týsdagur 13. desember 2016síða 8

Mikudagur 14. desember 2016 · Nr. 144 8 Sosialurin Hugskot og viðmerkingar – send sms til 225000 FISKISKAPUR Vilmund Jacobsen Næstseinasta sunnudag gjørdi lítli nóta­báturin Katrin, sum er heima­hoyrandi í Søldarfirði, størsta nótakastið higartil í vertíðini. Teir royndu út fyri Saltnesi, og tá samanum kom, fingu teir 30 tons av sild í kastið, sum er 10 tons meira, enn báturin tekur. Hilmar Johannesen sigur, at enn er vertíðin so nýggj, men hetta er størsta einstaka nótakastið, sum teir higartil hava havt í heyst. Vanliga byrjar silda-og bris­ lingavertíðin á Skála­fjørð­inum í november, og hon varar út í mánaðarskiftið februar/ mars.  Stórt nótakast - Vit hava gjørt onkrar hamp­ iligar túrar í heyst, men hava ongantíð í hesi vertíðini fingið so nógv í einum kasti, sum næstseinasta sunnudag. Hetta var alt hampiliga stór og góð sild. Tá vit høvdu fylt bátin, slóð­aðu vit inn í Oyrahavnina við nót­ini. Hann sigur, at tað, sum eftir var í nótini, eini 10 tons til­samans, varð tikið beinleiðis upp í lastina á bryggjuni og koyrt norður til Havsbrún í Fuglafirði, sum tekur ímóti sildini. Hilmar Johannesen sig­ ur, at brislingatíðin á Skála­ fjørð­inum er um somu tíð sum sildavertíðin, og higartil í heyst hava teir eisini fingið nak­að av brislingi. Men, enn er ikki rættilig gongd komin á veiðina eftir brislingi.  Spennandi verkætlan Ein spennandi verkætlan við brislingi er í gongd á Tavuni í Leirvík, og í fjør eydnaðust roynd­irnar eftir øllum at døma væl. - Vit eru spentir eftir at vita, hvussu hesin veturin fer at roynast við brislingi, og hvussu tað fer at ganga hjá Tavuni at gera fiskin kláran til útflutnings og víðari fram­ leiðslu í útlandinum, sigur Hil­ m­ar Johannesen. FYLTU BÁTIN EFTIR ONGARI LØTU - Vit hava gjørt onkrar hampiligar túrar í heyst, men hava ongantíð í hesi vertíðini fingið so nógv í einum kasti, sum næstseinasta sunnudag, sigur Hilmar Johannesen Teir hava slóðað inn í Oyrahavnina við teimum umleið 10 tonsunum, sum eftir eru í nótini Myndir: Rúni í Hjøllum