mánadagur 16. januar 2017síða 32

VIKA 3 • 16. JANUAR 2017 8 MIÐLAHÚSIÐ ÓKEYPIS LÝSINGARBLAÐ Ongantíð ov gomul at lesa – Meðan eg sat í tinginum, saknaði eg barlastina, sum ein útbúgving kann geva, sigur Rúna Sivertsen, sum 58 ára gomul settist á skúlabonk at taka hægri útbúgving á fyrsta sinni. Í heyst fekk Rúna Sivertsen prógv sum sosialráðgevi. Tað er sum so einki óvanligt í tí, fleiri aðrir før­oy­ ingar hava fingið prógv sum sosial­ ráðgevar. Fáir aðrir eru tó farnir um tey 60, sum Rúna Sivertsen er. Rúna Sivertsen hevur onga út­ búgv­ing frá fyrr av. Seinast lokna út­ búgving hennara er 9. floks prógvið úr fólkaskúlanum. 21 ára gomul gift­ist hon Birgiri Sivertsen og fyrstu árini høvdu hon og maðurin ein hvítvøru­ handil. Børnini komu tøtt, fýra børn í fimm ár, og so ein eftirnølari nógv ár seinni. Rúna Sivertsen fann ongantíð leiðina aftur á skúlabonk. – Maðurin segði ofta við meg, at vit skuldu fara niður nøkur ár, so at eg kundi útbúgva meg, men eg visti satt at siga ikki, hvat eg skuldi lesa, so tað bleiv ikki til nakað, sigur hon. Ein annan bonk kom hon tó inn á – Løgtingið. Hon kom inn á ting sum varafólk fyri Annfinn Kallsberg frá 1996 til 2002. – Hasi árini merkti eg væl, at eg saknaði barlastina, sum ein útbúgv­ing kann geva. Líkamikið hvørja útbúgv­ ing, ein tekur, so fær ein nøkur grund­ leggjandi amboð, sum ein kann brúka, sigur hon. Avgerðin um at fara at lesa aftur kom so líðandi. Hon hevur havt nógv ymisk størv, í handli, sum servitrisa, sum køkshjálp og sum heimahjálp. – Í nógv, nógv ár hevur mín áhugi verið at hjálpa fólki, sum rena seg føst í skipanini. Eg fekk so eitt fyribilsstarv í barnaverndini í Sunda kommunu og treivst sera væl í tí. Eg føldi, at hetta er nakað, sum eg kundi hugsað mær at arbeitt við. Aftaná arbeiddi eg eitt ár í barnaverndini í Klaksvík, og tá ætl­ aði eg mær at byrja at lesa, sigur Rúna Sivertsen. Persónligar umstøður gjørdu tó, at lesnaðurin varð útsettur, og í staðin fór hon at arbeiða fulla tíð í Barna­ hjálpini. – Tá so barnahjálpin ikki hevði brúk fyri mær fulla tíð longur, fór eg at lesa, í 2013. Í 2014 fekk eg starv sum málsviðgeri í barnaverndini í Runa­vík og røkti eg tað starvið fulla tíð, meðan eg havi gjørt meg liðna við lesnaðin, sigur hon. – Nú havi eg so eina útbúgving og eg meti tað er sera týdningarmikið at hava eina útbúgving, tá ein starvast á einum so týdningarmiklum øki, sigur Rúna Sivertsen. Saman við trimum øðrum før­ oyskum kvinnum hevur Rúna Sivert­ sen tikið útbúgvinga í Odense. – Tað er ein net­baserað útbúgving, men man arbeiðir í bólkum. So letur man upp­gávur inn sam­an. Onkrar royndir hava verið tiknar í bólkum, men tær flestu mugu vit taka hvør sær, sigur Rúna Sivert­sen. – Aldurin er bara eitt tal. Tað er ongantíð ov seint at fara at lesa. Um ein orkar, og følir at ein kann, so skal ein gera tað, sigur Rúna Sivertsen. Ok, minnið er ikki tað, tað einaferð var, sigur hon, men vísir á, at lívsroyndirnar viga upp móti svikaliga minninum. – Tú hevur fingið nøkur amboð gjøgnum lívið, sum gera, at tú kanst nýta nógv av tí, sum tú hevur lært, hóast tú kanska ikki hevur sama klebri­heila, sum tá tú vart ung, sigur hon. Fyri hana hevur bólkaarbeiðið verið sera gott. – Eg haldi ikki, eg hevði klárað eina útbúgving, sum var bygd á meiri eginlestur enn bólkaarbeiðið. Bólk­ arnir hava gjørt hetta møguligt fyri meg. Í teimum fært tú feedback alla tíðina og uppgávurnar vera deildar upp eftir, hvørja styrki hvør einstakur hevur, sigur hon. – Er onkur, sum er komin eitt sindur til árs, og kundi hugsað sær at tikið eina útbúgving, so er aldurin eingin trupulleiki, um ein annars er væl fyri. Tað krevur, at ein fær stuðul frá familjuni, tí hon má jú vera teg fyri uttan, sigur Rúna Sivertsen. Keypssamtøkan í Dr. Jakobsensgøtu FK í Dr. Jakobsensgøtu sóknast eftir Vaskifólki at byrja skjótast til ber Vit sóknast eftir einum røskum fólki at vaska. Starvslýsing: • Starvið umfatar: at vaska í handlinum, matarhølinum og skrivstovunum. • Arbeiðstíðin er uml. 20 tímar aðru hvørja viku, ella eftir avtalu. Arbeitt verður eftir, at handilin er stongdur. • Løn sambært sáttmála við fakfelag. • Seinasta freist at søkja er mikudagin 18. januar 2017 Keypssamtøkan Dr. Jakobsensgøtu 4 Postsmoga 349 FO 110 Tórshavn Tel 66 00 10 Att.: Bogi Vík, tel 228222 bv@fk.fo Rúna Sivertsen