mánadagur 19. desember 2016síða 68

ÓKEYPIS LÝSINGARBLAÐ VIKA 51 • 19. DESEMBER 2016 20 Allar útbúgvingar eru áhugaverdar Ein av fyritøkunum sum fyrstu ferð luttekur á Jobmatch er Faroe Ship. Skipafelag Føroya varð stovnað í 1919, og røkti fram til 1969 rutu­ siglingina millum Keypmannahavn og Føroyar við skipunum hjá sær, sum øll itu Tjaldur. Síðani legði felagið seg meiri eftir farmaflutningi, men eftir at hava kappast í mong ár við Eimskip um farmaflutningin í Norðuratlants­ havi, løgdu feløgini saman í 2004 undir navninum Eimskip. Í 2006 keypti felagið Farmaleiðir frá Strandferðsluni og hevur sostatt farmaflutning bæði á landi og á sjógvi. Síðani 2007 hevur alt virksemi í Føroyum verið undir navninum Faroe Ship. Faroe Ship er millum størstu flut­ ningsfyritøkur í Føroyum við umleið 130 starvsfólkum. Faroe Ship veitir tænastu innan øll flutningsøki, so sum sjófrakt, flogfrakt, koyring og warehousing. Harumframt hevur Faroe Ship kuldagoymslu og agency tænastu. Per Dávidsson Jacobsen er operatiónsleiðari hjá Faroe Ship og sigur, at felagið vónar, at Jobmatch verður ein góður sýnisgluggi fyri felagið. – Vit vænta, at hetta er ein góð­ ur háttur at koma í samband við lesandi og onnur, sum er áhugað í einum starvi hjá okkum ella at skriva uppgávur fyri okkum, sigur hann. Hann sigur, at hóast felagið ikki hevur nakað leyst starv at bjóða júst nú, so eru sera fegin um at koma í samband við lesandi. – Um fólk eru áhugað, so kann væl vera, at vit kunnu koma ásamt um onkrar uppgávur, sum fólk kunnu skriva fyri okkum ella kanningar, tey kunnu gera fyri okkum. Eisini er møguligt at koma í lestrarstarv ella starvsroynd í felagnum. Hinvegin, skuldi tað víst seg, at onkur ser­stak­ liga áhugaverdur persónur legði leiðina fram við, so kann tað vera, at vit mugu royna at skapa eitt arbeiðs­ pláss til viðkomandi í fyritøkuni, sigur Per Dávidsson Jacobsen. – Vaksandi inn- og útflutningurin í Føroyum hevur við sær nógvar spennandi avbjóðingar fyri Faroe Ship og fyri starvsfólkið. Altjóða sambondini, sterka marknaðarstøðan og umskiftandi marknaðurin ger Faroe Ship til eitt spennandi, avbjóðandi og mennandi arbeiðspláss, skrivar felagið um seg sjálvt á heimasíðuni hjá Jobmatch. Á Faroe Ship arbeiða í løtuni um 130 fólk innan alskyns øki so sum lastbilakoyrarar, bókhaldarar, sølufólk og innan logistikk og umsiting. Tískil er tað ikki nøkrum ávísum útbúgvingum, tey leita eftir. – Sjálvandi vóna vit fyrst og fremst at koma í samband við dugnalig fólk innan okkara virkisøki. Sølufólk og logistikkfólk vilja vit gjarna hava eitt prát við, umframt tey, sum arbeiða innan til dømis bókhald og umsiting. Annars er tað altíð áhugavert, um onkur hevur okkurt gott at vísa og vil eg siga, at næstan allar útbúgvingar eru áhugaverdar, sigur hann. Faroe Ship verður í Skálanum á bási 31. Minst til, at til ber at bíleggja eitt JobPrát umvegis heimasíðuna Jobmatch.fo. So ert tú tryggjaður at sleppa fram at júst teimum, tú ynskir at tosa við á stevnuni. Tí er umráðandi, at tú hevur fyri­ reikað eitt sonevnt elevatorpitch um teg sjálvan. Í hugtakinum elevatorpitch liggur, at tað er ein lýsing av tær sjálvum – eitt pitch – sum ikki varar longur enn ein vanligur túrur við elevatorinum, ella lyftuni. Á hendan hátt fáa umboðini hjá luttakarunnum, sum tú ert áhugaður í at fáa samband við, eina góða fatan av, hvør tú ert sum persónur, og hvat tú hevur at bjóða. “You never get a second chance to make a good first impression” verður sagt á enskum, og man hetta ikki vera satt? Tá tú hittir fólk fyri fyrstu ferð, hevur tú skjótt gjørt tær tína hugsan um viðkomandi. Tí hevur tað stóran týdning, at tú fyrireikar teg væl, soleiðis at tú sum persónur, tínir førleikar og mál verða týðiliga framborin. Ger títt egna elevatorpitch, og nýt góðar vinir og familju sum ummælarar. Greið frá um tína útbúgving. Greið frá um førleikar heldur enn lærugreinar. Tað er ikki niðurstøðurnar í uppgávunum ella smálutir í ávísum lærugreinum, sum er áhugavert fyri ein møgu­ ligan arbeiðsgevara, men hvørjar førleikar, tú hevur ogna tær. Tað eru tínir førleikar at greina, at arbeiða málrættað, at loysa krevjandi uppgávur, at skapa sambond og líknandi, sum er áhugavert. Tì er týdningarmikið, at tú setir orð á tínar persónligu førleikar. Tú skalt velja teir mest rámandi førleikarnar. Restina kanst tú hava við í CV’inum. Nevn bert tær royndir, sum eru mest týðandi fyri teg og tín profil. Royndirnar skulu bert nevnast, um tær hava týdning fyri tað umboð og fyritøku, sum tú tosar við. Restina kanst tú nevna í CV’inum. Ymiskir málbólkar leggja dent á ymisk viðurskifti og tí er so týdningarmikið, at títt elevatorpitch er málrættað til móttakaran. Ver nærverandi. Nýt títt egna mál og ansa eftir, at tú hevur eitt fyrikomandi kroppsmál. Enda sam­ røðuna við tínum starvsynskjum, soleiðis at umboðið fyri fyritøkuna dugir at síggja fyri sær, hvussu tey í teirra virksemi kunnu nýta ein við tínum førleikum. Eisini er gott at greiða frá, hví tú heldur, at júst teirra fyritøka er áhugaverd at samstarva við. Á Jobmatch verða nógv sambond knýtt mllum luttakararnar og tey lesandi og liðugt útbúnu. Tey, sum umboða luttakararnar koma í samband við nógv ung ein slíkan dag. Sel teg rætt Skuldi tað víst seg, at onkur serstakliga áhugaverdur persónur legði leiðina fram við, so kann tað vera, at vit mugu royna at skapa eitt arbeiðspláss til viðkomandi í fyritøkuni, sigur Per Dávidsson Jacobsen.