týsdagur 13. desember 2016síða 24

Mikudagur 14. desember 2016 · Nr. 144 24 Sosialurin Hugskot og viðmerkingar – send sms til 225000 Ítróttarblaðið Terji Nielsen Mánadagin hevði starvsnevndin í Fótbóltssambandi Føroya fund, og eit av málunum á skránni var umsóknin frá feløgunum í Suðuroynni um at skipa samstarv um at hava eitt felags lið í vaksna­ mannadeildunum komandi kapp­ ingarár. Starvsnevndin samtykti ein­ mælt at ganga umsóknini á møti, og tí restar nú bert góðkenningin frá eykaaðalfundunum í feløgunum í oynni. Avgerðin fell hóskvøldið Tey trý feløgini í oynni, TB, FC Suðuroy og Royn, hava skrivað undir eina samstarvsavtalu fyri komandi kappingár. Við sam­an­ leggingini hava tey trý feløgini eitt felagslið í hvørjari av vaksna­ mannadeildunum líka úr Effo­ deildini niður í 3. Deild. Avtalan, sum feløgini hava skrivað undir, er fyribils galdandi fyri royndarárið 2017. Men hóast samstarvsavtala er undirskrivað felagna millum, so eru allar súðir ikki syftar enn. Tí enn restar góðkenningin frá eykaaðalfundum í einstøku fe­ løgunum. Tey trý feløgini hava av­talað, at tey øll trý hava eyka­ aðalfund í annaðkvøld, tað vil siga hóskvøldið, so tá fellur endaliga avgerðin. Tað, sum er altavgerandi fyri framtíðina hjá samstarvinum, er at øll trý feløgini í samstarvinum góðkenna avtaluna. Um so er, at bara eitt av feløgunum vrakar avtaluna, so má øll tilgongdin til samstarvið byrja av nýggjum. Formaðurin í FC Suðuroy, Julius Vest Joensen, sigur, at avgerðirnar á eykaaðalfundinum verða tiknar við vanligum meiriluta. Ítróttarligi parturin Um tað gongur, sum tey flestu vænta í Suðuroynni, og at sam­ starvið verður veruleiki, so er tað skipanin av tí ítróttarliga partinum, sum kemur at standa ovast á breddanum næstu tíðina. Poul Erik Smedemark, formaður í TB, sum er felagið, ið eigur luttøkuloyvið í Effodeildini, hevur áður sagt við Sosialin, at man hevur gjørt ávísar fyrireikingar fram móti kappingarárinum, men at neyðugt hevur verið at bíða, til spurningurin um eitt felagslið varð endaliga avgreiddur. Eitt nú hevur tað verið frammi, at man hevur tosað við fyrrverandi HB-venjaran, Jan Dam, um at taka sær av besta liðnum, men sum skilst er hetta nú dottið niðurfyri, og Jan Dam fer at hava annað venj­ arastarv. Men ein venjari skal so set­ ast, og samstundis skal man eis­ ini lutfalsliga skjótt hava eitt nøkunlunda yvirlit yvir hópin til komandi kappingarár, so tað er eitt nokk so stórt arbeiði, ið liggur fyri framman í Suðuroynni. NÚ ER BARA EITT STIG EFTIR Samanleggingin av fótbóltsliðunum í Suðuroynni eru nú næstan komin undir land. Nú manglar bara góðkenningin frá aðalfundunum hjá einstøku feløgunum Samanleggingin av fótbóltsliðunum í Suðuroynni er nú so nær sum ongantíð fyrr. Einans eitt stig er eftir á leiðini – góðkenning frá aðalfundinum hjá feløgunum. Gott lutakast hjá U17 Føroysku U17-dreingirnir, sum skrivaðu søgu við at spæla seg víðari úr und­ anbólki sínum, fingu í dag at vita, hvørjum teir skulu spæla ímóti í sonevndu Elite Round. Og lutakastið má sigast at vera gott. Føroyar komu í bólk 8 saman við Írlandi, Kypros og Slovakia. Gamaní er talan um sera sterk mótstøðulið, men til samanberingar kann nevnast, at vit kundu til dømis endað í bólki Spania, Portugal, sum er verandi U17- meistari og Grikkalandi, ella í bólki 5 saman við Hollandi, Italia og Hvítarusslandi. Kappingin verður av­ greidd sum ein kapping, sum verður avgreidd eftir nøkrum døgum. Føroyski bólkurin verður spældur á Kypros í døgunum frá 15. Til 20. Mars. TB missir málmannin TB má leita sær eftir einum nýggjum málmanni. Tað er greitt, nú málmaðurin seinnu helvt av farna kappingarárið, Casper Radza, hevur skrivað sáttmála við Middelfart Bold­ klub. Casper Radza kom til Tvøroyrar í juli, eftir at hin málmaður, Joslain Mayebi úr Kamerun, fór til Afrika í samband við at pápin doyði. Stutt eftir varð venjarin hjá TB, hollendski Robert F. Roelofsen, uppsagdur, og so avgjørdi Joslain Mayebi, at hann ikki kom aftur. TB fekk fyrst undantaks­ loyvi at leiga Pedrag Marko­ vic og síðani leigaði felagið Meinhardt Joensen úr KÍ, áðrenn Casper Radza kom til felagið 13. juli. Spurningurin er so, um felagið fer at leita sær eftir nýggjum málverja ella um onkrir lokalir fáa møguleikan. Ein upplagdur møguleiki er, at Kári Jacobsen, sum hevur vart málið hjá FC Suðuroy farna kappingarár, verður nýggjur málmáður, í øllum førum um suðuroyarfeløgini leggja saman í eitt felag.