mánadagur 12. desember 2016síða 62

VIKA 50 • 12. DESEMBER 2016 38 ÓKEYPIS LÝSINGARBLAÐ TEMA Eysturkommuna Vilmund Jacobsen Í samband við umhvørvisgóðkenn­ ing­ina fyri brennistøðina hjá IRF á Hagaleiti í Leirvík, hava so­nevnd­ ar immisiónskanningar - ella árins­ kanningar - verið partur av ásettu krøvunum fyri góðkenningini. Hesi krøv hava eisini verið galdandi fyri KOB, Kommunalu Orku- og Brenni­støðina á Sandvíkahjalla. Tá Umhvørvisstovan hevur fingið áheitan frá KOB um at endurskoða sýnstøkurnar av mold, grasi og seyði, hevur stovnurin eisini endurskoðað sýnstøkurnar hjá IRF í Leirvík. Kravið um sýnstøkur varð sett, tí Umhvørvsstovan ynskti at fylgja við, um dálking frá brennistøðunum sæst aftur í nærumhvørvinum - í jørðini og í seyðinum, sum gongur í økinum. Í brævi til IRF í Leirvík hin 1. no­ vember í ár um hesar sýnstøkur og kann­ingar, vísir Umhvørvisstovan á, at kanningarnar nú eru gjørdar yvir fleiri ár. – Vit meta, at vit nú hava eina tíðar­seriu, har til ber at hyggja eftir úrslitunum frá hesum kanningum og kunnu gera eina meting av, um dálk­ ing sæst aftur í nærumhvørvinum. Ikki neyðugt longur Umhvørvisstovan vísir í brævinum á, at út frá fyriliggjandi kanningum er stovnurin komin til ta niðurstøðu, at tað ikki er neyðugt at gera hesar kanningar í framtíðini. – Henda niðurstøða er tikin út frá, at brennistøðin klárar at halda tey markvirði, sum eru sett til emmisión í umhvørvisgóðkenningini. Lagt verður aftrat, at úrslitini frá sýnstøkunum av mold, grasi og seyði fleiri ár aftur vísa, at innihaldið av dálkandi evnum er lágt. – Vit kunnu staðfesta, at eingin týðandi dálking frá brennistøðini sæst aftur í mold, grasi ella seyði á Haga­ leiti, har brennistøðin er. Í brævinum til IRF ger Umhvørvis­ stovan tó vart við, at um tað verður mett neyðugt, kann stovnurin krevja, at sýnstøkurnar verða tiknar uppaftur. Samandráttur Umhvørvisstovan hevur eisini sent IRF í Leirvík ein samandrátt av kann­ ingunum, sum eru gjørdar av mold, grasi og seyði tey seinastu árini, har úrslitið av hesum kanningum verður mett í mun til ávís markvirðir. Um kanningar av moldini kring brennistøðina í Leirvík, sigur Um­ hvørvisstovan, at bæði cadmium og kyksilvur liggja langt undir markvirðið, men í summum sýnum sæst, at inni­ haldið av blýggi er hægri enn mark­ virðið, sum er ásett í Danmark. – Kanningar gjørdar av mold í Føroyum hava annars víst, at innihaldið av blýggi náttúrliga kann liggja høgt. Tí ber illa til at siga, at høga innihaldið stavar frá brennistøðini. Um vit brúka klassifiseringina hjá Noregi, er støðan við moldini generelt sera góð, sigur Umhvørvisstovan. Gras og seyður Sambært umhvørvisgóðkenningini skal gras kannast annað hvørt ár fyri cadmium, blýggj og kyksilvur. – Innihaldið av cadmium liggur væl undir markvirðið, og innihaldið av kyksilvuri og blýggi liggur eisini undir markvirðið. Í umhvørvisgóðkenningini stendur eisini, at seyðalivur skal kannast fyri cadmium, blýggj og kyksilvur, og tálgin skal kannast fyri dioxin. Hesar kanningar skulu gerast á hvørjum ári. Innihaldið av cadminum í seyðalivur liggur væl undir ES-markvirðið, og sama er við innihaldinum av kyksilvuri og blýggi í seyði, sum eisini liggja langt undir markvirðið. Umhvørvisstovan leggur aftrat, at innihaldið av dioxini í tálgini á seyði eisini liggur langt undir tey markvirði, sum ES ásetir. Neyðugt er ikki longur við árinskanningum í Leirvík – Vit kunnu staðfesta, at eingin týðandi dálking frá brennistøðini sæst aftur í mold, grasi ella seyði á Hagaleiti í Leirvík, har brennistøðin er, sigur Umhvørvisstovan – Eingin týðandi dálking frá brennistøðini á Hagaleiti sæst aftur í mold, grasi ella seyði, sigur Umhvørvisstovan