mánadagur 13. februar 2017síða 28

VIKA 7 • 13. FEBRUAR 2017 4 MIÐLAHÚSIÐ ÓKEYPIS LÝSINGARBLAÐ Atlantic Airways, Visit Tórshavn og Visit Faroe Islands velja ársins ambassadør, ársins ambassadørátak Suni Selfoss er ársins ambassadørur H óskvøldið vórðu ársins am­ bassa­dørur og ársins am­ bassa­dør­ákak innan vinnu­ ferða­vinnu kosin. Súni Selfoss frá Starvsmannafelagnum varð heiðr­ aður sum ársins ambassadørur og ársins ambassadørátak gjørdust HM/ EM undankappingarnar hjá Hond­bólt­ sambandi Føroya, við Kristiani Johan­ sen og Gunn Ellefsen á odda. Eitt serligt heiðursbræv var latið Virgari Hvidbro, aðalskrivara hjá Fótbólts­ sam­bandi Føroya. Ambassadørnetverkið, sum bleiv stovnað 18. mars 2016, telist umleið 80 fólk, sum sita í altjóða nevndum og feløgum, og sum á beinleiðis ella óbeinleiðis hátt hava møguleikan at fáa fundir og ráðstevnur til Føroyar. Vinnuferðavinnan í Føroyum verður roknað sum ein sera burðardyggur partur av ferðavinnuni. Hesin bólkurin av ferðandi leggur umleið tríggjar ferðir so nógvan pening eftir seg um dagin í mun til frítíðarferðafólk, eins og at tey vitja aðrar tíðir av árinum enn vanlig ferðafólk. Dagurin hósdagin, sum Visit Faroe Islands skipaði fyri, byrjaði við einum fyrilestri í Smæruni, ið skotin Scott Taylor stóð fyri. Scott Taylor er fyrrverandi stjóri í Glasgow City Council og verður mettur at hava havt ein sera stóran leiklut í, at Glasgow í løtuni verður roknað sum ein av týdningarmiklastu býunum innan ráðstevnur og fundir í Stóra Bretlandi. Um kvøldið varð ein veitsla hildin á Panorama á Hotel Hafnia, har ársins ambassadørur og ársins am­ bassadørátak vórðu kosin fyri fyrstu ferð, umframt at eitt serligt heiðurs­ bræv bleiv handað. Tað eru umboð frá teimum størstu partnararunum innan vinnuferðavinnu í Føroyum, Atlantic Airways, Visit Tórs­havn og Visit Faroe Islands, ið velja ársins ambassadør, ársins ambassa­dør­átak og sum valdu at lata serliga heiðurs­brævið í ár. Ársins Ambassadørátak 2016 – Kristian Johansen og Gunn Ellefsen úr Hondbóltssambandi Føroya Grundgeving frá dómsnevndini: »Hondbóltssambandið hevur framt eitt bragd í 2016 og januar 2017 við at fáa undankappingar, bæði í EM og HM, til Føroya. Tey vóru heppin við luta­kasti, men sanniliga eisini dugna­lig við samráðingum at fáa ávikavist EM- undankappingin hjá monn­um, U21 HM-undankapping hjá monnum og HM-undankapping hjá kvinnum til Føroya. Við hesum kapp­ingum, eydnaðist tað teimum at fáa tilsamans umleið 210 vitjandi til Føroya, úr londum sum Makedonia, Íslandi, Eysturríki, Finnlandi, Sveis, Ísrael, Grikkalandi, Ungarn, Lettlandi, Noregi, Belgia, Póllandi og Kýpros. At savna so nógv fólk í lágárstíð er júst í tráð við aðalmálið at økja um ferðafólkatalið í lágárstíð, ið er í sera stóran mun við til at gera føroysku ferðavinnuna meira fíggjarliga burðar­ dygga.« Ársins Ambassadør 2016 – Súni Selfoss frá Starvsmannafelagnum Grundgeving frá dómsnevndini: »Súni Selfoss hevur verið ein sera virkin ambassadørur í 2016. Hann hevur skipað fyri tveimum størri ráð­ stevnum og einum altjóða fundi. Við sínum frámúr “alt-ber-til” hugburði og síni sera stóru sjónligheit í altjóða fakfelagsrørsluni, var tað nærmast ein sjálvfylgja, at stórir bólkar úr londum rundan um okkum komu á gátt hjá honum og Starvsmannafelagnum. Eis­ini hevur Súni staðið á odda fyri stásiliga fundarhølinum Smæruni, har millum annað tolkaútgerðin er so góð, at tolkar sjálvir eru farnir at markn­ aðarføra Føroyar sum eitt frá­líkt stað at halda fundir. 187 norðurlendskar gestir hevur Súni megn­að at fingið til Føroya, sum koma ymsa­staðni úr fakfelagsrørsluni.« Serligt heiðursbræv – Virgar Hvidbro úr Fótbóltssambandi Føroya Grundgeving frá dómsnevndini: »Fótbóltssamband Føroya hevur í eitt langt áramál havt ein sera stór­ an leiklut í arbeiðinum at seta Før­ oyar á heimskortið á jaligan hátt. Við hørðum arbeiði, dugnaskapi og áræði hevur Fótbóltssamband Føroya fyriskipað nógv tiltøk, sum hava fingið fleiri tíggjutúsund fólk til Føroyar úr ymiskum londum kring heimin, bæði í hág- og lágárstíð. Hetta hevur havt alstóran týdning fyri ferðavinnuna í Føroyum.« Súni Serlfoss, formaður í Starvsmannafelagnum, varð kosin Ársins Ambassadørur í 2016 Myndafólk: Bárður Eklund / Visit Faroe Islands Virgar Hvidbro fekk serlig heiðursbræv vegna Fótbóltssambandið Myndafólk: Bárður Eklund / Visit Faroe Islands Hondbóltssambandið fekk Ársins Ambassadørátak. Á myndini Ári Rouch og Kristian Johansen frá Hondbóltssambandinum Myndafólk: Bárður Eklund / Visit Faroe Islands