mánadagur 9. januar 2017síða 36

VIKA 2 • 9. JANUAR 2017 12 MIÐLAHÚSIÐ ÓKEYPIS LÝSINGARBLAÐ Vilmund Jacobsen S notuliga skúlaskipið í Klaksvík - Dragin - hevur sína serligu søgu. Í hesari greinini skulu vit ikki fara aftur til ta tíðina, tá skipið var í vinnu og var ein partur av føroyska fiskiskipaflotanum. Søgan, sum vit skulu siga hesaferð, byrjar í 1992, tá Hans Eli Hansen, sjómansskúlalærari í Klaksvík, keypti Dragan frá Grímuri Lassen fyri eina 20 krónu. – Sum sjómansskúlalærari, sum undir­vísti í sjómanslæru, helt eg tað ikki vera serliga áhugavert bara at sita inni í einari skúlastovu og práta og tekna upp á eina talvu. Tað sigur Hans Eli Hansen, sum sjálvur hevði tikið dugnaskapsroynd í sigling. – Ein dagin sigur sonur Grím Lassen, sum var ein av næmingunum í flokkinum, at pápin nú ætlaði sær at søkkja Dragan. Skipið hevði fingið upphøggingarstuðul og lá næstan søkklaðið við bryggju í Klaksvík. Hans Eli Hansen sigur, at hann henda dagin í skúlanum bað sonin hjá Grímuri Lassen spyrja, um hann vildi selja Dragan. Jú, tað var gamaní. Og Hans Eli Hansen greiðir soleiðis frá: – Eg hevði eina 20 krónu í lumm­ anum, fann mær ein brævbjálva og skrivaði niður eina sølu/ keypsavtalu og legði 20 krónuna í brævbjálvan. Tá drongurin dagin eftir kom aftur við brævbjálvanum, hevði Grímur Lassen skrivað undir. Stovnaðu stuðlafelag Hans Eli Hansen sigur, at tá keypið varð komið upp á pláss, fann hann nakrar menn, sum hann hugsaði høvdu áhuga fyri at seta skipið í stand. – Vit vóru einir 10 mans, sum skipaðu ein grunn, og tá seldi eg Dragan aftur til grunnin fyri eina 10 krónu. Flestu av monnunum vóru fakmenn av ymiskum slag, og eg kann siga, at eingin av okkum misti nakrantíð hugin. Og Hans Eli Hansen heldur seg eisini vita, hví hugurin ongantíð fór hesi 10 árini tað tók at seta skipið í stand. – Vit bíløgdu beinanvegin átta stræstammur úr Danmark til mastrar og annað, sum vit skulu brúka fyri rigga skipið til seglskip. Hin størsta træstamman var einar 20 metrar long. Tá træstammurnar vóru komnar, og onkur spurdi, hvat vit skuldu brúka tær til, søgdu vit, at hetta vóru mastrar og annað til Dragan. Hans Eli Hansen sigur, at teir funnu fram tekningar til mastrarnar, tí hetta var eftir teirra tykki ikki hin lættasta uppgávan. – Eg kann siga, at vit líka sum byrjaðu við tí torførasta fyrst, og tá mastrar og annað var liðugt, kundu vit ikki tillláta okkum, at skipið ikki eisini bleiv liðugt. Hetta var á ein hátt psykologiska drívmegin aftan fyri verkið, sigur hann brosandi. Han Eli Hansen sigur, at allar stúttir, dekk og lúnningur varð gjørt av nýggjum, og tá samanum kom var bara skrokkurin eftir. – Vit ivaðust eina tíð í dekkinum, men hugsaðu, at tað hevði verið skeivt at innrætta skipið undir dekkinum, um tað kanska fór at leka niður, tá innrættingararbeiðið var liðugt. Tí varð eisini dekkið skift, áðrenn vit byrj­ aðu at innrætta, leggur hann aftrat. Náddu á mál Dragin lá á sjónum øll árini, meðan arbeitt varð upp á skipið, og einaferð um árið var skipið á beding. – Vit høvdu pressending oman yvir alt skipið, og vit arbeiddu fast mánakvøld, mikukvøld og leygardag, tá tað lá fyri. Hetta virkaði sum eitt slag av kvøldskúla. Arbeiðið var sjálvboðið, og allir møttu upp at kalla hvørja ferð. Vit sóu skjótt, at tað gekk rætta vegin. Menn vóru spentir, og hóast nógv var at fara um, var hugurin góður, og vit náddu á mál. Í 2003 var tíggju áralanga arbeiðið liðugt, og Dragin lá nú púra klárur við bryggju í Klaksvík við siglingarloyvi - og ongari skuld. Dragin varð keyptur fyri eina 20 krónu Tað var Hans Eli Hansen, sum í 1992 keypti Dragan frá Grímuri Lassen fyri eina 20 krónu og seldi hann aftur til stuðlafelagið Dragan fyri eina 10 krónu Soleiðis sá skipið út nakað eftir, at teir vóru byrjaðir at seta Dragan í stand í 1993 Dragin er eitt sera snøgt skip – og eitt ógvuliga væl frágingið handverk av sjálvbodnum