hósdagur 5. januar 2017síða 32

FRÍGGJADAGUR 6. JANUAR 2017 SOSIALURIN 3 32 MYND: HEINESEN MYNDIR Í samband við at Eivør inn­ spælir nýggja live­plátu verða konsertir á skránni. Hesar verða í Sjónleikarhúsinum í Havn, fríggjakvøldið 6. januar og leygarkvøldið 7. januar. Vegna sera góða undirtøku, verður nú skipað fyri eykakonserst sunnukvøldi 8. januar klokkan 20. Eivør fer saman við bólki sínum, ið er mannaður við Høgna Lisberg og Mikael Blak, at spæla løg av seinastu útgávum hennara Slør, Bridges og Room. Marius Ziska og Allan Tausen eru serligir gestir á hesum konsertum, har teir fara at framføra nøkur av sínum egnu løgum umframt syngja teir við í nøkrum av løgunum hjá Eivør. 32 BAKSÍÐAN G ott nýggjár. Nei, góða ný­ skipan. Endiliga, endiliga, lok­ sins slepti hasin fjandans desember takinum. Nú er annar mánaður og annað ár. Haldi tey skarpan, sum siga, at jólini vara til páska, og at í dag er trettandi dagur jóla. Nú er nóg mikið við hasum jól­un­ um. Nýggjár og lyfti. Eg havi einki. Tað ber til dømis illa til at lova at gevast at drekka, tí so ber ikki til at javna nýggj­ ársdag. Eitt nýggjárslyfti er sum eitt vallyfti. Tað verður givið í ovfarakæti, einari jubilløtu, og síðani gloymt. Men eg lovi tó at vera góður við føroyska málið. Tað eri eg hvørt ár, so tað er ikki nakað lyfti sum so, men veruleiki. Og lætt lyfti at røkja. Føroyska málið er livandi. Tað er ikki eitt forn­minn­is­ savn. Tað gerst ríkari hvønn dag, eisini teir 31 í desember. Tað flytur seg, sum tey siga. Nøkur dømi um livandi málið. Tað, sum nu eitur stormur, plagdu vit fyrr at kalla ódn. Samgonga í einum býráði var fyrr meiri­ luti. Tað, sum nú eitur stráfóður, kallaðu vit hoyggj. Tað, tey nú kalla at framleiða stráfóður, kallaðu vit at hoyggja. Nú slakta tey fisk. Fyrr kruvdu vit fisk. Nú verður alt framleitt. Fyrr varð tað gjørt. Nú framleiðir ein bóndi mjólk. Tað er ikki longur kúgvin, sum mjólkar. Eitt annað framstig í málinum er, at tað er ikki so avgjørt longur. Fyrr vóru setningarnir stuttir og ikki minst greiðir. Nú er ein trygdarventilur komin uppí, nú er einki so avgjørt. Pláss er fyri iva og fleiri tulkingum. Nú endar hvør setningur við orðunum: ”ella sórit nakað har.” Tá ber altíð til hjá øðrum at gita, hvat ”sórit nakað har” kanska er. Málið er livandi, ikki steindeytt sum vit, sum eru góð við málið. Vit eru konservativ og málfasistar, tí okkum dámar ikki, at ð er húsvilt ella horvið, at eingin stílur longur er í málinum. Okkum dámar ikki, at føroyskt, sum er bendingarmál, ikki verður bent. Danskt er ikki bendingarmál, og tí....ja, tað sigur seg sjálvt. Mál. At stava ella benda trý orð rætt sama dagin er hattrick. Vit, sum vísa á og ivast, eru rasistar og fasistar. Sama ger, nógv er verri enn tað. Nýggjárstrøllini fara at vakna so við og við við tímburmonnum. Tey ballast óført á nýggjárinum, tí enn eitt ár fór, uttan at tey vórðu køvd og avhøvdað. Tey fingu eitt ár, minst eitt ár, afturat til at lata øll bíða. Tey eru bara fitt, nýggjárstrøllini. Ting taka tíð, langa tíð. Orðið nýskipan, sum er vorðið eldri enn gamalt, verður eisini ársins orð í 2017. Í Føroyum hava øll, sum hava aldurin til tess, bil. Tey hava bil, tí tey hava børn, siga tey. Børn kunnu ikki ganga. Eg havi eitt annað svar, sum líkist hinum. Vaksin kunnu heldur ikki ganga. Tá stormur og regn ikki eru, er so hált, at noyðist tú at ganga frá Á til Ð, er kjansurin fimmti-fimmti fyri, at tú kemur heilur fram til Ð. Og tann sami, tá tú skalt frá Ð aftur til Á. 2017. Vit koma longri fram á leiðini, sama hvør kósin er, ella um eingin kós er. Sama, hvussu hált er, og sama, hvussu nógvar metrar oman fyri 30, vindurin er. Vit koma víðari í 2017, siga tey bjartskygdu. Eg eri ikki ein teirra. Eg eri realistur. ST fara framvegis at billa fólki inn, at felagsskapurin ger mun. Tey, sum skulu eitast at eiga hendan munin, yppa øksl, eru tey før fyri tí kropsliga. Annars yppa tey øksl í huganum, innantanna. Sameindu tjóðir, eg meini tað. Árið er ein tilgongd og ein nýggj støða. Tí taka vit árið harfrá. Og kanska verður 2017 árið, tá kjakið um føroyska filmslist verður um filmslist og ikki sum higartil bara um pengar. Høgni Djurhuus Høgni Djurhuus fekk Móðurmáls­ virðislønina 2012 Gamla orðið nýskipan Eivør konsertir í Sjónleikarhúsinum um vikuskiftið