mánadagur 5. desember 2016síða 44

VIKA 49 • 5. DESEMBER 2016 20 ÓKEYPIS LÝSINGARBLAÐ Shanghai er nýggja matstovan í Havn – Asiatiski maturin er ógvuliga góður og vælsmakkandi; hann hevur bæði saft og kraft, sum eg plagi at taka til. Matarskráin seinnapart og um kvøldarnar líkist sera væl umtóktu matarskránni, sum eg hevði á Herford í Klaksvík, sigur Hans Jacob Garðalíð Vilmund Jacobsen N æst seinasta hósdag læt Hans Jacob Garðalíð upp nýggja matstovu í Havn. Matstovan kallast Shanghai og húsast í hølunum, har Nantong var áður í Havnar Klubba. Hølini eru sett í stand og dagførd, og her er sera hugnaligt inni. Stórur partur av útbúnaðinum í køkinum er skift og dagført. Tá vit biðja Hans Jacob Garðalíð seta orð á, hvat Shanghai er, sigur hann, at her er buffet um middagin, og síðan er steakhouse frá klokkan 17 og út á kvøldið. – Góða og vælsmakkandi buffét’in er opin frá klokkan 11.30 til 14, og yrkadagar er steakhouse frá klokkan 17 til 21. Hann sigur, at á buffét’ini verður dentur lagdur á væl tilreiddan asiatiskan mat við íblandingi av góðum føroyskum mati, eitt nú fiski. – Tá klokkan fer av 17, hava vit búffar av grillini, og vit hava stoktan lambarygg, t-bone steak og helst eini tvey sløg av fiski - fyri at nevna nøkur ting úr matarskránni. Hans Jacob Garðalíð sigur, at hann leggur stóran dent á at hava bestu rávøru á matstovuni, og hann fer á ongan hátt at spara í góðskuni. – Sparir tú í góðskuni av rávøruni, missir tú viðskiftafólk, og tað er viðskiftafólkini, tú hevur brúk fyri. Motto’ið er besta rávøra fyri sámiligar og kappingarførar prísir, sigur hann. Asiatisk buffét Hans Jacob Garðalíð hevur í nógv ár arbeitt við mati, og í nøkur ár he-vur hann rikið matstovuna Herford í Klaksvík. – Matarskráin á Herford var sera væl umtókt, og eg havi lagt meg eftir at hava umleið somu matarskrá á Shanghai. Hann sigur, at umframt buffét’ina, er steakhouse til klokkan 21 yrkakvøld, undantikið mánakvøld, fríggjakvøld og leygarkvøld til klok-kan 22 og sunnukvøld til klokkan 21. Spurdur, hví hann hevur lagt seg eftir asiatiskum mati á buffét’ini, ásannar Hans Jacob Garðalíð, at eisini føroyingar elska asiatiskan mat. – Asiatisku starvsfólkini, sum eg havi í køkinum, tá buffét’in er, eru sera dugnalig. Tey eru ófatiliga ordilig, og reinleikin er í hásæti. Asiatiski maturin er ógvuliga góður og vælsmakkandi; hann hevur simpulthen bæði saft og kraft, sum eg plagi at taka til. Tú fært eitt rættiligt matarupplivilsi við asiatiskum kryddi, skilt á tann hátt, at sterki smakku-rin líka sum kámast av søta smakkinum, soleiðis at upplivilsið gongur upp í eina hægri eind, leggur hann aftrat. Nýtt og dagført Síðan Hans Jacob Garðalíð gjørdi leigusáttmála við Havnar Klubba, eru hølini dagførd - frá innast til uttast. – Eg havi eisini fingið mær góða sofu og sofaborð í einum horni inni í matarsalinum, soleiðis at fólk kunnu seta seg niður, um tey kanska bíða eftir øðrum, sum eru á veg. Her kunnu fólk eisini seta seg, tá tey hava hug, bæði fyri og eftir máltíðina. Hann sigur, at nýggjur og nútímans konventiónsovnur er keyptur, nýgg-jar friture-grýtur og grillpláta. Uppvaskimaskina, kølidiskur og kuldaskáp eru nýggj, og eymhettan er bygd størri. – Nú eru vit nýliga komin í gongd her á Shanghai, og eg eri stak væl nøgdur við undirtøkuna higartil. Longu nú eru vit eisini nógv eftirspurd eftir mati, sum arbeiðspláss og fyritøkur ynskja út við. Vit eru eisini eftirspurd, tá ræður um jólaborðhald her í hølunum, tó at vit eru sein í gongd, og nógv hevur verið at fingið upp á pláss. Men, Hans Jacob Garðalíð so líkt, fryntligur og hjálpsamur, sum hann er, sigur hann, at fólk altíð kunnu ringja og spyrja seg fyri. – Vit hava ikki lýst við beinleiðis jólaborðhaldi, men øll eru vælkomin at ringja og bera síni ynski fram, og so fáa vit at síggja, hvat letur seg ge-ra, sigur nýggi matstovueigarin í Havn. Tey, sum vilja hava eitt orð á matstovu­ eigaran, kunnu ringja á tlf. 318080 - ella á tlf. 264829. – Nú eru vit nýliga komin í gongd her á Shanghai, men eg eri stak væl nøgdur við undirtøkuna higartil, sigur Hans Jacob Garðalíð, eigari av nýggju matstovuni í Havn Mynd: Birgir W. Høgnesen