hósdagur 15. desember 2016síða 23

FRÍGGJADAGUR 16. DESEMBER 2016 SOSIALURIN 145 23 MENNIRNIR NA HOYDAL Absalon í Buð er formaður í Meginfelagnum og tað er hann sum hevur sent landsstýrismálanevndini kæruna. Trupulleikin við hesum er, at Hav­stovan sambært skal fyrihalda seg til lívfrøðilig og ikki rættar­lig við­urskifti og er sum so frítt still­ að at tilmæla: - fiskidagar komandi fiskiárið og - hvussu fiskiskapur­in skal skipast komandi fiskiárið. Tað framgongur beinleiðis av § 22, stk. 2, í lógini at “Broytingar í fiskidagatalinum skulu m.a. vera grundaðar á metingar um, hvat fiskidagatal fyri hvønn høvuðs­ bólk av fiskiførum best tryggjar, at fiskastovnarnir verða gagnnýttir burðardygt” Meginfelag Útróðramanna stað­festir í kæruni., at lógar­upp­ skotið um fiskidagar, sum lands­ stýr­ismaðurin hesa ferð legði fyri Løg­tingið, í roynd og veru er ein koll­velting av verandi lóggávu og rætt­indaviðurskiftum í henni. Meginfelagið skrivar at : - yvirskipaða lutfalsliga at­ gongd­in til føroyska botnfiskatil­ feing­ið verður forskotin til fyri­ muns fyri ávísan bólk av feløgum (eig­arum av ávísum fiskiførum og at hettar verður gjørt uttanum § 28 - eitt nýtt hugtak um “burðar­ dygga hjáveiðu” av hóttum høvuðs­ fiskasløgum verður knæsett, men at hettar bert er galdandi fyri ávísar bólkar av feløgum - ein nýggj skipan (sokallaða buff­araskipanin, § 29, stk. 11- 14) – sum bert er galdandi fyri avísar bólkar av feløgum – verður knæsett - eitt nýtt og í lógini ógreinað hug­tak (’luft í skipanini’) verður sett í verk og brúkt sum grund­ar­ lag og amboð fyri frátøku av bólka­ rættindum (§ 28) og ind­ivid­uellum rættindum (§ 29), men at hettar bert er galdandi fyri fel­øg, sum varða av fiskiførum í bólkunum 3, 4 og 5 - bert tey feløg, sum varða av fiskiførum í bólkunum 3, 4 og 5, gjalda prísin fyri endirreisnina av toska- og hýsu­stovnunum - tey feløg, sum í mestan mun hava gjørt nýtslu av tí møguleika, sum fiskidagaskipan stuðlar upp­undir, nevniliga at umseta atgongdina til tosk/hýsu (innara leið) við atgongd til annað tilfeingi á ytru leið, í roynd og veru verða harðast rakt av lógaruppskotinum - lóggivið verður afturvirkandi ella við tí, sum kann síðustillast við afturvirkandi, uttan at feløg hava havt møguliga at tillaga sítt virksemi. Meginfelag Útróðramanna und­ ir­strikar í kæruni, at ein grund­ leggjandi fyritreyt fyri íverksetan av átøkum úr einum tilmæli inn í verandi lóggávu má sum minsta­ mark vera, at áttøkini eru lóglig og sambærilig við verandi lóggávu. Fiskimálaráðið er evsti fyri­ sit­ingarmyndugleiki og hevur tí vitan, førleika og royndir, ið eigur at geva tingfólkum grund fyri at halda, at mál haðani eru fyrireikað á slíkan hátt, at tey eru búgvin at viðgera. Eitt nú eiga tingfólk at kunna ganga út frá, at heimildirnar fyri tí, ið skotið verður upp, eru í lagi. Við at lata tinginum málið part­vís uttan at upplýsa tingið við øllum skjølum, sum eru til taks í málinum, og partvís – at síggja til – uttan at hava viðgjørt heim­ ild­argrundarlagið fyri teimum átøkum, ið skotin verða upp, so hev­ur landsstýrismaðurin tilvitað ella ótilvitað villeitt Løgtingið. Tað er tí uppfatanin hjá MÚ, at tingfólk í roynd og veru hava viðgjørt og atkvøtt í blindum í hesum máli. Lands­stýrismálanevndin skal nú taka støðu til, hvat hon ger við kæruna frá Meginfelag Útróðra­ manna.