mánadagur 23. januar 2017síða 36

VIKA 4 • 23. JANUAR 2017 12 ÓKEYPIS LÝSINGARBLAÐ TEMA Hús & Heim Vilmund Jacobsen E in dagin herfyri, tá Vikublaðið var í ørindum inni á gólvinum í blómuhandlinum Akkuleya í Niels Finsensgøtu í Havn, fangaðu hesir fýrakantaðu og rundu »kass­ arnir« við træringum á, sum síggjast á viðheftu myndum. Við fyrsta eygnakast sá tað út, sum kassarnir vóru klæddir við tapeti, men tá vit hugdu nærri, sást skjótt, at hetta eru avsagaðar greinar, skornar í træringar, sum eru festar á hesar kass­ar. Hetta kundi kanska verið eitt for­ vitnisligt hugskot til eitt horn í einari stovu ella okkurt slíkt. Onkur, sum nýliga hevur tapet­ ser­að stovuna og kanska enn ikki eigur nakað at koyra í hana, kundi hósk­andi gjørt nógv burtur úr hesum mátanum at dekorera - einum máta, sum ivaleyst er nógv bíligari enn so mangt annað. Tað, sum ræður bara um, er, at tú kanska dugir eitt pinkalítið sindur av handverki. Í hesi nýggju - ella ístandsettu - stovuni síggi eg fyri mær eitt stórt og tómt rúm við ljósum, nýmálaðum veggjum. Rúmið er so gott sum tómt. Og so í gongd Eg fái mær nú eina finerplátu, minki hana eitt sindur í longd og breidd. Plátan verður málað svørt á síðuni, sum vendir upp og um kantarnar. Tá plátan er klár, fari eg mær á eitt ruskpláss, har tey koyra burtur greinar, runnar og trø. Eg velji mær nakrar greinar í hóskandi stødd, bæði tjúkri og klænri. Heimkomin verða greinarnar sag­ aðar sundur, soleiðis at tú fært hesar “træringarnar”, sum síggjast á mynd­ unum. Tá ein rúgva er sagað - og alt í somu tjúkt, men í ymiskum skapi - verð­ur byrjað at festa ringarnar á finer­plátuna. Byrjað verður í hornunum fyrst, har ringurin í hvørjum horni verður sag­ aður í vinkul. Síðan verður farið om­an eftir øllum útsíðunum. Tá ið komið er runt, og allir kantarnir eru, soleiðis sum teir rigga og liggja best, verða ringarnir - ein fyri og annar eftir - festir á plátuna, soleiðis at teir at enda dekka alla plátuna. Nú hevur tú eftir mínum tykki eitt stórt listarverk, sum kann heingjast upp á veggin í stovuni, og tú hevur helst eitt listarverk, sum eingin annar hevur. Síðan til kassarnar Tá listarverkið hongur uppi, kanst tú smíða tær einar tveir smærri kassar í ymiskari, men hóskiligari stødd. Eru hendurnar góðar, kanst tú møguliga eisini smíða ein rundan kassa, soleiðis sum sæst her á aðrari myndini. Nú heldur tú fram við træringunum á sama hátt, sum við listarverkinum. Ætlar tú eisini at royna teg við einum rundum kassa, er ivaleyst um­ ráðandi at brúka træringar úr greinum, sum ikki eru so tjúkkar, tí tá fært tú tær betri at liggja at, og úrslitið verður snøggari. Nú listarverkið hongur uppi, og kassarnir - fýrakantaðir ella rundir - eru “tapetseraðir” við træringum, eigur tú ein snøggan og kreativan krók onku­staðni í stovuni. Tú kanst hava urtapottar ella lampur standandi á trækassunum. Eg sigi ikki, at hetta, eg her havi nevnt, hevði riggað, men tankin streyf­aði og kreativi hugurin fór at sveima, tá eg sá hesar kassarnar inni á gólv­inum í Akkuleya. Hetta er kanska eitt hugskot, sum tú kanst brúka til okkurt forvitnisligt og kreativt – ella eitt hugskot, sum tú kanst byggja víðari á Hevði hetta hugskot riggað til tína stovu? BústaðarLán Vitja deildina í Havn og Vági ss.fo ANNIJANNI