mánadagur 27. februar 2017síða 44

VIKA 9 • 27. FEBRUAR 2017 ÓKEYPIS LÝSINGARBLAÐ Suðuroy 20 TEMA Appnet veitir tænastur um alt landið – Vit gera heimasíðuna og hava hana liggjandi á okkara servarum, og vit eru samstundis røktarar av síðuni. Kundin kann nú sjálv/-ur sita á síni skrivstovu og leggja tekst, myndir og video út. Hetta er ein serføroysk og trygg loysn, sigur stjórin í Appnet, Robert Thomsen Vilmund Jacobsen V ikublaðið hevur verið inni á gólvinum hjá teldufyritøkuni appnet.fo, sum heldur til í Suðuroy. Fyritøkan, sum varð stovnað í 2002, hevur síðan byrjan arbeitt við forriting og heimasíðuloysnum. – Vit eru eitt virki innan KT-vinn­ una, sum framleiðir heimasíður, forrit og appir. Okkara fólk hava høgar út­ búgvingar og nógvar royndir innan økið, og vit fylgja væl við í menningini á KT-økinum. Tí eru vit eisini før fyri at bjóða okkara kundum eina holla og góða tænastu fyri ein sera kapp­ingar­ føran prís. Tað sigur stjórin í Appnet, Robert Thomsen. Í fyritøkuni eru trý fastlønt ársverk, umframt at fríyrkisfólk eru knýtt at ymiskum verkætlanum hjá fyritøkuni. – Vit leggja stóran dent á, at starvs­fólkahópurin er rætt saman­ settur, tí vit virka á fleiri pallum. Vit hava fólk til gerð av heimasíðum, snið­ geving, datafólk, sølufólk og ráðgevar. Umframt okkum trý í føstum starvi, eru eini seks fólk tilsamans knýtt at felagnum, sigur hann. Nógvir møguleikar Robert Thomsen vísir á, at út­gangs­ støðið hjá Appnet er, at áhugaðir kund­ar seta seg i samband við App­ net, og so fara fólk hjá fyritøkuni út at ráðgeva um ynskini. – Kundarnir hava nógv ymisk ynski, og tí er tað sera umráðandi, at okkara fólk hava røttu útbúgvingar og førleikar. Ynskir kundin, at vit skulu taka myndir, gera vit eisini tað. Stjórin sigur, at heimasíðu­loysn­ir­ nar hjá Appnet eru føroyskar, og tær eru skræddaraseymaðar til hvønn einstakan brúkara. Stórur dent­ur verð­ur lagur á, at tær eisini kunnu vitj­ ast við mobil eindum, eitt nú mobil­ tele­fonum og teldlum. – Vit gera heimasíðuna og hava hana liggjandi á okkara servarum, og vit eru samstundis røktarar av síðuni. Kundin kann nú sjálv/-ur sita á síni skrivstovu og leggja tekst, myndir og video út. Hetta er ein serføroysk og trygg loysn. Robert Thomsen sigur, at fólk eru vælkomin at hyggja inn á teirra heima­síðu - www.appnet.fo - og síggja, hvussu fyritøkan arbeiðir. Rætta brek umvegis netið Appnet loysir eisini aðrar uppgávur enn heimasíður, forrit og appir. – Vit hava eisini aðrar tænastur, sum vit kunna um á okkara heimasíðu. Vit hjálpa kundum at rætta brek á telduni, seta upp nýggjar teldur, og gera alt, sum ein fyritøka kann hava brúk fyri innan netverkið. Stjórin vísir á, at Appnet javnan er úti hjá fyritøkum í Suðuroy, har fólk hava ymiskar teldutrupulleikar ella ynskja ymiskar dagføringar. – Vit hava eisini ta skipan, at vit saktans kunnu rætta ein teldu­trupul­ leika í Klaksvík ella aðrastaðni, meðan vit sita í Suðuroy. Hetta gera vit um­ vegis internetið. Tað eru fleiri, sum hava eina slíka tænastu hjá okkum, og ein slík tænasta er sjálvsagt nógv bíligari at brúka okkum - júst tá trupul­ leikin uppstendur - enn at hava egið teldu­fólk í fyritøkuni alt árið, sigur Robert Thomsen hjá Appnet í Suður­oy. – Útgangsstøðið hjá Appnet er, at áhugaðir kundar seta seg i samband við okkum, og so fara fólk hjá okkum út at ráðgeva um ynskini, sigur Robert Thomsen, stjóri Sumbiar kommuna setir fokus á trivnaðin - Vit fara at byggja spælipláss í Sumba og Lopra, og vit fara at dagføra felagshúsið, sum vit hava keypt í Sumba, sigur borgarstjórin, Eyðbjørn Thomsen Vilmund Jacobsen Í ár fer Sumbiar kommuna serliga at fremja nakrar verkætlanir, sum hava við trivnaðin í kommununi at gera. – Í kommununi hava vit gott vatn úr Sumbiartunlinum, og vit eru lidnir við kloakkirnar. Haraftrat eru vegirnir í kommununi rímiliga góðir. Borgarstjórin í Sumbiar kommunu, Eyðbjørn Thomsen, sigur, at tey í hesum árinum fara at gera tvey spæli­pláss. – Annað spæliplássið verður gjørt í Sumba og hitt í Lopra. Bæði eru í gongd, og planeringar eru partvís gjørdar. Ætlanin er, at spæliplássið í Lopra eisini verður flættað við eitt fríøki í bygdini. Eyðbjørn Thomsen vísir á, at hetta eru tvær rímiliga stórar verkætlanir, tí bæði spæliplássini skulu gerast frá grundini av. – Vit gleða okkum til, at hesar verkætlanir eru lidnar, tí vit meta tað hava stóran týdning fyri trivnaðin, at børnini í bygdunum í kommununi kunnu spæla og hugna sær saman. Felagshús í Sumba Sumbiar kommuna hevur júst fingið øll viðurskifti við keypinum av felags­ húsinum hjá Arbeiðsmannafelagnum Beinisvørð upp á pláss. – Vit hava keypt húsið, sum nú skal gerast tipp topp í stand. Køkur, wc’ir og garderopa skulu flytast upp á, og alt skal setast í besta stand. Eyðbjørn Thomsen vísir á, at lítið er gjørt við húsið í nógv ár, og her eru bara neyðugar ábøtur framdar. – Tá vit eru liðug at byggja upp í húsið og byggja um innan, verður hetta ein frálíkur savningarstaður í kommununi. Hann vísir á, at húsið gjøgnum mong ár hevur verið brúkt sum savn­ ingar­staður, og hann heldur, at tað er so sjálvsagt, at tað er kommunan, sum tekur sær av hesum. – Í Lopra er eisini eitt hús, sum bygdafelagið í bygdini eigur. Her er nógv sjálvboðið arbeiðið gjørt, og vit hava eisini sum kommuna hjálpt til og stuðlað undir, soleiðis at hetta húsið er í besta standi, sigur Eyðbjørn Thomsen, borgarstjóri í Sumbiar kommunu. – Í ár fara vit serliga at leggja okkum eftir trivnaðinum í kommununi, sigur borgarstjórin í Sumbiar kommunu, Eyðbjørn Thomsen Mynd: Vilmund Jacobsen