mánadagur 27. februar 2017síða 40

VIKA 9 • 27. FEBRUAR 2017 ÓKEYPIS LÝSINGARBLAÐ Suðuroy 16 TEMA Satsa miðvíst uppá trivnað í Vági – Vit eru greið yvir, at vit onkursvegna mugu skilja okkum burturúr, tí vit hava ikki somu møguleikar, sum eitt nú kommunur í miðstaðarøkjunum, sigur Dennis Holm, borgarstjóri í Vágs kommunu Vilmund Jacobsen S einastu fýra árini hevur Vágs kommuna miðvíst arbeitt við at skapa so góðar trivnaðar­um­ støðurnar sum tilber fyri allar aldurs­ bólkar. – Hetta er eitt arbeiðið, sum er fram­haldandi, og í veruleikanum kem­ ur tú ongantíð á mál í at skapa betri trivnað. Tað er altíð okkurt, sum kann gerast betur, og haraftrat tørvurin hjá teimum ymisku bólkunum í nærum­ hvørvinum við tíðini. Tað sigur Dennis Holm, borgarstóri í Vágs kommunu. – Vit hava lagt okkum eftir at hava góð tilboð til allar aldursbólkar. Vit hava nýggjan barnagarð og hava eisini fyri fáum árum síðan stovn­að ungdómshús. Saman við fólka­skúl­ an­um royna vit at tryggja, at okkara børn og ungu fáa so góð skúlaár sum tilber. Við Ítróttaháskúlanum og Fjar­ lestrardeplinum eru eisini nýggj skúla­ tilboð til tey, sum eru liðug við fólka­ skúlan. Borgarstjórin vísir á, at á frítíðar-og ítróttarøkinum eru eldsálir, sum gera eitt fantastisk arbeiðið og uttan hesar eldsálir og tey tilboð, sum tey skapa, var Vágs kommuna fátækari. – Vit eru eisini greið yvir, at tað for­pliktar, tá fólk gera eitt so stórt arbeiðið, og kommunan er sjálvsagt ein sera virkin viðspælari, bæði í at skapa góðar karmar og stuðla fíggjarliga. Vágs kommuna hevur eisini lagt seg eftir at skapa góð tilboð til eldra ættarliðið, og tað eru tey eldru eisini glað fyri. – Vit fara at koma við fleiri tilboðum á hesum økinum komandi tíðina, sigur Dennis Holm. Á rættari leið Gongdin í Vági seinastu árini hevur verið spakuliga rætta vegin. Fólkatalið er støðugt vaksið seinastu árini, og í dag búgva 1.365 fólk í Vági. Soleiðis eru eini 70 fólk fleiri í Vági í dag enn fyri 3-4 árum síðan. – Vit eru tó varug við, at tað eru nógvar avbjóðingar, serliga viðvíkjandi vantandi virksemi á og við bryggjuna í Vági. Hóast kommunan roynir at vera ein virkin viðspælari hjá vinnulívinum, so kann kommunan ikki beinleiðis verða partur av vinnuvirksemi. Vit hava styrkt munandi um íverksetaraskipaninar í Vágs kommunu, soleiðis at fólk, sum fara undir nýggjar fyritøkur og nýtt virksemi, fáa bæði ígongdsetarastuðul, atgongd til ókeypis skrivstovu og eisini leiðbeining frá fakfólki. Tað er okkara vón, at hetta eisini skundar undir økt vinnuligt virksemi á staðnum. Dennis Holm sigur, at arbeitt verður støðugt við at menna Vág og Vágs kommunu í ferðavinnuhøpi, og eingin ivi er um, at sera stórir møguleikar eru í ferða- og upplivingarvinnuni. – Í Vági royna vit eisini at ganga nýggj­ar leiðir. Vit hava skapt eina røð av nýggjum tilboðum, eitt nú Fjar­lest­ rar­depil, Ítróttaháskúla og Páls Høll - fyri at nevna nøkur. Framtíðin er avbjóðandi Vinnuliga roynir Vágs kommuna eisini at skunda undir og flyta seg. – Vit eru greið yvir, at vit onkurs­ vegna mugu skilja okkum burturúr, tí vit hava ikki somu møguleikar, sum eitt nú kommunur í miðstaðarøkjunum. Hóast tað er avbjóðandi at ganga nýggjar leiðir, so er tað neyðugt, tí grundarlagið og veruleikin, sum vit einaferð bygdu okkara lokalsamfelag á, er broyttur. Hesa avbjóðing mugu vit taka í størsta álvara og spakuliga ganga nýggjar leiðir, soleiðis at vit fáa eitt breiðari grundarlag, sum okkara lokalsamfelag kann mennast á, sigur Dennis Holm, borgarstjóri. Dennis Holm, borgarstjóri í Vágs kommunu Mynd: Vilmund Jacobsen Porkeri fær skipað bingjupláss – Hetta er harðliga tiltrongt, tí vit hava ongantíð havt eitt veruligt bingjupláss undir skipaðum viðurskiftum, sigur Mikkjal Sørensen, borgarstjóri í Porkeris kommunu Vilmund Jacobsen M ikkjal Sørensen, borgarstjóri í Porkeris kommunu, sigur, at fólkatalið í bygdini hin 1. januar í ár lá um sløk 300, og tað merkir, at fólkatalið er minkað nakað sein­asta árið. Men, í árinum fyri var ein lítil vøkstur. – So, tað gongur eitt sindur aftur og fram, men tendensurin er, at fólkatalið, sum árini ganga, tíverri er minkandi. Porkeri hevur bæði skúla við umleið 27 skúlabørnum, og kommunan hevur eisini eina góða dagrøktarskipan við umleið 25 børnum og 5-6 dagrøktar­ mammum. Byggja bingjupláss Tað stóra arbeiðið, sum Porkeris komm­una fer at gera í ár, er eitt veru­ ligt bingjupláss, sum verður bygt niðri á havnalagnum. Hetta arbeiðið, sum er í gongd, fer at kosta kommununi eina góða miljón. – Hetta er harðliga tiltrongt, tí vit hava ongantíð havt nakað veru­ligt bingjupláss undir skipaðum viður­skift­ um. Vit hava havt eitt opið pláss niðri á bryggjuni, men hevur hevur hvørki verið hegn ella nøkur gyrðing um økið. Mikkjal Sørensen sigur, at kommun­ an hevur fingið áminningar frá IRF um at skipa økið betri, og nú verður tað so gjørt. – Hetta er ein íløga, sum vit mugu bera sjálvi. Men, vit duga at síggja, at eitt veruligt bingjupláss undir skip­ aðum viðurskiftum eisini fer at hava nógvar fyrimunir við sær. Liðugt í apríl Borgarstjórin vísir á, at fólk, sum eru komin við ymiskum, sum skal koyr­ ast burtur, bara hava sett tingini á bryggjuna, og tað í sær sjálvum er ein vánalig loysn. – Tá bingjuplássið verður liðugt, verður tað opið ávísar dagar og tímar í vikuni, og her kemur fólk at syrgja fyri, at alt verður væl lagt til rættis. Mikkjal Sørensen sigur, at tey eisini fara at gera eina reglugerð fyri økið. – Nýggja bingjuplássið skal verða liðugt í apríl, og vit gleða okkum til, at hesi viðurskifti verða skipaði niðri á bryggjuni, sigur borgarstjórin í Porkeris komm­unu. Her sæst oman yvir havnalagið, har bingjupláss nú verður gjørt Mynd: Vilmund Jacobsen Mikkjal Sørensen, borgarstjóri í Porkeris kommunu Mynd: Vilmund Jacobsen