mánadagur 27. februar 2017síða 50

VIKA 9 • 27. FEBRUAR 2017 ÓKEYPIS LÝSINGARBLAÐ Suðuroy 26 TEMA Fámjin er á gravarbakkanum – Tað, sum ræður um, er at fáa gongd á eina tunnilsbygging, soleiðis at fólkið í Fámjin hevur nakað at síggja fram til, sigur borgarstjórin, Jóanis Lisberg Vilmund Jacobsen J óanis Lisberg er nýggjur borgar­ stjóri í Fámjins kommunu. Hann er sumbingur, giftur til Fámjins. Annar abbi hansara, Karl í Smiðjuni róptur, var úr Fámjin, og tí eigur borgarstjórin nógvar góðar løtur í Fámjin sum smá­ drongur. Tá abbi hansara flutti úr Fámjin til Sumbiar, varð hann í Sumba róptur Karl á Fløttinum. – Eg havi arbeitt í alingini hjá Bakka­ frost í Trongisvági í stívliga fimm ár og eins og onnur, sum búgva í Fámjin og arbeiða aðrastaðni, veit eg, hvat tað er at koyra um Øraskarð á vetrardegi. Jóanis Lisberg dylur ikki fyri, at ein tunnil millum Øravík og Fámjin er eitt av hansara hjartamálum, og hann ætlar ikki at helma í, fyrr enn hesin tunnil antin er komin ella er rættiliga í eygsjón. – Fámjin er ein perla og eitt paradís um summarið og í betru tíðini av árinum, men myndugleikarnir skulu ikki gloyma, at her býr eisini fólk um veturin, sum hava sama rætt sum onn­ ur til eina trygga farleið. Borgarstjórin heldur, at kanska hava fólk í Fámjin ikki rópt nóg hart hesi árini, tá samferðslan er vorðin útbygd. Hava rullað grót – Í staðin fyri tigandi at hava rullað grót, sum ríður oman á vegin, í eini 30 ár, skuldu vit kanska heldur havt ringt eftir tíðindamiðlunum, so størri fokus hevði verið á teimum umstøðum, sum fólkið í bygdini livir undir, tá stormur og hálka gera um seg. Jóanis Lisberg er onga løtu í iva um, at fær Fámjin ikki tunnil innan heilt fá ár, doyr bygdin út. – Vit eru stívliga 80 fólk í bygdini, og tað er ikki at taka munnin ov fullan at siga, at bygdin rættiliga er komin á gravarbakkan. Borgarstjórin sigur, at hann hevur snakkað við nógvar politikarar um um­ støðurnar, og hann ætlar ikki at helma í, fyrr enn myndugleikarnir skilja álv­ aran. ​– Tað gongur slett ikki, at ein tunnil til Fámjins verður lagdur í nakran karm, har vit koma at liggja aftarlaga í einari ella aðrari røð. Tað hava vit slett ikki stundir til, um fólkið ikki skal flyta burt­ur. Jóanis Lisberg sigur, at tað, sum ræður um, er at fáa gongd á eina tunn­ ilsbygging, soleiðis at fólkið í Fámjin hevur nakað at síggja fram til. Hann sigur, at honum dámar væl tankan, sum eitt nú Henrik Old, lands­ stýrismaður í samferðslumálum hevur verið inni á, at Landsverk aftur fær út­ gerð og eitt borilið, sum kann taka sær av at bora tunlar, sum teir gjørdu áður. – Eg haldi, at hetta er ein góður tanki. Bart út sagt eru tey fólk, sum enn búgva í Fámjin, í dýrastu neyð, og tað er bara politiski myndugleikin, sum kann taka eina hond í. Var í bussinum Sjálvur var Jóanis Lisberg í skúla­ bussinum, sum í fyrra helmingi av áttati­árunum í vindi og hálku fór út av Sumbiar­vegnum og bóltaði fleiri ferðir runt oman gjøgnum lendið. – Bæði beiggi mín og eg vóru í bussinum, og vit vóru 17 fólk tilsam­ ans, um eg minnist rætt. Tað var bara eitt guds undur, at eingin fekk álvars­ ligan skaða. Borgarstjórin og kona hansara eiga trý børn, sum ganga í skúla í Tvør­oyrar kommunu, og tá teir ringu vetrardagarnir eru, er veruligur ótti á foreldrunum, sum noyðast at lata børnini av bygdini. – Í ringasta føri kann tað henda, at vit missa øll okkara børn í einari van­ lukku, tí farleiðin um Øraskarð í vindi og hálku er alt annað enn nútíðar­hósk­ andi. Vit vilja ikki longur spæla við lívið hjá okkara borgarum, og hetta noyðast myndugleikarnir at taka til eftirtektar, leggur Jóanis Lisberg dent á. Eldraøkið er tungt Eitt, sum rættiliga tyngir Fámjins kommunu fíggjarliga, er eldraøkið. – Her eru útlitini rættiliga døpur. Á kommunuvalinum seinast høvdu 74 fólk valrætt. Av hesum vóru umleið 30 prosent 67 ár og eldri. Tað merkir, at nógvir pensjónistar eru í kommununi. Hinvegin er lítil og eingin afturbering frá útisiglarum. Jóanis Lisberg vísir á, at hevði aftur­ beringin fyri eldraøkið samsvarað við talinum av pensjónistum, hevði betri staðið til hjá kommununi. – Men, soleiðis sum afturberingin er skipað nú, koma vit at gjalda nakrar hundrað túsund krónur meira til eldraøkið um árið, enn vit fáa úr landskassanum sum gjald fyri økið, og tað kann ikki vera rætt. Her mugu myndugleikarnir hjálpa okkum til eina betri og rættvísari skipan, sigur borgarstjórin í Fámjins kommunu. – Vit vilja ikki longur spæla við lívið hjá okkara borgarum, og hetta noyðast myndugleikarnir at taka til eftirtektar, sigur Jóanis Lisberg, borgarstjóri í Fámjins kommunu Mynd: Vilmund Jacobsen Bíligt at gista á Hotel Bakkanum Tvey kunnu gista á Hotel Bakkanum í Vági í tveymanskamari við vc og bað og fáa morgunmat fyri einans 800 krónur um náttina Vilmund Jacobsen T að er stívliga eitt ár síðan, at Finn Olsen keypti partin hjá Mart­ini Christensen í Hotel Bakk­anum. Tað vóru Martin og sonur Finn, Róin Olsen, sum arbeiðir í Havn, ið áttu Bakkan, og nú eru tað feðg­ arnir báðir, sum eru eigarar. Finn Olsen hevur umsitingarliga virksemi á Hotel Bakkanum um hendi og við síðan høgru lið hevur hann Ingun Poulsen, ið hevur starvast á hotellinum í fleiri ár. – Árið í fjør var gott, men tað hevur verið minni at gera í januar og februar í ár. Hetta kann hava nakað við tað at gera, at ymiskt virksemi var her í økinum, sum nú er liðugt. Her er nógv at gera við mati, men tað eru gist­ ingarnar, sum higartil í ár hava verið færri enn somu tíð í fjør. Finn Olsen hevur gjørt nógv við Hotel Bakkan, síðan hann tók yvir um­ sitingina. – Í fyrsta lagi eru allar einkult­ sengurnar skiftar út við dupult sengur. Nýggir stólar eru keyptir, og snøggað er um rúmini kring um á hotellinum. Døgurði og pizzakøkur Umframt at Hotel Bakkin altíð hevur ein góðan døgurðabita frá klokkan 12-13.30, er pizza-køkurin opin hvønn dag frá klokkan 16-21 og um viku­skiftið til klokkan 22. – Umframt vanligu matarskránna um middagsleitið, kunnu fólk eisini altíð keypa sær ein góðan búff. Tað tekur eina løtu at tilreiða ein búff, men bíleggja fólk í hampiligari tíð, er tað eingin trupulleiki. Tað ber eisini til at koma inn og bíðja um ein búff uttan bílegging, men tá er so neyðugt at bíða eina løtu, meðan búffurin verður tilreiddur. Finn Olsen vísir á, at í pizza-køkin­ um fáast nógv sløg av pizza, og her fæst høsnarungi og kips, fiskur og kips, umframt kebabs, durum og annað gott til góman. – Summi koma inn á gólvið, keypa í pizza-køkinum og eta inni. Onnur taka matin heim við. Er talan um fleiri bíleggingar, koyra vit eisini út av húsinum við bíleggingini. Umsitingarleiðarin sigur, at Hotel Bakkin eisini ger mat út av húsinum til ymisk høvi, og tá verður maturin sjálv­ andi eisini koyrdur til dyrnar. – Í aðrar mátar ber eisini til at leiga seg inn á Hotel Bakkan til ervi, kon­ firmatiónir, føðingardagar og ymisk onnur hugsandi tiltøk. Bíligt at gista Hotel Bakkin hevur níggju tveymans­ kømur, harav fýra av kømrunum hava bað og wc. Í aðrar mátar er bað og wc beint uttan fyri dyrnar. – Eitt tveymanskamar við wc og brúsu kostar fyri tvey 800 krónur um náttina, og tá er mongunmatur íroknaður. Er bara ein inni í kamarinum - ella tvey leiga eitt kamar, sum ikki hevur wc og bað inni, er kostnaðurin við morgunmati 700 krónur um náttina. Finn Olsen sigur, at barrin, sum er í niðara enda av bygninginum, er opin hvønn dag frá klokkan 11 um morgunin. – Vit gera eisini smyrjibreyð út av húsinum til ymisk høvi, eitt nú til føðingardagar, barnadópar, konfirma­ tiónir, merkisdagar og veitslur annars, sigur hann. Finn Olsen hevur umsitingarligu uppgávurnar, og Ingun Poulsen tekur sær av tí dagliga Mynd: Vilmund Jacobse