mánadagur 12. desember 2016síða 32

VIKA 50 • 12. DESEMBER 2016 8 MIÐLAHÚSIÐ ÓKEYPIS LÝSINGARBLAÐ Danjal av Rana A ftur í ár ber til at taka jóla­ mynd­ir í væl umtóktu Mynda­ boksini hjá Janusi Gunnarson. Myndaboksin er í ár flutt yvir í Dr. Jakobsensgøtu, yvir av FK í miðbýnum. Myndaboksin er vorðin væl kend um landið. Hon hevur verið at sæð á festivalum og stevnum, á ólavsøku og so hava tey bjóða jólamyndir tá nærk­ ast adventstíðini. Hugskotið er, at tað skal bera til at støkka inn á gólvið og taka nakrar skjótar jólamyndir ella portrettmyndir til jólagávuna. – Vit bjóða sjálvandi tær kendu, meiri roksutu, Myndaboks-myndirnar, sum fólk kenna væl. Vit bjóða tó eisini fólki at støkka inn á gólv at taka portrettmyndir, sum kanska egna seg betur sum jólagávur til familjuna, sigur Miriam Gunnarson. Tað er hon, sum tekur portrettmyndirnar. Átakið kallast Myndaboks Eyka, júst tí at nú ber til at fáa nakað meiri enn bara Myndaboks. Hon er kanska best kend frá lista­kendu myndunum hjá sam­tak­ in­um Miriam og Janus. Hesar por­ trettmyndirnar eru ikki listakendar á hendan hátt, men kortini ikki so roksut­ar, sum Myndaboks-myndirnar blíva. Miriam og Janus Gunnarson siga, at fólk hava tikið væl ímóti hesum til­ boðnum. – Familjur hava kanska í fleiri ár gingið og hugsað um, at tey burdu tikið nakrar familjumyndir. Men so fáa tey tað ikki upp í lag, og børnini blíva eldri og tað er ringt at fáa eina avtalu í lag við ein fotograf. Við Mynda­boks Eyka hava tey møguleikan at seta familjuna í bilin, støkka inn á gólvið hjá okkum og fara avstað við myndunum 20 minuttir seinni, sigur Janus Gunnarson. – Hetta er eitt tilboð til tað modernaða menniskja. Tað gongur skjótt, men samstundis er tað hugna­ ligt og siðbundið. Og ikki minst, so hava vit opið eftir arbeiðstíð, so fólk hava møguleikan at koma framvið, eftir at børn eru heinta í barnagarði og skúla, tá øll familjan er savnað, sigur Miriam Gunnarson. Menningin innan myndlist gongur við rúkandi ferð. Vit minnast øll, hvussu spennandi tað var at fáa myndirnar aftur, sum høvdu verið til framkalling. So var spurningurin, um nøkur var góð nokk at heingja upp. Vit hava kanska ongantíð átt fleiri myndir enn vit gera í dag og eisini fleiri góðar myndir. Avbjóðingin er, at tær eru talgildar og liggja á telefonum, teldum og geymum. Tað eru ikki fáar ommur, sum ilskast um, at tær ongar myndir hava av ommubørnunum, sum tær kunnu heingja upp á veggin. – Myndaboks Eyka hóskar seg fram úr væl til júst hesar jólagávurnar. Vit hava vaksin systkin, sum koma inn at taka eina systkinamynd til foreldrini, ella familjur, sum vilja hava myndir til ommu og abba. Tí hvat skal man keypa hesum, sum í veruleikanum hava alt annað, spyr Janus Gunnarson. Ikki ber til at bíleggja tíð hjá Mynda­boksini, tað er bara at støkka inn á gólvið. Miriam og Janus hava tó eina áheitan á fólk. – Komið fyrr heldur enn seinni. Hóast tað ikki er bíðitíð eftir mynd­ unum, so verður altíð kø, tá vit nærk­ ast jólum, og kemur tú 23. desembur, so verður heilt víst kø, siga tey. Nútímans men siðbundið – Hetta er eitt tilboð til tað modernaða menniskja. Tað gongur skjótt, men samstundis er tað hugnaligt og siðbundið. 20 minuttir seinni hevur tú portrettmyndirnar í hondini, sigur Miriam Gunnarson