mánadagur 23. januar 2017síða 30

VIKA 4 • 23. JANUAR 2017 6 MIÐLAHÚSIÐ ÓKEYPIS LÝSINGARBLAÐ 10 orsøkir at vitja Reykjavík um veturin N ú eru heystið og veturin bliv­in líka væl umtókt millum ferða­ fólk sum várið og summarið, tá ið tað snýr seg um at vitja í íslendska høvuðsstaðnum Reykjavík. Um summarið er tað ljóst næstan allar 24 tímarnar á degnum, og tað er nakað, sum ferðafólki dámar væl. Men um veturin er tað Norðlýsið, ið dregur nógv ferðafólk til Íslands, og alsamt fleiri ferðafólk vitja í Reykjavík vetrarmánaðirnar. Umframt Norðlýsið er jú eisini møguleiki at uppliva stór­ slignu náttúruna, ymsu søvnini, kafeir og matstovur í hópatali. Her eru 10 góðar orsøkir til at vitja í íslendska høv­uðs­staðnum: Norðlýsið Tað er stórur áhugi fyri Norðlýsinum í Íslandi, og ferðafólk elska at uppliva serstaka náttúrufyribrigdi. Tað liggur best fyri at uppliva Norðlýsið uttan fyri býirnar, har tað er minni ljós, men tá ið Aurora Borealis er bjartast, sæst tað eisini væl yvir Reykjavík. Imagine Peace Tower Tornið er reist til minni sum John Lennon, sála, og tað var kona hans­ ara, Yoko Ono, sum fekk hugskotið til at reisa eitt friðarljós, sum skuldi minna fólk á, at friður á jørð er tað týdningarmiklasta í lívinum. Imagine Peace Tower, sum stendur á oynni Viðey, er gjørt 100 prosent av ljós­um, og tað verður tendrað hvørt á føð­ ingar­degnum hjá John Lennon. Ríðitúrur í kava Fólk flest hava kanska roynt at sitið á hestabaki ein góðan summardag, men um tú ongantíð hevur roynt at riðið um veturin, so er hetta nakað, ið kann viðmælast. At ríða í nýggjum kava er ein hugtakandi uppliving, og serligu íslandsrossini eru serliga væl egnað til júst slíkt. Bergtakandi sólarljós Um veturin hevur Ísland bergtakandi sólarris og sólsetur. Ljósið er nakað heilt serligt, og tað heilt serliga ljós­ spælið millum ljós og skugga gevur myndaáhugaðum eitt serstakt høvi at taka nakrar fantastiskar myndir. Gongutúrar í náttúruni Reykjavík hevur nógv støð, har tað liggur væl fyri at koma tætt uppá náttúr­una, ganga undir trøum, fram­ við sjónum ella ganga framvið ánni Elliðaá, sum rennur gjøgnum eyst­ara partin av býnum. Kavar tað í Reykja­ vík, so verður Øskjuhlið bakkin, sum er heimstaðurin hjá Perluni, og skógurin har um leiðir eitt heilt serligt kava­ landslag, sum er vert at vitja. List Tað er ein ørgrynna av listasøvnum í Reykjavík, og nógv grøn øki við stand­ myndum, sum dregur nógv vitjandi, ikki minst tá ið standmynd­irnar eru kavaklæddar. Heitir pottar Tað er einki so gott sum at fara ein túr, antin einsamallur ella saman við vinfólki ella familju, at vitja ein av mongu heitu pottunum í íslendska høvuðsstaðnum. Pottarnir hava leingi opið, og teir eru at finna allastaðnis í býnum. Heystlitir Renn, súkkla ella gakk ein túr framvið vatninum mitt í Reykjavík. Nógv al­ menn grøn øki eru í býnum, og hesi støð eru altíð opin, um tú hevur hug at røra teg eitt sindur og samstundis uppliva serligu heystlitirnar, sum seta sín serliga dám á býin vetrarhálvárið. Hugnaligar matstovur Matstovurnar í Reykjavík hava sum heild eitt rættiliga høgt støði, og tú kanst finna bæði nýmótans matstovur við modernaðari matarskrá, ella tú kanst leita tær inn á eina av gomlu, hugnaligu matstovunum við meiri klassiskari matskrá. Møguleikarnir eru óteljandi, og tað ber væl til at royna serliga íslendska matin eisini. Romantikkur Reykjavík hugtekur altíð. Í Reykjavík, sum er umgyrdur av fjallinum Esja og sjónum, er tað lætt at finna romantisk støð, og nógvar smáar og hugnaligar síðugøtur eru í miðbýnum, har man sum par kann leita sær eftir onkrum forvitnisligum. Reykjavík er ein heilt serligur býur, sum blívur betur og betur umtóktur alt árið