hósdagur 29. desember 2016síða 47

31 Fríggjadagur 30. desember 2016 Sosialurin Brot og bitar úr árinum, ið fór Annika er kolumbuseggið Kolumbuseggið hjá fólkaflokkinum í høvuðsstaðnum verður í dag veruleiki, meðan tjóðveldið framvegis eigur fremstu sessirnar í flestu kommununum í sambands háborgini Jóannes Hansen Tað verður vaktarskifti í bý- og bygdaráðum kring landið á midnátt leygarkvøldið. Tað var skjótt eftir kommunuvalið týsdagin 8. november, at fyrstu nývaldu komm­unustýrini skipaðu seg. Í dag fer tað sein­asta at skipa seg. Tað er Tórs­havnar býráð. Í politikki er einki liðugt, fyrr enn alt er liðugt, varð gamli løg­ mað­ur á Viðareiði kendur fyri at taka til. Soleiðis hevur tað ofta verið, og dømini eru mong um, at tað í sambandi við skipan av bý- og bygdaráðum verður bóltað rút bæði eina og fleiri ferðir. Tað er ikki ókent, at úrslitið av atkvøðugreiðsluni á formliga skip­ anar fundinum varð øðrvísi, enn tað frammanundan varð lagt upp til. Í nýggjári tíð man síðsta dømið vera í Sørvági í 2004. Tá var lagt upp til, at Sune Jacobsen skuldi verða valdur til borgarstjóra. Tá ið bygdarráðið hittist at velja formann, varð Jákup Suni Lauritsen valdur. Fýra ár seinni varð Sune Jacob­ sen valdur til borgarstjóra, og síðani hevur hann verið borgarstjóri í Sørvági, eitt nú við stuðli frá Jákupi Suna Lauritsen. Hjá teimum báðum verða kommunalu viðurskiftini øðrvísi á nýggjárinum. Jákup Suni varð ikki afturvaldur 8. november, og Sune Jacobsen verður ikki borgar­stjóri. Tann sessin setir Aimé Jacob­sen seg nú í. Tær báðar kommunurnar í Vág­ um eru – við undantakið av høv­ uðs­staðnum – tær einastu mill­um størru kommunurnar, har borgar­ stjórin verður skiftur út. Í Vága kommunu verður Rósa Samuelsen avloyst av Eyðdis Hartmann Nicla­ sen. Kolumbuseggið Tað er ikki óhugsandi, at javn­aðar­ flokkurin fer at skjóta onkran annan enn Anniku Olsen upp at vera borgarstjóri, tá ið Tórshavnar býráð í dag loksins fer at skipa seg. Tað kundi verið Gunvør Balle ella Bergun Kass. Tá ið hvørgin teirra er linkað í knøunum, nú tær hava fingið til­ boð um at verða borgarstjórar, so verður tað neyvan øðrvísi, enn at Annika Olsen verður borgarstjóri. Harvið er tólv ára skeiðið hjá Heðini Mortensen av, og harvið fær fólkaflokkurin borgarstjórasessin aftur, sum hann misti, tá ið Heðin Mort­ensen spleysaði Jan Christ­ian­ sen av í 2004. Stjóraskiftið á Vaglinum ber við sær, at Havnar Framburðsfelag – valfelag fólkafloksins í Suður­ streymi – einki umboð fer at eiga í løgtinginum, har Jóan Magnus Rasmussen í Leirvík nú fer at seta seg í sessin hjá Anniku Olsen. Marran hjá fólkaflokkinum undan løgtingsvalinum í 2015 var, at tað skuldi enda við, at flokkurin í høvuðsstaðnum bara átti eitt um­ boð í løgtinginum – Anniku Olsen. Nú eigur fólkaflokkurin í høvuðs­ staðnum einki umboð á tingi. Kortini er talan um kolumbus­ egg hjá fólkaflokkinum. Annika og J-bandin – Jørgin, Jacob, Jógvan, Jákup, Jóan Magnus og Elsebeth - í løgtinginum hava ikki altíð verið so væl. Nú er hon ikki í tingbólkinum, men flokkurin hevur vunnið borg­ ar­stjórasessin, sum eitt nú skal brúk­ast til at vinna flokkinum styrkina aftur, sum hann plagdi at eiga í høvuðsstaðnum. Eitt nú við at vinna liberalu atkvøðurnar aftur frá framsókn. Annika hevur millum annað longu boðað frá, at hon fer at gifta samkynd. At borgarstjórasessurin kann verða hent amboð at styrkja um flokk í høvuðsstaðnum, eru Heðin Mortensen og javnaðarflokkurin feskasta dømið um. Tjóðveldi í skansanum hjá sambandinum Tølini siga, at tað verri enn so altíð er samband millum úrslit á løg­ tingsvali og kommunuvali. Tá ið tað burtursæð frá í Klaksvík og í Havnini og kanska onkra aðra staðni ikki er eintýðugt samband millum uppstilling til løgtingsval og kommunuval, so er ilt at gera niðurstøður hesum viðvíkjandi. Eftir løgtingsvalið í 2015 varð gjørt burturúr, at eingin tjóð­veldis­ maður eystanfyri Sundalagið varð valdur á ting. Nú kommunustýrini hava skipað seg, verður staðfest, at tað ikki er heilt so illa statt hjá tjóðveldinum. Sambandsflokkurin hevur al­ tíð verið sera stinnur í Eysturoy, og soleiðis var tað eisini á løg­ tings­valinum í 2015. Tá vann sam­ bandsflokkurin 27,7 prosent av at­kvøðunum í Eysturoy. Næstir vóru fólkaflokkurin og javn­aðar­ flokk­urin við ávikavíst 18,8 og 18,1 prosenti, og tjóðveldi vann 15,1 pro­ sent av atkvøðunum. Hóast meiri enn fjórði hvør veljari í Eysturoy velur sambands­ flokkin á løgtingsvali, so er oyggin í kommunalum høpi eyðkend av, at flestu borgarstjórarnir eru og framvegis vera tjóðveldismenn. Jógvan í Skorini er tjóðveldis­ maður, sum heldur fram í borgar­ stjórasessinum í Eiðis kommunu. Sonni í Horni er tjóðveldis­mað­ ur, sum heldur fram í borgar­stjóra­ sessinum í Fuglafjaðar komm­unu. Jóhan Christiansen er tjóðveld­ is­maður, sum heldur fram í borg­ar­ stjórasessinum í Eystur­kommunu. Tórbjørn Jacobsen er tjóð­ veldis­maður, sum heldur fram í borg­ar­stjórasessinum í Runavíkar kommunu. At kommunuvalið í november var valið hjá borgarstjórunum verð­ ur eisini staðfest í, at hinir tríggir borgarstjórarnir í Eysturoy eisini halda fram – Jóhannus Dan­ielsen í Nes kommunu, Arthur Johansen í Sjóvar kommunu og Heðin Zacha­ riassen í Sunda kommunu, sum fevnir um bygdir báðu megin Sunda­lagið. Fleiri tjóðveldismenn Seinastu fjórðings øldina hevur gongdin borið alt meiri á tað borð­ ið, at tjóðveldisumboðini í løg­ ting­inum eru úr høvuðs­stað­num, með­an gomlu háborgirnar hjá fiski­ manna- og útróðrarmanna flokk­ inum hjá Erlendi Patursson stútt og støðugt eru máaðar burtur. Nú kommunustýrini hava skip­ að seg, er skjótt at staðfesta, at tjóð­ veldismenn halda um stýrisvølin í fleiri kommunum. Umframt teim­um fýra í Eysturoy, sum eru nevnd­ar omanfyri, heldur Dennis Holm fram sum borgarstjóri í Vágs komm­unu, og Pauli T. Petersen, tjóð­veldistingmaður í Vestmanna, heldur fram sum borgarstjóri í heim­bygdini. Millum valstøðini, har tjóðveldi plagdi at eiga stóra undirtøku á løg­tingsvalunum og eisini ofta á býráðsvalunum, er Klaksvík. Tá ið sammett verður við omanfyri standandi var úrslitið hjá tjóð­veld­ inum í Klaksvík út av lagi soltið á kommunuvalinum í november, tá ið flokkurin fór frá trimum og til ein býráðslim. Síðani uppstillingin til komm­ unuval í Klaksvík eftir læknastríðið í fimmti árunum varð flokspolitisk, er tað bara tvær ferðir áður komið fyri, at Tjóðveldi bara hevur átt eitt umboð í kommunustýrinum – í 1970 (ein av sjey) og 1984 (ein av ellivu). Nýtt og gamalt Valkvøldið varð sagt, at sannlíkindi var eins stórt fyri, at Heðin Morten­ sen fór at halda fram í borgar­stjóra­ sessinum, sum tað var, at Hillary Clinton fór at verða ameri­kanskur forseti. Veruleikin vísir, at veljara­kann­ ingar og sannlíkar metingar ikki altíð bera uppløgdu úrslitini við sær. Uttanfyri okkara eingjagarðar verður fyrrverandi portugisiski for­sætismálaráðharrin António Guterres á nýggjárinum nýggjur ST aðalskrivari í staðin fyri Ban Ki- Moon, og 20. januar verður Donald Trump nýggjur amerikanskur for­ seti. Hvør hevði roknað við tí fyri einum ári síðani? Nýggjársaftan fer løgmaður at halda nýggjársrøðu. Fyri einum ári síðani snúði fyrsta røðan hjá Akseli V. Johannesen seg um stóru avbjóðingarnar, sum bíðaðu, og sum greiða skuldi fáast á. Tað ber væl til at ímynda sær, at innihaldið verður tað sama í aðru røðuni. Av­ bjóðingarnar eru framvegis tær somu. joannes@sosialurin.fo Aksel V. Johannesen, løgmaður, skal halda nýggjársrøðu gamlaárskvøld. Avbjóðingarnar, hann tosaði um fyri einum ári síðani, eru enn tær somu Á nýggárinum verður Annika Olsen borgarstjóri í landsins størstu kommunu - um avtalurnar halda allan vegin á mál