mánadagur 19. desember 2016síða 50

ÓKEYPIS LÝSINGARBLAÐ VIKA 51 • 19. DESEMBER 2016 2 Á Jobmatch kanst tú skapa tær eitt týðandi netverk, sum ger tað lættari at hjá tær at finna eitt hóskandi starv, tí tú kennir fyritøkuna og fólkini, ið starvast har. Eisini er hetta netverkið týdningar­ mikið, um tú eitt nú skalt undir at skriva høvuðsuppgávu ella ynskir at koma í starvsvenjing hjá føroyskari fyritøku, stovni ella kommunu. Jobmatch er harafturat ein góður møguleiki at kunna seg um føroyska arbeiðsmarknaðin, og samstundis gera vart við seg í mun til framtíðar arbeiðsgevarar. Breiðari luttakarafjøld Aftur í ár er metstórur áhugi hjá arb­ eiðsgevarum at luttaka á Jobmatch, og starvsstevnan er fullteknað við 45 luttakarum, sum ynskja at koma á tal við føroyingar – bæði herbúgvandi og útisetar. Jobmatch varð fyrstu ferð fyri­skip­ að í 2008, og endamálið er framvegis at skapa og viðlíkahalda samband millum føroyska arbeiðsmarknaðin og lesandi, nýútbúgvin og útisetar sum heild. Í fjør bleiv málbólkurin víðkaður til eisini at fevna um fólk við royndum á arbeiðsmarknaðinum, t.v.s. fólk, sum eru í starvi, men eru áhugað í at kunna seg um nýggjar starvsmøguleikar, og harumframt eru eisini fyritøkur við, sum sóknast eftir fólki við royndum innan handverkarayrkið. Bílegg eitt JobPrát og tryggja tær talutíð Fyri at tryggja tær talutíð hjá teimum fyritøkum og stovnum, tú ynskir at koma í samband við, er møguligt at bíleggja eitt JobPrát framman undan starvsstevnuni. Eitt JobPrát er ein óbindandi styttri samrøða á umleið 10-15 minuttir, har tú fært høvið til at kunna teg um arbeiðsgevaran og greiða frá um teg sjálvan. Tað er als ikki nøkur treyt at bíleggja JobPrát fyri at luttaka á Jobmatch, bert ein møguleiki. Vanliga vitja um 400 fólk í Norð­ ur­landahúsinum, tá Jobmatch er. Harvið kann tað í løtum tykjast trupult at koma á tal við onkrar av luttakarunum, men henda trupulleika hevur tú sjálvsagt ikki, um tú hevur bílagt JobPrát. Leyp bíðirøðina um Øll, ið vitja Jobmatch, verða biðin um at skráseta seg, tá tey koma, so til ber at eftirmeta starvsstevnuna og betra um tiltakið. Skrásetingin hevur áður ført við sær, at ein ávís bíðitíð hevur verið við inngongdina. Hesari bíðirøð kann ein sleppa undan við at skráseta seg á heima­ síðuni áðrenn Jobmatch. Harvið liggur navnamerkið klárt við úthurðina, tá tú kemur á Jobmatch, og tú kanst leypa køðina um og fara beinleiðis inn at hitta luttakararnar. Jobmatch.fo í nýggjum hami Fyriskipararnir av Jobmatch royna at betra um tiltakið á hvørjum ári. Í ár varð orkan løgd í at gera nýggja snøgga heimasíðu, sum ger tað meiri ómakaleyst at kunna seg um luttakandi fyritøkur, stovnar og kommunur. Á nýggju heimasíðuni er tað harumframt vorði lættari at “matcha” egnar førleikar við tað, sum luttakararnir sóknast. Harafturat er lætt at fáa eitt yvirlit yvir leys størv, verkætlanarevnir og luttakarar, sum ynskja at fáa fólk í starvsvenjing. Líka síðan byrjan hevur tað verði avgerandi fyri Jobmatch starvs­ stevn­una, at tað hava verið stuðlar, sum ynskja at tiltakið skal vera á hvørjum ári. Tórshavnar kommuna og Bakkafrost eru aftur í ár høv­ uðus­sponsorar, og harumframt er ein stýrisbólkur við umboðum fyri Tórshavnar kommunu, Vinnuhúsið, MFS og ASK v/Fróðskaparsetur Før­ oya. Tað er ráðgevingarfelagið Syn­ tesa, sum stendur fyri praktisku fyri­ reikingunum og prosjektleiðsluni av tiltakinum. Vælkomin! Hósdagin 29. desember standa 45 føroyskar fyritøkur, stovnar og kommunur til reiðar at møta tær á Jobmatch, sum aftur í ár verður hildið í Norðurlandahúsinum. Savnsmynd: Álvur Haraldsen Jobmatch blaðið 2015 Lýsingarblað frá Miðlahúsinum Fyrskipari: Syntesa Tekstur: Danjal av Rana Umbróting: Sosialurin Lysingar: Birgir Waag Høgnesen