mánadagur 6. februar 2017síða 44

VIKA 6 • 6. FEBRUAR 2017 20 MIÐLAHÚSIÐ ÓKEYPIS LÝSINGARBLAÐ Lesarar eru vælkomnir at senda okkum gamlar bilmyndir saman við stuttum teksti og upplýsingum til: maggi@sos.fo M yndin her er frá fyrst í 60- unum. Bilurin er ein Vauxhall Victor hjá Karl Jakobsen, van­ liga nevndur Radio Karl, stjóri í S. H. Jakobsens Radiohandli í Havn. Karl var eisini hálendskur konsul í Føroyum. Myndin er tikin heima hjá Radio Karl ovast í Niels Finsensgøtu. Drongurin á myndini er Tummas, son­ ur Karl. Á myndini sæst yvir á Sankta Frans Skúl, har fimleikarhøllin ikki er bygd. Hesir Vauxhall Victor vórðu fram­ leiddir av Vauxhall Motors í Onglandi frá 1961 til 1964. Her hjá okkum var tað P/F Vilhelm Nielsen & Søn sum seldi Vauxhall. Mynd: Jákup Berg BILASØGA Vauxhall Victor hjá Radio Karl Nær er hendan myndin av Havnini tikin? T að er altíð hugaligt at seta seg við gomlum myndum – fyri at tíðarfesta og hugleiða um tær broytingar, sum eru farnar fram. Hendin myndin er tikin fyri Matrikul­stovuna, og við fyrsta eygna­ kast sæst, at hon er tikin í seksti- ella sjeytiárunum. Hyggja vit nærri at myndini, so síggja vit, hon er frá fyrru helvt av sjeyti­árunum. Havnarútbyggingin á Eystaru Bryggju, tá økið fram við Skansaveg­ num varð sprongt burtur, fór fram síðst í sesktiárunum og fyrst í sjeytiárunum. Á Bursatanga liggur strandfara­ skipið Ritan, sum kom í til Føroya í 1971. Eystari í býnum er Eysturskúlin. Men har sæst einki til skúlan og heldur einki til, at arbeitt verður við at byggja skúlan. Fyrsta byggistig varð vist tikið í nýtslu í september í 1974. Skipasmiðan er ikki útbygd. Nýggi vognurin varð tikin í brúk um 1977. Tá var partur av Gamla Hospitali tikin burtur og Cellan – gamla sinnis­ sjúkrahúsið, ljósa húsið millum Skipa­ smiðjuna og Gamla Hospital á mynd­ini. Vit síggja eisini niðan í Hoydalar. Har sæst einki til nýggju búsetingina í Hoyvíkshaganum. Fyrsti partur av útstykkingini var Mannbrekka, sum er bygd umleið 1974. Annað tekin um tíðarfesting er Tjarnastova, sum stóð við táverandi enda á R. C. Effersøesgøtu, har sum handilin Hon og Hann er í dag. Hetta var íbúðarhús í trimum hæddum hjá Jógvani Haraldsen, sum brann í grund í september í 1972. Á myndini eru húsini tikin niður, so tí nærkast við 1973 við tíðarfestingini. Onnur tíðarfesting er býlingurin við smáttum – ella »hyttum«, sum havnardreingir kallaðu tær, ið Jóhannes Álvheygg lat smádreingir, sum gingu á dreingjamøti í KFUM, byggja. Minibýrurin, sum hann kall­ aðist, varð bygdur á Trapputrøðni í 1971 og eina tíð fram. SMS lat upp í 1977, og nakað frammanundan læt Apotekið upp í nýggju hølunum á Trapputrøðini. Okkara besta boð er, at myndin er tikin í 1973.