mánadagur 5. desember 2016síða 46

VIKA 49 • 5. DESEMBER 2016 22 ÓKEYPIS LÝSINGARBLAÐ Vilmund Jacobsen Tey eru mong, sum í hesum døgum fara til jólaborð, og her verður bæði etið og drukkið nógv. Onkur drekkur so mikið nógv, at viðkomandi ikki veit, hvat hann ella hon gjørdi á jólaborðhaldinum. Eitt hugskot er at keypa sær ein alkohol- mátara og hava hann við til jólaborðhaldið. Tá kanst tú lætt halda eyguni við, hvør promillan er, sum kvøldið gongur. Koyr ikki eftir veitslu Tað er altíð ein vánalig loysn yvirhøvur at hugsa um at koyra bil, um nakað sum helst er ella verður drukkið á jólaborðhaldinum ella á veitslun annars. Eingin yvirhøvur eigur at taka kjansin at koyra, um viðko-mandi ikki frammanundan hevur fulla vissu fyri, at alkohol ikki er í blóðinum, sum liggur omanfyri loyvda promil- lumarkið. Skalt tú tryggja tær, at promilla ikki er, kanst tú heldur ikki brúka ein og hvønn alkohol-mátara, tí her er avgerandi neyðugt, at promillan verður máld ógvuliga ítøkiliga, um tú yvirhøvur skal hugsa um at koyra bil. Eitt annað, sum ov lítið verður hugsað eftir váttligt jólaborð og aðrar slíkar veitslur, er, at tú saktans kanst hava eina høga promillum av alkoholi - eisini dagin eftir. Ikki ein og hvør mátari Alkohol-mátarar, sum eitt nú løgreglan brúkar, eru rættiliga kostnaðarmiklir og neyvir, og hesir verða vanliga ikki keyptir til privata nýtslu. Heldur er tað soleiðis, at virkir ella stovnar, sum hava brúk fyri at “testa” síni starvsfólk, hava kostnaðarmiklar og neyvar mátarar. Men, tað finnast eisini alkohol-mátarar til privata nýtslu, sum hava sama neyvleika og mátarar, ið løgreglan hevur. Tveir alkohol-mátarar, sum finnast á danska marknaðinum til privata nýtslu og sum eru rættiliga neyvir, eru Alkometer LifeGuard og AL9000, ið byggja á somu tøkni sum teir, ið løgreglan brúkar. Hesir kosta einar 1800 til 2500 krónur. Kelda: www.birkaklub.dk Rúsdrekka og koyring hoyra slett ikki saman Eitt, sum ov lítið verður hugsað eftir váttligt jólaborð og aðrar slíkar veitslur, er, at tú saktans kanst hava eina høga promillum av alkoholi - eisini dagin eftir veitsluna Alkohol-mátarar, sum eitt nú løgreglan brúkar, eru rættiliga kostnaðarmiklir og neyvir Vilmund Jacobsen Í gjárkvøldið - sunnukvøldið 4. desember 2016 - var árliga jólakonsertin hjá Tórshavnar Manskóri í Vesturkirkjuni. Kórleiðarar eru Bjarni Restorff og Kári Bæk. Tað hevur verið fastur siður hjá manskórinum at halda konsertina saman við einum øðrum kóri, og árið í ár varð jólakonsertin hildin saman við Tarira, sum Johannes Andreasen stjórnar. Tarira varð stovnað av eldhugaðum einstaklingum í 2002, og hevur 14 ár á baki. Eins og Tórshavnar Manskór hevur Tarira eisini fleiri fløguútgávur at vísa á. Tórshavnar Manskór hevur í ár 30 ár á baki. Kórið varð stovnað í 1986 av Bjarna Restorff, sum framvegis er kórleiðari og Kára av Reyni. Kórið hevur nógvar framførslur hvørt ár, og millum annað hevur kórið hvørt ár vanliga eina várkonsert umframt árligu jólakonsertina, umframt nógvar aðrar framførslur til bæði størri og minni tiltøk. Tórshavnar Manskór 30 ár á baki Bjarni Restorff, sum saman við Kára av Reyni stovnaði Tórshavnar Manskór, er framvegis leiðari av kórinum Tórshavnar Manskór, sum er stovnað av Bjarna Restorff og Kára av Reyni, hevur í ár 30 ár á baki