mánadagur 5. desember 2016síða 34

VIKA 49 • 5. DESEMBER 2016 10 ÓKEYPIS LÝSINGARBLAÐ – Fyri tíð síðan spurdi átta ára gamla Jenny, um eg fór at gera hen-ni og Idu, sum er 11 ár, ein pakkakalendara aftur í ár. Eg svaraði, at tað væntaði eg ikki. Eg hevði hug at finna upp á okkurt annað, men var ikki enn vís í, hvat tað skuldi verða. Soleiðis greiðir Jona Thune í Saltangará frá á sínari Facebook-síðu. Jona Thune sigur, at tá hon hevði svarað Jenny soleiðis um pak-kakalendaran, var hin átta ára gamla skjót við sínum svari. - Jamen, so havi eg eitt hugskot, mamma. Vit kunnu lána 24 bøkur á bókasavninum. Tú pakkar bøkurnar inn, og so velja Ida og eg ein pakka um dagin. Og ta søguna lesur tú fyri okkum...” Sjálv helt mamman hugskotið hjá Jenny vera frálíkt. Tað var hin 28. november, at Jona Thune legði hesa fittu frásøgn út á sína Facebook- síðu, og tá skrivar hon eisini soleiðis: – Í dag vóru vit tríggjar á bókasavninum og funnu 24 bøkur! At enda í sínari fittu – og jólaligu – frásøgn skrivar Jona Thune: – Eg trúgvi, at eg gleði meg minst líka so nógv, sum tær báðar, til nógvar hugnaligar løtur næsta mánaðin við søgu og nærveru - nærveru, ið okkara lítla Jenny var so umhugsin at skjóta upp. Allar seinast í frásøgnini leggur Jona Thune aftrat, at hugskotið við bókunum gjarna má lánast. Og við hesum hevur so Vikublaðið kunnað alt Føroya fólk um eitt frálíkt kalendarahugskot til jólamánaðin. Átta ára gamla Jenny gav mammu síni eitt frálíkt hugskot til ein genialan – og sosialan – pakka­ kalendara Ein genialur pakkakalendari – Eg trúgvi, at eg gleði meg minst líka so nógv, sum Jenny og Ida, til nógvar hugnaligar løtur næsta mánaðin, sigur Jona Thune Bøkurnar eru læntar, og nú verður pakkað inn. Eitt frálíkt kalen-darahugskot, má sigast