týsdagur 24. januar 2017síða 6

Mikudagur 25. januar 2017 · Nr. 11 6 Sosialurin Hugskot og viðmerkingar – send sms til 225000 Danjal av Rana Ein ungur maður fekk í dag 1.500 krónur í bót og koyriforboð fyri at hava gjørt eina skilaleysa yvir­ háling í Hvalvík, sum mundi enda galið. Hann bleiv tó fríkendur fyri at fyri­litar­ leyst at hava sett lívið hjá øðrum í váða. Ungi maðurin, sum í dag er 19 ára gamal, hevði einans havt koyrikortið í tríggjar mánaðir, tá hann mest sum spældi sær av við tað aftur. Ein dagin í septembur í 2015, eftir skúlatíð, var hann á veg til Havnar at vitja dam­una. Komin til Hval­ víkar endar hann aftan fyri ein vøruvogn, sum hann heldur koyrir ið so seint og beint eftir omankoyringina til havnina í Hvalvík, velur hann at yvirhála vøruvognin. Tað var ikki fyrr enn hann var komin upp á liðina á vøruvogninum, at ungi maðurin varnast, at tvær løgreglumotorsúkklur koma koyrandi móti sær. Ungi maðurin væntar tó, at hann nær at koyra inn á egna breyt, áðrenn hann møtir løg­regluni. Tað eydnast, men ikki meiri enn júst. Í tí at hann fer inn aftur á høgru síðu av vegnum, nertir hann við kúfangaran á vøruvogninum, sum hann júst hevur yvirhálað. Í farnu viku møtti ungi mað­urin í Føroya rætti, ákærdur fyri fleiri brot á ferðslulógina og fyri brot á grein 252 revsilógini. Ákærin metti, at ungi maðurin hevði uttan fyrilit sett lívið hjá øðrum, nevniliga teim­ um trimum fólkunum á motorsúkklunum, í vanda. Fyri hetta skuli maðurin revs­ast við 30 daga fong­ sulsrevsing. Fyri brotini á ferðslulóg­ ina bað ákærinum, at nú 19 ára gamli maðurin fekk 2.000 krónur í bót og at hann misti rættin at koyra bil í eitt ár. Hann var ákærdur fyri at hava koyrt bil fyrilitarleyst og á slíkan hátt, at tað hevur verið til vanda fyri onnur í ferðsluni, fyri ikki at hava tillagað koyringina til viðurskiftini á staðnum, so sum vega-, veður-, og sýnis­ viðurskifti, fyri at hava koyrt ov skjótt í óbygdum øki og fyri at hava brotið reglurnar fyri yvirháling. Ákærdi greiddi sjálvur frá, at hann ivaðist ikki í, at hann fór at klára at fullføra yvirhálingina, áðrenn motor­ súkklurnar náddu hann, og hann noktaði seg tí sekan í øllum ákærunum. Sjálvur metti hann ikki, at hann koyrdi nógv skjótari enn 80 km/t. Førarin av vøruvogninum, sum varð yvirhálaður greiddi hinvegin frá, at tað var um reppið, at tað endaði í eini van­lukku hendan heyst­ar­ dagin í Hvalvík. Hann sigur, at tá hann sá, at ákærdi yvirhálaði og var um at bresta saman við motor­ súkkl­unum, mátti hann høgga bremsurnar í, fyri at loyva honum at koma inn aftur á høgru síðu. Hann greiddi frá, at alt, sum lá leyst aftan fyri í bilinum, reyk frameftir. Tað vóru tveir løgreglu­ menn á veg norðureftir, sum møttu unga manninum. Frágreiðingarnar hjá teim­ um samsvaraðu hvør við aðra, men sjálvan dagin var upp­livingin tó ymisk frá øðrum til hin. Í dag er tann fremri løg­ reglumaðurin ivaleysur um, at her var talan um vanda fyri lív og heilsu, men júst hendan dagin upplivdi hann ikki støðuna so ógvusliga. Hann greiddi í rættinum frá, at so skjótt hann sá unga mannin leggja seg út og ætla at yvirhála, byrjaði hann at bremsa og trekkja til síðis. Hann segði, at tá ákærdi og hann møttust, var ákærdi framvegis ikki komin heilt yvir í høgru síðu aftur. Løgreglumaðurin segði í rættinum, at hann óttaðist, hvat kundi henda, um maðurin rakti vøruvognin á veg yvir aftur í sína síðu. Tá kundi alt hent, segði hann. Hann ivast ikki í, at um teir vóru í bili, so høvdu teir rent saman, tí har var veruliga ikki pláss at møtast. Sjálvur helt hann ikki, at tað virkaði so vandamikið júst tá, men tá hann hevur sæð filmsbrot av hendingini seinni, sær hann at har veruliga var vandi á ferð. Hann metti, at tað gingu ikki fleiri enn sjey sekund, frá tí at hann sá bilin leggja seg yvir í vinstru síðu til teir ruku fram við hvørjum øðrum. Hin løgreglumaðurin greiddi í rættinum frá, at hann var noyddur at høgga bremsurnar í og leggja seg út í síðuna, fyri ikki at stoyta saman við unga mannin. Fyri hansara viðkomandi var talan um eina nær-deyð­ anum uppliving, greiddi hann frá. Hendingin er upptikin á film og filmsbrotið varð víst í rættinum. Danska TV2 var í Føroyum og gjørdi upp­ tøkur til sendingina Station 2 og kameramaðurin sat aft­an fyri á tí aftaru motor­ súkkluni. Motorsúkklurnar vendu beinanvegin og steðgaðu unga manninum stutt seinni. Førarin av vøruvogninum steðgaði eisini, og tá sást, at bilarnir høvdu rakt hvønn annan. Í rættinum metti ákærin, at hendan koyringin var líka skilaleys, sum tá ein ung­ ur maður koyrdi kapp móti einum vinmanni í Havnar­ gøtum. Teir koyra eftir Havn­argøtu frá Farstøðini og móti Café Natúr. Komnir til Café Natúr fer tann fremri niðan um, eftir vanligu koyri­breytini niðan á Áar­ vegin, meðan tann aftari, velur at koyra móti ferðsluni og niðan gjøgnum smølu smoguna fyri mótgangandi ferðslu omaneftir. Verjin helt tó, at henda­n samanberingin var høpis­ leys og vísti milum annað á, at á Áarvegnum er stór­ur møguleiki fyri, at fótgang­ arar og onnur eru á vegnum, og at sýnið har er nógv verri enn á landsvegnum við Hval­ vík. Tí kundu støðurnar als ikki samanberast. Verjin metti, at tað í sjálvum sær ikki er fyri­ litarleyst at yvirhála júst har. Allar vegmerkingar vísa, at tað er lov. At tað mundi endað galið í hesum førinum eigur ikki at vera nokk til at døma 19 ára gamla mannin, helt verji hansara. Dómarin tók støðu sam­ an við verjanum í málinum. Niðurstøða hennara er, at hóast ein vandamikil støða stóðst júst hendan dagin, so var tað ikki vit­andi og við vilja, at ungi mað­urin setti lívið hjá motor­súkklu­ førarunum í váða. Hann varð tí fríkendur fyri brot á grein 252 í revsilógini. Hinvegin, so varð hann dømdur fyri brotini á ferðslu­lógina, tí ikki var til at koma uttan um, at hann hevði framt eina vandamikla yvirháling og hevði rakt gráa vøruvognin. Hann fekk tí 1.500 krónur í bót, umframt koyriforboð, sum er at líkna við treytaða frádøming av koyrikortinum. Stutt sagt merkir hetta, at hann sleppur ikki at koyra bil aftur, fyrr enn hann hevur tikið koyri- og ástøðisroyndirnar av nýggjum. DÓMUR 1.500 KRÓNUR Í BÓT FYRI SKILALEYSA YVIRHÁLING Tað mundi enda í vanlukku, tá 18 ára gamli unglingin yvirhálaði ein gráan vøruvogn við Hvalvík Mynd: TV2