mánadagur 9. januar 2017síða 38

VIKA 2 • 9. JANUAR 2017 14 MIÐLAHÚSIÐ ÓKEYPIS LÝSINGARBLAÐ T að var í 1964, at brøðurnir Hák­ un og Tórbjørn Marstein byrjaðu radiohandil og verkstað í Havn. Tórbjørn Marstein, stjóri í P/F Marstein sigur, at hann sjálvur byrjaði við handlinum í Klaksvík í 1957, og at hann í 1964 flutti til Havnar at handla. – Sama ár flutti eldri beiggi mín, Hákun, til Føroyar aftur úr Dan­mark, og vit fóru so báðir undir handils­virk­ semi og verkstað í Havn, sigur hann. Teir keyptu ongirnar hjá Wellejus – handilin og verkstaðið. Hann hevði tá handil og verkstað niðri í Gongini. Wellejus átti eisini sethúsini á Ting­ húsvegnum niðan fyri hjá Niels Juel Arge, sum vóru tikin niður í fjør, og nýggj hús verða í løtuni bygd á grundina. – Vit yvirtóku virksemið hjá Welle­ jus 1. apríl í 1964 og byrjaðu tá niðri í Gongini, greiðir Tórbjørn Marstein frá. Seinni sama ár verða húsin hjá Jørgen Jacobsen á Áarvegnum lýst til sølu í Dimmalætting. Kims í Stóru­ stovu hevði handlað har. Um heystið í 1964 keypa Marstein­brøðurnir húsini og fara at handla har. Verkstaðið helt fram niðri í Gongini. Handilin hjá Marstein var av størstu radiohandlum í landinum, men í 1995 valdu brøðurnir at gevast við handilsvirkseminum. – Vit høvdu eina stóra útsølu, har alt sum var í handilinum og á goymsl­ uni varð selt, greiðir Tórbjørn Marstein frá. Mads Andreas Winther, sum hevði staðið í handilslæru hjá Marstein, og sum hevði arbeitt har í fleiri ár, stovnaði tá nýggjan handilin í SMS, sum hann nevndi Elding. Um hetta mundið var Leif Mohr hildin uppat við sínum radiohandli í SMS, og tí greip Mads Andreas Winth­ er kjansin. – Vit mæltu til, at hann tók yvir tey umboð, sum vit høvdu, fyrst og fremst Phillips, og við hesum fór hann undir sín egna handil tá, greiðir Tórbjørn Mar­stein frá. Hóast yngra ættarliðið valla minn­ ist handilin hjá Marstein, sum helt uppat fyri júst 22 árum síðani, so er handilin ikki gloymdur enn. – Nei, so langt í frá. Tað hendir seg meira enn so, at fólk ringja til mín um onkra vaskimaskinu og spyrja, hvat tey skulu gera, tí tey hava keypt hana frá okkum, so gloymdir eru vit ikki, heldur Tórbjørn Marstein skemtandi fyri. Umframt bygningarnar kring Hafnia og bygningin hjá Wellejus niðri í Gongini, so áttu Marsteinbrøðurnir eisini húsini Ydum uppi á Høgareyni. Men tey húsini seldu teir fyri 10 árum síðani. Enn eiga teir Wellejus í Gongini, sum verða leigað út til Visit Faroe Is­ lands. Hotel Hafnia hevur keypt grannaognir H otel Hafnia keypti beint fyri jól ognirnar hjá P/F Marstein á Áarvegnum og á Húsabrúgv. Talan er um grannaognir hjá Hotel Hafnia. Húsini á Áarvegnum eru tey, sum hýsa handilinum Staðið, sum fyrr nevndist Sirri – og sum til 1995 hýsti radiohandlinum P/F Marstein. Men tað er ikki tí, at Hotel Hafnia er í ferð við enn eina stóra útbygging, at tey hava keypt húsini. – Nei, vit hava ongar ætlanir um útbyggingar nú, og vit hava ikki ein gong fingið gjørt tekningar, hvussu tað kundi sæð út, sigur Tummas Justinus­sen, nevndarformaður í P/F Hotel Hafnia. – Vit fingu møguleikan at keypa nú og valdu at taka av. Tað er fyri at tryggja, at Hotel Hafnia einaferð í tíðini kann byggja út, um tað verð­ ur hildið skilagott. Hatta er einasti møgu­leiki, um Hotel Hafnia skal byggj­ast út, sigur Tummas Justinus­ sen. Byggisamtyktin fyri økið loyvir, at ein bygningur kann byggjast á staðnum í somu hædd, sum Hotel Hafnia, so pláss er fyri nógvum hotell­ kømrum aftur, um bygt verður, men tað hava tey so ongar konkretar ætl­ anir um, sambært Tummasi Justinus­ sen. Tað var í 2005, at Hotel Hafnia, sum Christian Dal-Restoff stovnaði í fimmtiárunum, varð selt til P/F Hvarvið, sum í dag eigur hotellið sam­an við Havila A/S í Noreg, Sjóborg Sp/f og Sæborg Sp/f. Húsini á Húsabrúgv eru gomlu endur­bygdu húsini aftan fyri Hotel Hafnia, sum hýsa Kriminalforsorgini. Keypssamtøkan í Dr. Jakobsensgøtu FK í Dr. Jakobsensgøtu sóknast eftir Vaskifólki at byrja skjótast til ber Vit sóknast eftir einum røskum fólki at vaska. Starvslýsing: • Starvið umfatar: at vaska í handlinum, matarhølinum og skrivstovunum. • Arbeiðstíðin er uml. 20 tímar aðru hvørja viku, ella eftir avtalu. Arbeitt verður eftir, at handilin er stongdur. • Løn sambært sáttmála við fakfelag. • Seinasta freist at søkja er mikudagin 18. januar 2017 Keypssamtøkan Dr. Jakobsensgøtu 4 Postsmoga 349 FO 110 Tórshavn Tel 66 00 10 Att.: Bogi Vík, tel 228222 bv@fk.fo 90 ára føðingardagur Mánadagin 9. januar verður Ada Joensen, Leirvík 90 ár. Tey, ið vilja hitta Adu føðingar­ dagin, eru vælkomin á Giljagarði frá kl 18–22. Vilja tryggja sær møgu­ leikan at byggja út Marstein-brøður: Høvdu radiohandil í Havn í 31 ár Hava nú selt ognirnar til Hotel Hafnia Sosialurin 13. januar 1995