mánadagur 9. januar 2017síða 32

VIKA 2 • 9. JANUAR 2017 8 MIÐLAHÚSIÐ ÓKEYPIS LÝSINGARBLAÐ Føroyskt Disney í Bónus Fyri fyrstu ferð nakrantíð verður tilfar frá risastóru Disney fyritøkuni at fáa á føroyskum máli, tá ið Bónus frá í dag at rokna fer at lata kort við Disney-figurum ókeypis til viðskiftafólk, sum keypa fyri fleiri enn 100 krónur D isney fyritøkan er ein av heim­ sins størstu og kendastu fyri­ tøkum, og tað er ikki bara sum at siga tað at fáa eitt samstarv í slag við eina slíka fyritøku. Men eftir eina tilgongd uppá umleið hálvtannað ár hevur tað eydnast SMS-samtakinum at fáa eitt samstarv í lag, soleiðis at man nú á fyrsta sinni fer at síggja Disney-tilfar á føroyskum máli við góð­kenning frá sjálvari Disney-fyri­ tøkuni. Tó skal leggjast afturat, at Disney-bøkur áður eru týddar til før­ oyskt. Kort, bók og plakat Átakið fevnir um, at man hevur fram­ leitt 72 ymisk Disney-kort við mynd­ um av ymsum Disney-figurum. Somu­ leiðis er gjørd ein plakat við teimum 72 figurunum á, og eisini er ein ser­ støk bók framleidd, har man kann goyma kortini og gera ymiskar aðrar uppgávur. Alt tilfarið er á føroyskum, og tað hevur havt stóran týdning fyri SMS- samtakið, at tilfarið er á føroyskum. Leisturin í átakinum er hann, at fyri hvørjar 100 krónur, sum tú keypir fyri í Bónus, fært tú útflýggjað ein pakka við fýra kortum í. Harumframt kanst tú keypa eina bók at savna kortini í, og eisini kunnu eyka pakkar við serligum kortum keypast fyri seg. Alt er á føroyskum Hjá SMS-samtakinum er tað týdning­ ar­mikið, at man røkkur út um alt landið, tá ið man fer undir eitt slíkt átak, ið er rættað til børnini, og júst tí hevur man valt at brúka Bónus- handlarnar kring landið til átakið. Bónus-handlar eru kring alt landið í mun til eitt nú Mylnuna og Miklagarð, sum SMS eisini eigur. Átakið fevnir somuleiðis um, at man á heimasíðuni hjá Bónus, www.bonus.fo, kann man taka lut í ymiskum kappingum við góðum vinn­ ingum, og høvuðsvinningurin er ein ferð til EuroDisney í París. Alt føroyska Disney-tilfarið verður at síggja í Bónus-handlunum kring land­ið frá í dag mánadagin.