mánadagur 28. november 2016síða 46

VIKA 48 • 28. NOVEMBER 2016 22 ÓKEYPIS LÝSINGARBLAÐ Vilmund Jacobsen H ví gleða vit okkum til jólaborðhald, og hvønn týdning hevur borðhaldið fyri okkum sum starvs­felagar? Hvat er tað ítøkiliga, sum jólaborðhaldið ger fyri okkum? Tey flestu síggja fram til ársins jóla­borð­ hald, sum er vorðið ein føst traditión, sum næst­an ikki er til at vika. Her endurskapa og viðlíka­halda vit okkara sambond, og tað er eisini her, at vit uppbyggja sínámillum sambond. Øll sama virði Við jólaborðhaldið føla vit okkum javnmett við ovastu leiðsluna á arbeiðsplássinum, og vit síggja eisini nýggj starvsfólk við sama virði sum okkum sjálvi. Okkara støða í fyritøkuni hevur at kalla ein annan týdning, tá vit fáa nissuhúgvuna á høvdið og eina jólaøl í hondina. Tað er her, at vit síggja menniskjað aftan fyri “eyðkennisbúnan”, og tað er her, at snakkað verður um leyst og fast, eins og møguligir trupulleikar kunnu leggjast afturum. Við jólaborðhaldið kunnu positiv ting spyrjast burtur úr, og kreativar loysnir kunnu finnast, sum á ymiskan hátt nema virðini í fyritøkuni. Jólaborðhaldið kann soleiðis óbeinleiðis “smitta” av sær á botnlinjuni í fyritøkuni. Hevur positiva ávirkan Vit vita øll, at tá stemningurin er góður - tá tað er stuttliga at arbeiða í fyritøkuni - so hevur tað í longdini gjarna eisini eina positiva ávirkan á botnlinjuna. Fyri at undirbyggja páhaldið um positiva botnlinju, kunnu vit hugsa um “sosiala kapitalin”, og hugtakið “sosiali kapitalurin” snýr seg í hesum førinum um, hvussu vit kunnu skoða og máta trivnað og sálarliga arbeiðsumhvørvið í fyritøkuni. Vit kunnu síggja “sosiala kapitalin” sum tað sosiala og fakliga sambandið, ið vit vilja menna. Hetta er galdandi bæði millum leiðarar og starvsfólk og millum leiðarar og starvsfólk sínámillum. Pierre Bourdieu var maðurin, sum í 1960- unum presenteraði “sosiala kapitalin”, sum eitt teoretiskt hugtak. Venda vit aftur til jólaborðhaldið, er tað serliga mentanin og traditiónin, sum her verður viðlíkahildin og røkt. Ein unik jólagáva Jólagávan frá arbeiðsplássinum kann síggjast sum ein óbeinleiðis symbolskur “kapitalur”, sum arbeiðsplássið á nógvan hátt fær aftur, tí hvørt einstakt starvsfólk verður meira motiverað. Kanningar vísa, at júst jólagávan er ógvuliga týdningarmikil fyri starvsfólkið, tí gávan gevur fólkinum eina kenslu av, at tað, sum viðkomandi ger, verður virðismett. Tað er tí ikki líka mikið, hvør jólagávan er, og tað ger einki, um arbeiðsgevarin hugsar nýtt og unikt. Arbeiðsgevarin kann eisini gera gávuna til nakað persónligt og nærverandi. Hann kann leggja nøkur orð saman við gávuni, sum siga okkurt um innsatsin hjá arbeiðsfólkinum í árinum sum fer. Kelda: borsen.dk Týdningur av jólaborðhaldi og jólagávu til arbeiðsfólkið Tað er tí ikki líka mikið, hvør jólagávan er, og tað ger einki, um arbeiðsgevarin hugsar nýtt og unikt. Arbeiðsgevarin kann eisini leggja nøkur orð saman við gávuni, sum siga okkurt um innsatsin hjá arbeiðsfólkinum í árinum sum fer Jólaborðhaldið kann hava stóran týdning fyri arbeiðsplássið, og jólagávan gevur starvsfólki eina kenslu av, at tey eru vird