týsdagur 7. februar 2017síða 6

Mikudagur 8. februar 2017 · Nr. 17 6 Sosialurin Hugskot og viðmerkingar – send sms til 225000 Árni Gregersen Samgongan og Sambands­ flokk­urin eru í tøttum sam­ ráð­ingum um ein fiskivinnu­ nýskipan, men enn eru fleiri mál sum skilja partarnar. Spurningurin um upp­ boðssølu av fiskirætt­indum hevur alla tíðina fylt nógv, tá ið talan hevur verið um eina nýskipan, men alt bendir á, at landsstýrismaðurin við fiskivinnumálum hevur slak­að nakað í upprunaliga krav­inum um, at øll rættindi skulu seljast á uppboðssølu. Sambandsflokkurin hev­ ur alla tíðina verið so av­ gjørd­ur í hesum spurningi, at hann ikki hevði hildið fram við samráðingunum, var hetta framvegis eitt ultima­ tivt krav. At síggja til eru tað fýra punkt, sum samráðingarnar standa og fella við • Uppboðssøla av øllum rættindum • Fiskidagar ella kvotur • Umsetiligheit av loyvum • Longdin av rættindum Uppboðssølan hevur sum nevnt flutt seg nakað og í fleiri øðrum spurningum eru ósemjur, men tær eru ikki ógvus­ligari enn so, enn at tað fer at bera til at finna semj­ur. At øll veiða skal vera burð­ ar­dygg er semja um og um virðisøkingina av til­feing­in­ um er eisini semja um. Spurningurin um út­ lendsk­an kapital í vinnuni viðgera partarnir eisini, men fæst alt annað uppá pláss, so er onki av ivast í, at loysn eisini fæst á tí spurninginum. Spurningurin um fiski­ dagar ella kvotur er ein spurn­ingur, sum má loysast, skal ein semja gerast, Í uppskotinum hjá Sam­ bands­flokkinum um eina nýskipan verður arbeitt við kvotum heldur enn fiski­døg­ um. Í uppskotinum verður eisini sagt, at tá ið skip fáa rættindi at veiða eina kvotu, so er tað upp til skip og reiða­ rí sjálvi at avgera, hvussu kvotan verður fiskað. Tað eiga myndugleikarnir ikki at leggja seg útí, tí hetta er nakað, sum tey sum eru í vinnuni, eiga at meta um og vita hvat best loysir seg. Umsetiligheitin Ein annar knútur sum skal loysast, er hvussu tað skal bera til at keypa og selja kvot­ur og rættindi. Landsstýrismaðurin við fiskivinnu, Høgni Hoydal, hevur ferð eftir ferð sagt, at hetta eigur at fara fram um eina almenna sølu. Tað skal ikki bera til at selja rættindi, sum ein hevur fingið fyri onki við vinningi til onnur í vinnuni. Skulu kvoturnar seljast, so skulu tær fyrst latast inn til tað almenna, sum so bjóð­ ar tær út. Sambandsflokkurin hev­ ur eina heilt aðra fatan av um­setiligheitini. Flokkurin heldur, at kvoturnar frítt kunnu seljast sínamillum í vinnuni. Hetta skal kunna gerast, so vinnan kann tillaga seg og rationalisera sum best, heldur Sambandsflokkurin. Longdin av loyvum Fjórða punktið, sum Sam­ bands­flokkurin og sam­ gong­an mugu semjast um, er hvussu long rættindini skulu vera. Ymiskar longdir hava verið nevndar í kjakinum, men onki er at ivast í, at Sam­ bandsflokkurin vil hava, at fær tú rættindi at fiska, so skal tú hava hesi loyvini so leingi, sum til ber – helst 12 ár. Samgongan og Høgni Hoy­dal hava fleiri ferðir tosað um, at tíðarskeiðið tú hevur rættindini kann vera ymiskt – frá einum ári og kanska upp í sjey ár. Onki er at ivast í, at hetta er ein spurningur, sum fara at taka tíð at fáa semju um. Tíðin og politikkur Tíðin er farin at ganga undan til eitt uppskot skal vera liðugt at leggja fyri tingið. Tí vóru samráðingar fyrr í vikuni til seint út á kvøldið millum partarnar. Seinasta freist at leggja uppskot fyri tingið í hesi tingsetuni er 28.februar. Tá skal umsitingin hjá Løg­ting­ inum hava uppskotið í hendi. Sum nevnt hevur sam­ gongan samráðingar við ein andstøðuflokk. Fólka­flokk­ urin er ikki kallaður inn til samráðingar, men eftir hvat formaðurin sigur, so eru samráðingarnar millum flokkin og samgonguna ikki slitnaðar. Tað er tó helst ein veru­ leiki, at tað neyvan ber til at finna semju mill­um Fólkaflokkin og sam­gong­ una. Tað kann sjálvandi enda við, at ein semja finst mill­um Sambandsflokkin og sam­ gonguleiðararnar, men sjálvt um tað hendir, so er tað ikki vist, at tingmanningin hjá samgonguni uttan nakað fer at taka undir við einari slíkari semju. Í Javnaðarflokkinum eru fleiri tingfólk, sum als ikki eru heit fyri tí, sum ligg­ur á borðinum í løtuni. Tingfólkini halda, at Javn­ aðar­flokkurin letur seg draga ov nógv til at góðtaka ein leist hjá Tjóðveldi held­ ur enn at sjálvi at fáa javn­ aðarpolitikk inn í upp­skotið. Samráðingarnar halda fram, men ivasamt er tó um Sambandsflokkurin fer heilt til eina semju við sam­ gonguna – og um samgongu­ fólk so heilhjartað taka undir við einari slíkari semju. Sosialurin Hugskot og viðmerkingar – send sms til 225000 GREINING TØGN UM FISKIN MEN ENN ERU SAMRÁÐINGAR Samgonuleiðararnir samráðast framvegis við Sambandsflokkin um eitt uppskot til nýggja lóg um vinnuligan fiskiskap Høgni Hoydal veit, at hann hevur skund og at tíðin styttist til at hann skal koma í Løgtingið við einum uppskoti Sambandsflokkurin samráðist enn, men fýra knútapunkt eru eftir at finna semju um Vinnan bíðar eftir at fáa at vita, hvørjar reglur vera galdandi 1.januar næsta ár