hósdagur 23. februar 2017síða 26

FRÍGGJADAGUR 24. FEBRUAR 2017 SOSIALURIN 24 26 PROKLAMA Øll, sum hava krøv í búnum eftir Jóhanna Bernina Ragnhild Hansen, Neystavegur 8, 435 Streymnes, fødd tann 10.07.1927, deyð tann 06.02.2017, og fyrr deyða hjúnarfelaga Poul Adrian Hansen, verða við hesum biðin um innan 3 mánaðar frá kunngerð av hesi lýsing at boða frá og skjalprógva krøv síni fyri undirritaða skiftirætti. Tikið er ikki við skuld. Krøv skulu gerast upp pr. deyðsdagin, og sendast til advokat Fríða Patursson, Advokatskrivstovan, Frúutrøð 4, 100 Tórshavn, vísandi til sks.nr. 53/2017, saman við frumriti av teimum skjølum, sum krøvini eru grundað á. FØROYA SKIFTIRÆTTUR, tann 20. februar 2017 PROKLAMA Øll, sum hava krøv í búnum eftir Johan á Hálvmørk, Toftavegur 17, 650 Toftir, føddur tann 25.08.1945, deyður tann 04.02.2017, verða við hesum biðin um innan 3 mánaðar frá kunngerð av hesi lýsing at boða frá og skjalprógva krøv síni fyri undirritaða skiftirætti. Tikið er ikki við skuld. Krøv skulu gerast upp pr. deyðsdagin, og sendast til advokat Petur Even Djurhuus, Advokatfelagið, Yviri við Strond 4, 100 Tórshavn, vísandi til sks.nr. 49/2017, saman við frumriti av teimum skjølum, sum krøvini eru grundað á. FØROYA SKIFTIRÆTTUR, tann 15. februar 2017 PROKLAMA Øll, sum hava krøv í búnum eftir Solveig Oluffa Hansen, Áargarður 2, 520 Leirvík, fødd tann 9. december 1925, deyð tann 3. november 2016, og fyrr deyða hjúnarfelaga Jacob Adrian Hansen, verða við hesum biðin um innan 3 mánaðar frá kunngerð av hesi lýsing at boða frá og skjalprógva krøv síni fyri undirritaða skiftirætti. Tikið er ikki við skuld. Krøv skulu gerast upp pr. deyðsdagin, og sendast til advokat Petur Even Djurhuus, Yviri við Strond 4, 100 Tórshavn, vísandi til sks. nr. 337/2016, saman við frumriti av teimum skjølum, sum krøvini eru grundað á. FØROYA SKIFTIRÆTTUR, tann 21. februar 2017 NØVN Tíðliga mánamorgunin 20. febru­ar dró Julius Olsen sín síðsta anda­ drátt, og í gjár varð hann borin til sítt seinasta hvíldarstað her á fold – uttanfyri Heygarnar. Hann var føddur fjórða september í 1936 og hevði harvið rokkið kempualdur, nú hann stillisliga legði árarnar inn. Vøggan stóð mitt á Toftum, og Julius var toftamaður og B68ari um ein háls. Foreldrini vóru Nanna, sum var oman av Regni, og Wenzel Olsen, nevndur Wenzel í Køkinum. Tey fingu átta børn – Julia, Nicolina, Julius, John, Emma, Jastrid, Vernar og Rúna. Jastrid búsettist á Strondum og øll hini á Toftum. Eftir á lívi eru Nicolina, Emma, Vernar og Rúna. Julius búði heima, inntil hann fyri nøkrum árum síðani fór á Sambýlið Vesturskin, og nú hann andaðist hevði hann í eina tíð búð inni á Ellisheiminum. Hann var serstakur partur av bygdarmyndini, bæði í arbeiði og frítíðini, og eisini eftir at hann seinnapartin av áttati árunum gavst at arbeiða. Í nógv ár arbeiddi hann hjá D. P. Højgaard inni í Oyrum, har tað bæði var turkihús og handil. Har var alt møguligt at fáa, og tey flestu høvdu ørindi í Oyrum. Eftir tátíðar máti minti handilin um SMS, har alt fekst til klædna og matna og útgerð og amboð. Har bar til at keypa olju og kolið, sum tey flestu brúktu at fýra við, og har tóku teir ímóti og hagreiddu teir fisk. Julius arbeiddi í kolinum, har hansara leiklutur var at viga kolið, sum skuldi í sekkir. Hann bar heilt nógvar kolsekkir. Í fiskaarbeiðnum var tað luturin hjá Juliusi við trillubøru at trilla fiskin til turkaríið og frá aftur. Hann fekst við so mangt, og serliga væl dámdi honum at trilla. Tá ið ferjulegan á Toftagjógv varð gjørd fyrrapartin av sjeyti árunum, var Julius við í arbeiðnum. Tá var hansara lutur at trilla tungu trillubørurnar (kerrurnar), tá ið teir stoyptu. Í fleiri ár var Julius á Nyki. Hann stóð við skrædlaran, tók frá, trillaði bakkar inn til konufólkini, sum reinskóru, og so var hann eisini í saltfiskinum. Julius var trúgvur í bæði kirkj­ uni og missiónshúsinum. Á Svangaskarði dámdi honum so sera væl. Dystardagar møtti hann tíðliga upp, og hann tók sína uppgávu í stórum álvara. Hon var at syrgja fyri, at hornafløggini vórðu sett upp, og at tey eftir dystar­lok vórðu fingin upp á pláss aftur. Undir dystinum var hann øgiliga spentur. Hann koyrdi á sínar menn fyri at fáa teir at vinna. Tað var ikki altíð, at hann var samdur við dómaran, og um hann ikki var samdur við hann, so royndi hann at rætta upp á hann. Tá ið grasvøllurin var lagdur á fyrst í níti árunum, var Julius nógv uppií, og eisini tá tók hann sína uppgávu í stórum álvara. Upp­ gávan var at trumla grasfløgini, tá ið tey vóru løgd á, og vit minnast við gleði aftur á, hvussu spentur hann var at trumla, eftir at síðsta flagið varð lagt á. Julius var sera hittinorðaður, og millum toftafólk verður ofta tikið til tað, sum Julius hevur sagt. Eitt nú er tað tiltikið, tá ið Wales spældi á Svangaskarði. Millum spæl­ar­ arnar var Manchester United stjørnan Ryan Giggs. Hann spurdi Julius, um hann var the busdriver, og Julius var skjótur at svara, at tú tvætlar títt tvætl! Fyrst í september 2006 var 70 ára føðingardagur á Svangaskarði. Tey vóru mong, sum nýttu høvi at heilsa upp á Julius. Lagið var gott, og Julius var fegin um øll tey, sum vóru í føðingardegi. Men – bráður sum hann var – glapp tað honum av munni, tá ið hann helt, at nú var tíð at fara til hús, at eitt var at koma í føðingardag og eitt annað var at fara avstað aftur! Øll vóru góð við Julius, og Julius var góður við øll. Tá ið fyri­myndar­ ligu foreldrini ikki orkaðu meir, hildu systkini fram við at vera um hann. Tað vóru tey eisini, nú hann ikki orkaði meir og flutti í teir ævigu bústaðir. Hvíl í friði, okkara kæri bygdar­ maður og vinur. Niclas Ein trúgvar B68 stuðul er farin 85 ára føðingardagur Leygardagin 25. februar verður Valdis Andreasen 85 ár. Dagur verður hildin í Irish Pub sama dag frá kl. 10.00 – 15.00, øll eru hjartaliga vælkomin. 90 ára føðingardagur 8. mars verður Ida Nielsen 90 ár. Dagurin verður hildin 11. mars í Starvsmannafelagshúsinum kl. 18.00. Tey, ið vilja gleðast saman við mær, verða biðin at siga frá áðrenn 1. mars á tlf. 283406. 70 ára føðingardagur 23. februar fyllir Regin Høgnesen, trúðboðari, Leirvík, 70 ár. Dagurin verður hildin í missiónshúsinum í Leirvík leygardagin 25 februar frá kl 13-17. Øll eru hjartaliga vælkomin. Føðingardagur Fríggjadagin 10. mars held­ur Halla Poulsen 40 ára føðingar­ dag í Lonini í Fuglafirði frá kl. 18.00. Hjartaliga vælkomin. Silvurbrúdleyp 28. mars hava vit verið gift í 25 ár. Vit hátíðarhalda dagin í bygdarhúsinum í Leirvík 8. apríl kl 18. Tað hevði glett okkum at sæð ætt vinir og kenningar. Vinaliga sigið okkum frá í seinasta lagi 31. mars við at senda eini sms boð ella við at ringja á telefonnr. 273329 Tórhild Bjarkhamar 787329 Rúni Bjarkhamar