mánadagur 6. februar 2017síða 28

VIKA 6 • 6. FEBRUAR 2017 4 MIÐLAHÚSIÐ ÓKEYPIS LÝSINGARBLAÐ 20 ár í Sankta Frans Skúla Danjal av Rana Í síðstu viku var móttøka fyri Selmari Jacobsen, í samband við at hann nú fer frá fyri aldur sum skúlastjóri í Sankta Frans Skúla. Selmar Jacobsen hevur verið settur sum tænastumaður og tí fall hann fyri aldursmarkinum, tá hann við ársbyrjan fylti 67 ár. Selmar Jacobsen varð fødd­ur 3. januar 1950 á Morskranesi, kon­an er Jenny Lydersen, ættað av Kirkju. Selmar Jacobsen tók við starvinum sum skúlastjóri í Sankta Frans skúla í 1997, so í summar eru 20 ár liðin, síð­ani hann hevði sín fyrsta dag í skúlanum. – Eg meti, at yvir 800 børn eru farin gjøgnum skúlan, hesi 20 árini eg havi starvast her, sigur hann. Tað ganga okkurt um 20 børn í hvørjum flokki, so hvørt av hesum 20 árunum eru yvir 40 børn farin úr 7. flokki og tí úr skúlanum. Umframt hesi skulu teljast øll tey, sum eru givin á skúl­ anum áðrenn tey fóru í 7. flokk, og tey, sum í løtuni ganga í 1. til 6. flokk. Selmar Jacobsen hevur verið sera væl umtóktur sum skúlastjóri og lærarar á skúlanum siga, at børnini hava sæð hann sum ein góðan abba, sum gongur um á skúlanum. – Mínir næmingar søgdu, at teir gleddu seg, til hann kom aftur at taka onkrar vikartímar, segði ein lærari. Selmar Jacobsen tók læraraprógv á Føroya læraraskúla í 1980 og fór haðani í starv sum fyrstilærari í Viðar­eiðis skúla, har hann var líka úr 1980 til 1997. Tá tók hann við sum skúlastjóri í Sankta Frans Skúla. Borgarstjórin í Havn, Annika Ol­ sen, legði eisini leiðina framvið og bar skúlastjóranum eina heilsan. Hon harm­aðist um, at nú hon á fyrsta sinni vitjaði Sankta Frans skúla sum borgar­stjóri, skuldi møta Selmar í hurð­ini á veg út. Í eini stuttari røðu, segði hon, at skoðs­málið, sum skúlastjórin fær frá sínum starvsfeløgum, er eina­stand­ andi. Serliga leggja tey dent á, at hann hevur stórtrívist millum næmingarnar, at hann hevur verið sera sjónligur í skúlanum og hvør einasti næmingur á skúlanum kennir hann. – Tú ert tann góði lærarin, sum næm­ingarnir koma til og tað eru nógvir hundrað næmingar, sum sein­ astu 20 árini hava havt tann framí­ hjárætt at hava teg sum lærara og skúlastjóra, segði hon um Selmar Jacob­sen. – Tá tað er sagt, so siga tínir starvs­felagar eisini, at hóst tolin við børnunum, so ert tú so sera bráður av lyndi, tingini mugu ikki draga út, men skulu henda her og nú. Og tað kann hava sínar fyrimunir, bæði í samskifti við tínar starvsfelagaðar og ikki minst í samskifti við kommunala og al­menna myndugleikan, segði borgar­ stjórin millum annað. Annika Olsen takkaði vegna Tórs­ havnar kommunu fyri trúgva og góða tænastu og handaði gávu og heilsan. Ikki kann sigast annað, enn at Selmar Jacobsen nú letur eftir seg ein væl dámdan skúla. Heili 62 børn eru skrivaðu upp til at byrja í 1. flokki í Sankta Frans Skúla eftir summar­ feriuna. 43 onnur eru skrivaði upp til forskúlan. Aslaug Olsen er komin í hansara stað og hevur tikið við starvinum sum skúlastjóri í Sankta Frans. Hon er 52 ára gomul og tók læraraprógv í 2002. Harumframt hevur hon tikið Merkonom og Diplomútbúgving í leiðslu umframt ymisk skeið í leiðslu og námsfrøði. Aslaug Olsen hevur verið skúlaleiðari í Hvalvíkar Skúla í 12 ár, umframt at hava verið virkandi skúlastjóri í Stranda Skúla seinasta árið. Yvir 800 børn hava tikið í hondina á Selmari Jacobsen á teirra seinasta skúladegi í Sankta Frans skúla. Nú er hann farin frá, eftir næstan 20 ár sum skúlastjóri