mánadagur 27. februar 2017síða 52

VIKA 9 • 27. FEBRUAR 2017 ÓKEYPIS LÝSINGARBLAÐ Suðuroy 28 TEMA Tangavirkið fær nýggjar og góðar umstøður í Vági Á Tangavirkinum í Vági er rættilig gongd í at byggja fyrrverandi bovlinghøllina um til sølubúð, goymslu og skrivstovuhøli Vilmund Jacobsen T að er Tangavirkið í Vági, sum eig­ur bygningin, har bovling­ høll­in helt til áður. Í kjallaranum er rúmlig smiðja, og her hevur fyritøkan fingið nógv betri um­støður enn tær, sum vóru í gomlu smiðj­uni. Tað er Arni D. Brattaberg, sum hev­ ur verið drívmegin aftan fyri stóru verk­ ætlanina at umbyggja ovaru hædd­ina til handil, goymslu og skriv­stovu. Tað fyrsta, sum skuldi gerast, var at bróta niður tað, sum var í ovaru hæddini, og í fjør heyst varð farið í holt við at byggja uppaftur. Góðar umstøður Tá Vikublaðið vitjaði í Suðuroy í síðstu viku, vóru vit inni á gólvinum í nýggju hølunum saman við stjóranum í Tangavirkinum, Mortani Mortensen og Arna D. Brattaberg. Áðrenn vit fara víðari, kunnu vit skoyta upp í, at Arni D. Brattaberg í fleiri ár hevur havt bókhaldið hjá Tangavirkinum um hendi, og tá fyri­ tøkan læt upp sølubúð, serliga við hvs-útbúnaði í ár 2000, var hann handilsleiðari, til hann og konan fóru at byggja Torgið í Vági, sum læt upp í 2008. Øll árini hevði hann tó havt bók­ haldið hjá Tangavirkinum um hendi. Verandi sølubúð hjá Tangavirkinum er umleið 60 fermetrar, men um­støð­ urnar í nýggju hølunum verða so nógv størri og betri. Nýggi handilin verður umleið 220 fermetrar stórur, og goymsluplássið verður einar 200 fermetrar. – Eg eri ikki útbúgvin timburmaður, men eg smíðaði í sínari tíð okkara egnu hús yvir eini trý ár, og tá vit lótu Torgið byggja, var eg at kalla hvønn einasta arbeiðsdag og hjálpti til. Arni D. Brattaberg sigur, at Tanga­ virkið hevur nógvar góðar handverkarar í starvi, og teir hava verið óførir at hjálpt til. – So, hetta finna vit saktans út av saman, sigur vagbingurin. Nýggju og stóru handilshølini hjá Tangavirkinum fara at hava alt hvs til vanlig viðskiftafólk, og síðan verða eisini onnur og størri ting, sum eitt nú kommunur og vinnulív eftirspyrja. Tá arbeiðið er liðugt, fer Tangavirkið at hava eina nógv størri sølubúð, eins og goymsluumstøðurnar á somu hædd sum handilin verða nógv betri enn í dag. – Vit fáa eisini eitt stórt glaspartí, sum kemur at pynta nógv um fram­síð­ una og inngongdina til stóra handils­ hølið, og her er forarbeiðið við stoyping og øðrum í gongd í løtuni. Arni D. Brattaberg sigur, at málið er, at tá fólk skulu byggja sær eini hús, so skal Tangavirkið kunna levera alt, sum skal brúkast innan hvs og baði­ rúmsmøblar. Haraftrat skal goymslan fevna um meginpartin av tí, sum komm­unur og vinnulív eftirspyrja innan økið hjá Tangavirkinum. Stórt arbeiðspláss Tangavirkið í Vági er eitt lutfalsliga stórt arbeiðspláss í Vági og stjórin, Mortan Mortensen, sigur, at í løtuni eru millum 18 og 19 mans til arbeiðis í fyritøkuni, harav fimm lærlingar. – Gjøgnum árini hava vit gjørt nógvar ymiskar uppgávur, og vit hava eisini verið partur av nógvum størri og smærri verkætlanum – ikki bara í Suðuroy, men eisini kring um landið. Sum navnið sigur, framleiðir verk­ staðurin eisini tangar av ymiskum slagi, men virkið er ikki minst kent fyri sína framleiðslu av eitt nú gelendarum, rekkverkum, trappum, dragarum og ymiskum øðrum úr jarni og stáli. – Í seinastuni hava vit arbeitt á nýggja surimivirkinum á Tvøroyri, og vit arbeiða í nýggja barnagarðinum, sum verður bygdur í Hvalba. Vit hava gjørt stórarbeiði fyri SEV, og enn hava vit fólk í ymiskum uppgávum fyri SEV, sigur Mortan Mortensen, stjóri í Tangavirkinum. Her á loftinum verður skrivstova við góðum útsýni yvir vágna í Vági. – Umframt Arna D. Brattaberg, eigur Poul Augustinussen, sum hevur arbeitt á Tangavirkinum í eini 30 ár, ein stóran leiklut í hesi verkætlan, sigur stjórin, Mortan Mortensen Mortan Mortensen og Arni D. Brattaberg Her skal stórt glaspartí byggjast sum inngongd til handilshølini