulu lesast inn og vera tøkar hjá næm­ingunum sum ljóðbøkur. Svarið frá myndugleikunum er einfalt. – Sjálvandi eigur tað at vera so. Alt skúlatilfar eigur at vera tøkt sum ljóðbøkur, sigur landsstýriskvinnan. Hon sigur, at fyri lærarar hevði tað verið ein góður møguleiki at geva børnunum tilfar sum ljóðbøkur, serliga teimum, sum eru lesi- og skriviveik. – Hetta hevði eisini verið sera gott í teimum heimum, har tað ikki verður lisið fyri børnunum heima, sigur Rigmor Dam. Hon vísir á, at í summum førum, tá foreldur ikki hjálpa børnunum við skúlatingum og tey ikki megna, at lesa sjálvi, møta børnini tí ófyrireikaði í skúlanum morgunin eftir. Fyri hesi hevði tað verið gott, um tey kundu tendra telduna og lurta eftir søgunum heima. – Tað er ein teknisk avbjóðing, men hana mugu vit loysa, tí hetta er eitt ógvuliga týdningarmikið mál, sigur Rigmor Dam. Kærleikskúlan 2016 varð handað á Listasavni Føroya mikudagin. Hetta er áttanda árið, at Dugni hevur tikið stig til at gera kærleikskúluna. Hvørt ár verður eitt føroyskt listafólk biðið at gera kúluna, og hvørt ár verður fyrsta kúlan handað onkrum, sum hevur gjørt okkurt serligt fyri tey, sum felagsskapurin Dugni umboðar BORI-/SKRÚVUMASKINA DDF331DSMJ 2-gear maskina, roknað til 10,8 V battaríir, innbygt LED ljós, 18 momentstig + bori- stig. Incl. snarløðara, 2 stk. 4,0 Ah battaríir og MAKPAC kuffert. 1499,- SPAR 500,- 59995 SPAR 200,- MAKITA AVSTANDAMÁTARI Mátar 0-30 m Mátineyvleiki +/- 2,0 mm MARGSKERI 220V TM3010CJ Frálík maskina til skeri- og slípiarbeiði til øll evni. 320 Watt Sveiggingar: 6000-20000 min-1 Skerivinkul: 3,2 º 1399 ,- SPAR 500,- 1699 ,- SPAR 500,- STIKKSAG 4351CTJ 720 Watt Slagmongd: 800-2800 min-1 Slaglongd: 26 mm Størsta skeristyrki í træ: 135 mm HEILDARVEITARI Mar­gretha Næss fekk kærleikskúluna fyri hennara arbeiði við at fáa føroyskar bøkur lisnar inn sum ljóðbøkur. Eyðun av Reyni hevur sniðgivið kærleikskúluna