týsdagur 20. desember 2016síða 6

Mikudagur 21. desember 2016 · Nr. 147 6 Sosialurin Hugskot og viðmerkingar – send sms til 225000 FISKIVINNA Vilmund Jacobsen Í skrásettu tølunum hevur Kambur fiskað fyri stívliga 29,2 miljónir - og Klakkur fyri beint yvir 29 miljónir krónur. – Eg veit, at hesi tøl eru ikki tey endaligu. Klakkur hevur størri veiðivirðið enn vit. Tað sigur ein lítillátin skipari á Kambi, Mortan Mortensen á Eiði, og biðir okkum ringja til skiparan á Klakki. Tað eru brøðurnir, Líggjas og Bethuel Johannesen, ið føra Klakk. – Veiðivirðið hjá okkum í ár liggur neyvt um tað sama sum í fjør, umleið 33,5 miljónir krónur. Tað sigur Bethuel Johan­ nesen, skipari, tá vit hava hann í telefonini. Ein miljón meira Mortan Mortensen, skipari á Kambi, sigur, at veiðivirðið hjá teimum í ár er júst eina miljón krónur hægri enn í fjør - ella 31,7 miljónir. – Tað er trupult at siga, hvaðni henda miljónin kem­ ur, men vit gjørdu ein góðan túr á Rygginum í summar, har vit seldu fyri umleið 3,8 miljónir. Tað er ein góður summartúrur. Skiparin sigur, at Kambur gjørdi tveir túrar á Flemish Kap fyrst í hesum árinum, og hetta vóru góðir túrar. – Vit fóru yvir á Flemish Kap 2. januar í ár, og vit ætla okkum at fara yvir aftur somu tíð eftir ársskiftið komandi. Vit høvdu góðan túr yvir seinast og brúktu hálvt áttanda døgn. Ferðin yvir á Flemish Kap kann ikki gerast stytri enn tað. Mortan Mortensen heldur seg minnast, at Kambur var heima í Føroyum aftur umleið 20. februar. Báðir loysa 2. januar Bethuel Johannesen sigur, at teir loystu úr Føroyum 30. desember í fjør, tá teir fóru yvir á Flemish Kap, men hesaferð er ætlanin at loysa sama dag sum Kambur, 2. januar. – Vit eru væl nøgdir við árið í ár, og vit vóna, at árið 2017 eisini fer at roynast, sigur skiparin á Klakki. Tað er ikki bara í ár, at Klakkur liggur ovastur í veiði­virði av okkara frysti­ línuskipum. Tað gjørdu teir eisini í fjør og fyrraári. Klakkur, sum var undan hesum, var ísfiskaskip, men eisini tá gekk væl at fiska, og sum ísfiskaskip lá Klakkur eisini í allar fremstu røð. Frystilínuskipið Klakkur er væl størri enn Kambur, og teir kunnu hava eini 70- 80 tons meira í lastini enn Kambur. Hetta hevur ikki minst týdning, tá fiskað verður á Flemish Kap. Gongur væl við fólki Mortan Mortensen, skipari á Kambi, sigur, at tað hevur gingið væl at mannað skipið - ikki minst, síðan teir fóru at frysta, og møguleikarnir at reka línuveiði gjørdust betri. - Tað hevur gingið væl at mannað skipið, og vit hava støðuga og góða manning. Eg skal ikki siga, at onkur maður ikki hevur vantað onkran einstakan túr um summarið, men hetta hevur als ikki verið nakar trupulleiki. Tað hevur gingið ógvuliga væl hjá okkum at hildið upp á fólkið, og tað hevur stóran týdning, bæði fyri skip og manning, leggur skiparin aftrat. Í nýggjastu veiðihagtølunum hjá Fiskiveiðieftirlitinum standa frystilínuskipini, Kambur og Klakkur, at hava fiskað fyri stívliga 29 miljónir krónur í part í ár, men hesi tøl eru ikki tey endaligu KLAKKUR ER ENN EINAFERÐ BESTUR AV LÍNUSKIPUNUM Aftur í ár liggur frystilínuskipið Klakkur ovastur í veiðivirði við 33,5 miljónum krónum Aftur í ár liggur frystilínuskipið Klakkur ovastur í veiðivirði við 33,5 miljónum krónum Í hølunum á Klakki liggur frystilínuskipið Kambur við 31,7 miljónum krónum Gøtumenn nýggjan nótabát Fyrr í ár fekk nótabáturin Sildin, fyrrverandi Sjófossur, nýggjar eigarar Vilmund Jacobsen Teir eru tó ikki allir gøtu­ menn, sum eiga bátin, og báturin er heldur ikki heilt nýggjur. Tað veit Facebook-síðan hjá Føroysku Sjómans­missi­ ónini at siga. Lagt verður aftrat, at tríggir av eigarunum búgva í Gøtu; teir eru Martin og Mannbjørn í Grund og Sámal Jákup Joensen. Hin fjórði eigarin býr á Eiði og eitur Heini Martin Jørdal Niclasen. Føroyska Sjómans­missi­ ón­in veit at siga, at Sildin er ikki heilt “fesk”, tí hon er smíðað í Fuglafirði í 1966 og er sostatt 50 ára gomul. Sildin er 15,1 metrar long og 4,1 metur breið. Hin er merkt 19,5 bruttotons. – Fyrst tóku eigararnir bátin upp á land og settu hann í stand. Síðan hava teir gjørt Sildina klára til fiskiskap eftir fjarðarsild og brislingi á “Innaru landleið”, sum loyvið eitur. Tað merkir, at Sildin kann veiða við nót inni á fjarð­ unum eftir brislingi og fjarða­rsild. – Hetta er sama slag loyvi, sum smáu nótabátarnir, Katrin og Veðranes, hava, veit Føroyska Heima­missi­ ón­in at siga. Fyrst tóku eigararnir bátin upp á land og settu hann í stand. Síðan hava teir gjørt Sildina klára til fiskiskap eftir fjarðarsild og brislingi á “Innaru landleið”, sum loyvið eitur Mynd: Torleif Johannesen