týsdagur 31. januar 2017síða 4

Mikudagur 1. februar 2017 · Nr. 14 4 Áki Bertholdsen Nú verður tað skjótt ein farin tíð, at fólk skulu noyðast at standa í longum bíðirøðum fyri at sleppa við einum skipi hjá Strandferðsluni.   Strandferðslan hevur nevni­liga ment eina skipan, har tað ber til at keypa sær ferða­seðil á internetinum. Hetta er ein skipan, tey hava tosað um í langa tíð, men nú verður hon skjótt klár at seta í verk. Skipanin verður nú roynd innan­hýsis á Strandferðsluni og Hilmar Eliasen, stjóri, sig­ur, at gongst sum ætlað, verð­ur farið at seta hana í verk um tveir mánaðir. Tað er serliga við Teist­ an­um, at tað hevur verið ein trup­ulleiki, at bilar sleppa ikki við, tí skipið er fult. Tí verður hendan talgilda ferða­seðlaskip­anin sett í verk á Teist­anum fyrst, og Hilm­ar Elia­sen sigur, at gongst sum ætlað, verður tað nú í mars. Í hesum sambandi skal ein serlig breyt gerast aft­ur­ at á Gomlurætt til bilar, sum hava talgildan ferðaseðil. Tað arb­eiðið eru Strandferðslan og Landsverk farin í sam­ starv um at gera. Í Skopun er hinvegin nokk av plássi sum er. Ein orsøk til, at bíðað verð­ur til í mars, er, at tá er brodd­urin vónandi farin av vetrinum, tí tey halda, at tað er óheppið at fara und­ ir skipanina á hávetri, tá ið vandi er fyri fleiri av­lýs­ing­ um. Hann væntar, at hendan nýggja skipanin fer at hjálpa ein heilan hóp, tí nú átti fólk at sloppið frá at staðið á bryggj­uni til onga nyttu. Men hann minnir kortini á, at hetta loysir ikki allar trup­ul­leik­ar, tí Teistin verð­ ur enn hin sami, og hann verð­ur ikki størri fyri tað um ferða­seð­il­in kann bíleggjast á net­in­um. Eisini onnur skip Stjórin leggur afturat, at hó­ast skipanin fyrst verður sett í verk á Teistanum, er hon gjørd soleiðis, at vísir hon seg at rigga sum skal, er onki hóvasták í at seta hana í verk fyri Smyril, og onnur skip eisini. Stjórin á Strandferðsluni hev­ur eitt boð upp á, nær skip­anin kundi verðið sett í gildi á Smyrli, og øðrum skip­ um eisini, og tað er á nýggj­ ár­in­um. Hilmar Eliasen sigur, at tal­an er um ein rættiliga um­ fat­andi skipan, sum hevur nógv atlit at taka.  – Hevði talan bara verið um eina einfalda skipan, har tað bar til at keypa ferða­seð­ il, til eingin var eftir, hevði tað ikki havt nógv upp á seg. Men hendan skipan skal tvørt­ur­ímóti taka alskyns at­lit, eitt nú til vinnuligar bil­ar, farmabilar, ruskbilar, olju­bilar og aðrir bilar skulu eis­ini hava pláss, og hon skal leggja upp fyri, hvussu stórir bil­ar­nir eru. Fyri at nevna eitt dømi um, hvussu umfatandi ein slík skipan er, hevur stjórin áð­ur nevnt, at biladekkinum á Teistanum sleppur ein Citro­en Berlingo av tí gamla mod­ell­inum undir heingi­ dekk­ið, men tað nýggja mod­ ell­ið sleppur ikki undir, og øllum slíkum við­ur­skift­um skal skipanin leggja upp fyri. – Alt tað hevur gjørt skip­ an­ina rættiliga umfatandi at gera, sigur Hilmar Eliasen. Hinvegin leggur hann aft­ur­at, at hóast skipanin er fløkt at gera, verður hon av­ bera løtt og einføld at brúka. Kunnu skjótt keypa ferðaseðil á internetinum Strandferðslan er klár við eini skipan, har ferðafólk við Teistanum kunnu keypa ferðaseðil á internetinum Áki Bertholdsen Tað verður grikska ferjan, Galaxy, sum skal røkja suðuroyarsiglingina ímeðan Smyril er í dokk í vár. Strandferðslan hevur leitað leingi eftir einum hóskandi avloysaraskipið og nú um vikuskiftið hava umboð fyri Strandferðsluna og sjóvinnustýrið verðið í Grikkalandi og kanna skipið. Hilmar Eliasen, stjóri á Strandferðsluni, sigur, at skipið lýkur tey krøv, ið verða sett, so nú eru tey í ferð við at orða ein leigusáttmála, og annars at fáa øll tey formligu viðurskiftini í rættlag. Men hann dugir ikki at síggja nakað, sum skuldi beint fyri ætlanini. Smyril skal í dokk hálvan mars, og hann er burtur burtur í tríggjar vikur. Tað merkir, at hann verður aftur í sigling á páskum. Galaxy er gomul ferja, hon er bygd í Pólandi í 1979 og siglur undir Panamaflaggi. Men hon minnir nógv um Smyril í stødd. Hon tekur 900 ferðafólk og 280 bilar og hevur 120 koyggjur. Men hon siglur eitt vet seinni enn Smyril, tí hon siglur 16-17 míl, sigur Hilmar Eliasen Og av tí, at talan er um eitt skip, ið minnir um Smyril, verður siglt ímillum Krambatanga og Havnina, sum vanligt. Galaxy skal sigla fyri Smyril í tríggjar vikur Smyril fer í dokk hálvan mars og Strandferðslan og verður burtur í tríggjar vikur Sosialurin Hugskot og viðmerkingar – send sms til 225000 TÍÐINDI Tað verður grikska ferjan, Galaxy, sum skal sigla fyri Smyril, tá ið hann fer í dokk um slakar tveir mánaðir Tað verður ein himmalskur lætti hjá nógvum, at tað nú fer at bera til at keypa ferðaseðil til Teistan á internetinum